不識特首

2007/03/15

昨日報紙說香港大學生不識特首,情況令人擔心。歌德兄講左幾句,我又插下嘴。

“科技大學工商管理學院二年級學生李麗琳指學校沒教何謂政治,也沒有教導我們怎樣看一個候選人。"

呢句真係可圈可點。

在缺少左前文後理底下,我地應該如果去解讀呢個說話呢?

最直接既解釋,係李麗琳係一個好私稚既學生,好似歌德咁講,學校冇教你揀老麥薯條定薯皇點解你又會識揀?唔係話學校冇教就可以理直氣壯的說唔識麻。看一個候選人,最最最簡單既就係,睇下佢提倡乜野,又睇下自己想要乜野,又諗下想個社會係點,想揀下邊個岩自己,咪就係咁。

但, 我地又可唔可以從另一個角度想?呢位李麗琳同學講既其實係語帶隻關的說話。記者所轉錄的只係佢講既野既一部份,會唔會,其實佢跟住係話:「⋯而家既大學教 育在這個政治環境裏面受到好大壓力,教員為保教席,不敢公然的於課堂上討論政治問題,尤其對最敏感的特首選舉避之則吉⋯」這位李同學原本會唔會想咁講?但 因為個記者要出呢個報導,就從中選取左佢自己需要既句子黎用,如果係咁,呢位李同學就不明不白的成為我地眼中既幼稚學生。

廣告

9 回應 to “不識特首”

  1. cheryl Says:

    我又未必覺得香港既言論自由會落到教授避之不談掛?? 不過好肯定係香港教育唔注重呢方面既野,可以見得既就係學校冇require學生一定要讀一堂政治為必修 (是嗎?)。

  2. 70/F Says:

    小 justin:
    你既相關搭相關語
    我仲欣賞

  3. Justin Says:

    Cheryl: 真係有一些人係唔想談的。
    香港係完全唔使讀政治的。其實,就算有,都可能會幾得人驚。試想,由官方陳述的政治,同我地平時見到既,會有幾大差別。同時,官方又會容許教科書批評政府質疑基本法嗎?

    七十樓姐姐:
    嘿。
    嘿。
    哈。
    你讚我,我就開心了。
    嘿。

  4. Gideon Says:

    我覺得呢,就算學校有教,對候選人有認識,都唔能夠話咩識唔識揀。

    選擇就係選擇,好難分對錯。咩係對既選擇?同我既選擇係一樣既咪係對囉,大部份人都係咁諗。

    所以我覺得問題唔係識唔識揀,而係李麗琳對唔識揀呢個責任推左俾學校。其實佢直接答對“我對政治冇興趣,無可奉告”唔係仲好?一了百了。唔係又對政治冇興趣都唔俾下話。

  5. cheryl Says:

    我諗佢唔夠薑既…. 講真,搞政治既人其實都係好似我地咁出身,所以可以肯定佢地自己都唔知自己搞緊乜(哈,無聊)

    gideon,明你講乜。而家讀緊survey research,項就係呢d野。不過當事人咁推,都幾諷刺下,即係我覺得好香港style囉。人地問你:你有冇咩咩咩個file呀?可唔可以做左佢? –> 唔知喎,老細冇教。呢個答案 —- 勁!!

  6. Justin Says:

    Gideon講得好呀!而家最大既問題,唔係話同學們唔識答問題,而係,佢地唔敢答。點解唔敢答?讀書時候唔答慣問題囉。讀書時候答問題,一答錯就俾人叉,又點會敢答。冇幾耐大個左少少,問問題或答問題好多時又要諗過度過,老師們好鐘意第一句就車埋黎話你呢個問題好幼稚。大佬呀,面皮薄的都死啦。如果,那位李同學夠膽話好似鐵鎚兄所言咁答,我就欣賞佢囉!!

    Cheryl:老細冇教老師冇教我覺得完全唔可以係答案黎。有時候,面對一些明知google有答案既東西,真係想講句:Ask google before you ask dump question!!!!

  7. cheryl Says:

    呢個世界好多人都唔知道google一下就有答案,就算你話佢知佢都唔信亦唔識點去搵。

    唔好話google,係電腦唔見左個document d人都嗌救命啦。我覺得大學prerequisite入面仲一定要加堂computer literacy囉。即係教點用mouse呀,點熄機/boot機等…

  8. Justin Says:

    在馬料水大學,畢業的其中一個要求就是要pass一個電腦能力試。

    都是用word/excel/send email之類的…

  9. cheryl Says:

    咁掂啦,不枉為名校


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: