影相日禮物

2007/04/01

林子斌的xanga 裏引述了今日明報關於內地大學生對香港學生的看法,其實,那位曹玉騫先生說的也不是件甚麼獨特見解,不過是從一把內地生口中說出更具說服力了。

其 中一段,關於男生女生抱公仔,他說可笑。哈。這時候正值馬料水大學的送舊時間,人人都影相,傳統(來自組爸組媽)教我們要抱著花花草草公公仔仔跟全人類合 照獨照又傻笑,曹先生見了可能覺得怪,覺得大家未斷奶。我覺得,主要因為佢身邊的人都沒有要公仔而已。左手公仔右手花,我不覺得這是因為大家都超低能,反 而是因為眼見人人有,而抱著人有我有的心態去要罷了。

手上的公仔和花在某程度上是三四年來人際關係的成績表,當然大家可以話我膚淺話我物 質主義,但不是麼?要不然為甚麼在影相日以前不同組別的人都會嘗試夾錢互買互送禮物?手上有幾隻女人街老翻公仔彷彿是影相日的入場劵,手空空無一物跟滿手 都是公仔的人影相不單古怪,還會令對方憐惜地借手上多餘的一隻半隻俾你揸揸,拎住兩梳蕉的畢業生影相就似是一個落難的苦書生,其他人見你冇人冇物就自然會 覺得你人緣差。

全都是因為朋輩壓力。別要少看這種壓力,都畢業了,多花一百幾十,大家開開心心消消灑灑走一回又如何?人人夾錢買禮物時難道還要曲高和寡麼?如果做了這點點少事就能令旁人感到開心暢快,又何樂而不為?又不是傷天害理,又不是傷風敗德,頂多,是無聊罷。

在那個時候,前路茫茫,臨別依依,影相日不過讓大家沖喜一下,洗擦一些離愁別緒。那一天裏,隨波逐流,抱著人有我有的心態,輕輕鬆鬆過一日,開開心心地當個蠢人,那就算數吧。

嘿,當然,這個影相日的送禮活動絕對是浪費地球資源,兩年前三色台財經記者古某的一系列毛公仔至今依然在我家,人們大概都不會記得自己收過/送過幾多,總之影相日數埋唔少過阿邊個就是了。

廣告

14 回應 to “影相日禮物”

  1. kenka Says:

    你說中了我的痛處了. 我當年正是沒有公仔在手, 可謂手空空無一物, 路遙遙無止境…正因人緣差爆.

    那個時候連相也不願多影了, 觸景傷情, 畢業相都冇幾張留低.

    膚淺嗎? 很膚淺, 跟朱義盛首飾一樣. 陶傑之流取笑之, 我珍惜之.

  2. Lo Says:

    我覺得你打左幾好個比喻去講出呢樣野:「成績表」。

  3. kdsuen Says:

    個內地生講得好,我一早都小緊啲人點解要拎公仔。

    堂堂大學畢業生,廿歲人,抱住隻keroro/winnie the pooh影畢業相,似什麼?
    keroro同你一齊做過project,趕過deadline,考過midterm/final麼?

    Photoday既熱鬧確實容易沖昏頭腦。或者趁機集體反智一下,都無壞既。說到底,今時今日學士畢業也不過讀夠個百零個學分而已,拎keroro可能更相襯。

    BTW,我今年收到既野有一束好漂亮既花,一條一千蚊,同埋一碌野。我人緣差,得三樣,但係我好滿足,因為至少有Justin黎同我留過倩影。謝謝~
    (其實我想問下,你有無份決定買咩禮物架?)

  4. cheryl Says:

    哈,呢個我都奇怪。不過我唔太了解本地大學文化啦,所以都冇批評lu~
    不過可能係同文化有關啦。你唔覺得香港好多年青人都拒絕長大咁咩? 即係好似twins咁,30歲coming啦,個形象總是長不大,講兩句嘢又怯場咁。我都有親戚係咁架,成日覺得自己仲係妹妹仔… -_- 可能係咁d人覺得毛毛公仔=後生象徵???!?

    不過好似我呢d唔鍾意公仔嘅女仔,有男仔嫌架!!! 「乜你都唔cute嘅」「咩都唔鍾意嘅」咁係呀嘛,keroro真係有d樣衰喎,又唔係forever friends….

  5. winson Says:

    我諗起你舊年畢業收到ge 成績表… XD

  6. 70/F Says:

    嘿!我,連相都無影呀!

  7. Justin Says:

    Kenka: 哈。真的。不單只是手空無物會使人難受,那天,穿上畢業袍,但不識幾個人,在茫茫人海裏呆企,已是難受。

    Lo: 係呀。正正係人際關係的成績表。

    Kd: 嘿。邊關你事,你exchange過,同學們都走光了。果碌野,NA photoday果個星期初我已經知悉呢件事~~~但,點都冇奶油一早話你知啫。

    Cheryl: Keroro係樣衰,不過佢既卡通片蘊含好多經濟理論!!!youtube有全套,你得閒睇下!
    另,我覺呀,關於拒絕長大,如果可以,我都唔想長大啦。年紀愈輕,責任愈細。
    另另,關於毛公仔,我覺得主要都係抱住人有我有既心態囉。

    Winson: 嘿!!一個胸圍,一條底褲,一條男性生殖器整長器,一個飛機杯!!!嘿嘿嘿!!好明顯大家都覺得我係一個好性的人。

    七十樓姐姐:你果然由始至終都係頹!!!!!

  8. Emily Says:

    咁樣我Photoday時借那一系列的公仔俾我影相啦~
    最好在你走之前放在我度托管, hahahaa

  9. 熊貓王 Says:

    我反而想知內地生畢業會怎樣?是兩手空空?還是會拿著其他東西。

    有些內地生會拖住父母拍照,我又可以說他們未斷奶嗎?

    鮮花如果可以接受,我會問難道鮮花又陪過你通頂趕披爬、做仆直嗎?

    畢業拍照時,我特地去圖書館借了本超厚的祖國法律大全,裝模作樣一番,但那本書由此至終我都未看過,只不過貪它皮硬夠厚,看起來很有型。

    拿書本的,都可以很膚淺。

    無仔無女送的我,「公仔」只收到兩個,都是由好朋友送的。論「量」也真是少得可憐,但大學畢業兩年,我與送公仔的朋友還繼續有聯絡,論「質」,我是非常滿意。

    最特別反而是FYP那群的組員,本以為大家做完present就永不相見,但最後大家都有合照、食T。有時覺得,有沒有「公仔」其實不太重要,有朋友在身邊就夠。

  10. cheryl Says:

    keroro — eeeee 唔睇!
    不長大 — 唔想唔代表可以嘛。長大不知幾好,想做乜都得 =P
    公仔 — 嘻~其實樓上講得幾好。畢業拎住卷嘢就夠啦,有人喺度就得啦,整咁多嘢做咩。我6月walk等我貼我d相威吓先!

  11. C.M. Says:

    Sorry… 請恕小弟唔多明白,送花都可以理解,但點解會送公仔?送公仔比男同學播…

    至於內地生畢業(係國內畢業),小弟見過有時都有花(女仔),兩袖清風既都有。

  12. chris Says:

    我記得我畢業時沒有拿什麼公仔, 也沒有什麼花, 我不是中大畢業, 可能文化不同吧, 但其實這只不過是個人喜好. 有些人愛穿parda, 有些人愛穿disney, 我明白觀人先觀其貌, 但每個人外觀不同, 咁我地又係唔係要將每個人分類. 老實說, 我覺得你又唔係傷害別人, 你拿著你的公仔是你的自由, 如果我是不了解你的文化, 我只會好奇, 但又唔會笑你幼稚, 情況不過只是這樣, 舉個例, 如果我對傳統中國葬禮不認識, 唔通我係靈堂裡笑那些做法事的人無聊嗎… 其實這不過是人對人的包容問題, 當然, 如果有人笑你, 隨他吧, 你做你自己喜歡的事情, 你自己認為對的事情 (當然建基於不可傷害他人), 為何不可?

  13. C.M. Says:

    Chris,

    不不不。小弟絕無輕蔑之意。正如小弟當年都曾作不少父母難明的舉動。小弟年事已高,不想和年輕的一輩脫節,所以有此一問。但願獲得解答。

  14. Justin Says:

    Emily: 嘿!!你記得响我走之前黎攞。

    Panda: 我既內地生朋友,都係,同普通本地畢業生一樣,揸公仔囉!
    你令我想起那年周保松同佢既門下弟子一齊拎住本TJ影相。

    Cheryl: Keroro,你,姑且睇番十零集,真係幾睇既!

    C.M.: 因為花會謝,公仔反而長生不老。因為有好多人都拎公仔,所以,在大學裏,男同學揸公仔都好正常既。

    Chris: 或者係因為我自信心唔夠勁啦,一個人笑我,我可能會覺得冇乜野,但係,當有好多人同時笑自己既時候,呢個感覺就唔係咁好受。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: