借藝術之名

（呢幾日訓得少，老細可能發現左我早果排日日寫blog，攪到我呢期多野做到PK，但，做都好悶，吹兩咀先。）

一向很留意文化界只限成人觀眾既表演節目，我睇神谷美雪的人話我咸濕，咁，為左以行動證明我唔係一個咁膚淺既人，於是我會同樣睇去文化中心大會堂睇番一類懶有文化既成人節目。

上星期日，我處女下海，看了第一套電影節的電影。

在葵青劇院門外，還遇見熟人，去到果度，大家都知大家做乜啦，睇咸片囉。

那一個晚上，晚上十時四十五分，在葵青劇院裏，放的是《性愛無限級》。

黃宇軒之前都提醒過我，電影節裏，英語對白的電影是沒有字幕的，反而，其他外語的卻有英語字幕。

我考toefl的listening都唔低分的，那，我當然以為自己好勁。嘿，一開場，就知死喇。成套戲，得兩成聽得明啦。

呢套電影，為某個比賽的參賽片段，電影原來放的是七段的其中兩段。但，當播畢第一套後，大燈亮起，很多觀眾都很突然，因為，電影節的介紹說有兩段時，而，上影了的一套，是悶得要死的一套。

內容大既是訪問了幾個十幾歲的人，關於他們看咸濕電影的經驗、性經驗，很悶，結局是一場同場地沉悶的魚水交歡。

唯一的得著，是再一次肯定我對夷人毫無興趣，撩不起半絲興奮。

至於另一套，很可能過不了電檢處，未能上映。第一套冇野睇，第二套冇得睇，觀眾自然鼓燥。

第一次睇電影節電影，這是很差的經驗。

另，今日又看了另一套三級片，The Free Will，德國片，長一百六十三分鐘，好悶囉，訓醒幾次都未完，最後，仲要早走添。