我不吃甜

2007/03/15

人地寫「我不吃…」,我又寫寫。

這個blog叫「凍啡走甜」,完全係出於我既飲食偏好。

我自懂事以來就唔鐘意食甜野,唔食糖唔食朱古力唔飲可樂。細個時候同親戚食飯,見到其他小朋友嚷著又要雪碧又要雪條,我就乖乖咁食面面前既乳豬拼盤,其他人就梗係讚我乖仔啦。但久而久之,當時光飛逝,親戚朋友們就唔再讚我乖,取而代之既就係話我怪。

但我就係覺得甜野好多時都好難食囉。

當然有好多人會質疑:「乜你唔覺得食完甜野會好開心咩?」「乜你唔覺得咁會少左好多人生樂趣咩?」

唔覺。通常,我既回應係:「你食完苦野會唔會開心?」「如果世界上冇苦野,你會唔會覺得少左人生樂趣?」

我係OK鐘意食苦野既。尤其係飲苦野。苦到抽根既expresso是我的至愛。不過因為太細杯,兩啖飲曬。於是,我轉左飲iced americano.

只不過係將甜同苦倒轉左啫。所以,我懷疑過自己條脷,感應甜野同感應苦野既味蕾神經倒轉左。

又或者,係因為我細個時候有某些唔好既經驗associate with甜野。細個時候我成日病,娘親話以前個個月我用左佢三分一既人工黎睇醫生。睇完醫生就梗係要食藥啦。而藥水通常係甜既。我記得細個時唔肯食藥,屋企既菲律賓傭人會係將我㩒响地下灌我食藥。

我唔知係因為本身我唔鐘意食甜野,而導致我工人要灌我飲藥水。

定係因為我工人要灌我飲藥水,而導致我唔鐘意食甜野。

總之,唔鐘意甜野,就係一定喇。

廣告

13 回應 to “我不吃甜”

  1. Patrick Says:

    我不愛苦
    但獨愛黑朱古力
    在口中由超甘到勁苦再到有散發少許酸味。
    真係諗起都正


  2. […] The innerspace: 我不吃【果仁】﹐因為 ……….. Mad dog: 最怕吃… 梁巔巔:千帆並舉。萬文齊發。百萬文章同題一起 Post 之我不吃。。。。因 blue: 我不吃扮肉的齋……因為…… gabriel: 我不吃魚肝油,因為腥到暈 guy: 我不吃蔥、洋蔥、芫茜、芹菜,因為… 五師兄:我不吃……因為…… lu: 我不吃… 因為… PK_:不吃 樂遊:揀飲擇食 堂本冰子:我不吃綠色吊味蔬菜,因為…我…會…嘔… Carrie: 我不吃...因為... Heidi: 我不吃蘋果,因為…… 小Justin: 我不吃甜 […]

  3. cheryl Says:

    果d怪藥我都食得多啦… 都唔同味既(只有cherry coke會令我覺得似),同埋味覺呢d係天生架,你有冇睇過d人同d bb做test,有d天生係picky就真係食咩都喊。另外body chemistry都會影響一個人想食咩野姐…

  4. AK Says:

    Justin兄,
    AK都係一樣,唔鐘意甜…對甜既感覺好敏感,人地覺得甜既野,AK會覺得甜得滯,好似有種怪怪既苦味…

  5. Justin Says:

    Patrick: 嘩。咁你有冇試過99%果隻dark chocolate?放入個咀後,好似抽乾曬啲口水咁。

    Cheryl: 如果真係天生,咁就真係冇得賴,我天生係怪人。

    AK: 咁你食唔食苦野的?

  6. 珊潺 Says:

    唔係wo,
    你明明係食糖水架wo!

    hehehe~

  7. Evan Says:

    我嗜甜但唔食得太甜
    特別健康下下邊緣之際

    朱古力糖近排戒左,因為某些原因
    連其他甜野都食少左*

    其實食甜食苦都係個人喜好丫*
    Btw,不過好怕甜到覺得酸既野*

    不過,你咁樣咪肯定身體好好lor,最少唔會有嗜甜者既問題=)

  8. Lo Says:

    我都因為個人經歷,唔鍾意食甜野,不過唔係唔食。只係唔會開地咁
    去食囉。

  9. cebi Says:

    我又係好中意飲齋啡,不過一定要熱 ^_^

  10. Justin Says:

    珊潺:請問…我係唔係識你既?

    Evan: 完全唔食甜野對身體其實不太好,因為太缺少糖份,個人會好容易累。甜到酸?我真係未試過。但係,有時有的野聞到都覺得"溜"

    Lo: 我食甜野都係覺得唔開心的。就開始其他人食苦野咁。

    Cebi: 係??我,冬天都要飲凍。

  11. TSW Says:

    嗯,我總是以為是「少甜」就可以了。

  12. Justin Says:

    鄧公大駕光臨,蓬畢生輝。
    事實上,我係,
    少少甜,都絕不可以。

  13. TSW Says:

    我記得我以前是犯過有關的錯誤的。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: