搭車打機

2007/04/14

時常睇blog睇報紙都見到人鬧話而家的後生搭車都淨係掛住打psp同nds,又無聊又幼稚。於是乎我就好少搭車打機,通常,都會睇書囉,睇咩書?屋企枱頭順手拎走咩咪咩囉。睇過丹布朗既聞西密碼同天使與魔鬼,又睇過董橋散文引用過既閱微草堂筆記,又睇過林行止既原富精神同閒在心上,又睇過村上春樹既東京奇譚集。我諗睇呢的書對搵工有幫助掛。

其實呢,有時候番工做左一日research既野,用腦用左成日,搭車仲邊有心力睇呢的又用腦又多字既書?有時,拎住本書,睇極都睇唔入腦,但堅持拎住,都係為左扮有文化者。

呢兩個星期,忽然之間太多野做,日日都唔夠訓,冇精神,搭車時完全唔想睇書。塞住耳筒聽黃耀明,但係雙手插袋冇野好做都好唔自在,話曬藍田去九龍塘都有八個站,然後九龍塘去大學又唔知幾多個站,再要搭車上山,全程幾近一小時。咁,都係唯有破戒拎部psp/ndsl出街搭車玩。覺得都幾好,個腦唔使點郁之餘話咁快就到站。

但係一路打就一路覺得自己變左自己以前一路以黎都鄙視既人,唔係咩?跟住人地set好曬既rule黎玩。跟住人地set好曬既goal去做野。人地話咩就咩?咁,仲講乜鬼獨立思考?

有時諗,如果我打緊機既時候,身邊有人出言責難,話我淨係頹廢青年識得打機唔死冇用,咁,我應該點做好?
一、唔好玩佢,繼續打機;
二、同佢討論一下濫發鈔票對金融系統既影嚮;
三、同佢講下任天堂同sony兩間公司marketing strategy;
四、問下佢究竟魚游水快的定係雀仔飛得高的;
五、問下佢coffee or tea;
六、望住佢傻笑,等佢估我唔到;
雖然,到目前為止,都未有人公然乂我話我打psp幼稚(我娘親例外),但,其實,我諗,去到果一刻,我都應該會唔識俾反應,都係會傻笑居多。

又或者,如果各位虛擬世界既朋友,搭地鐵時見到有個𡃁仔個樣好串,同時又矮又廋,著住條好耐冇洗過既levis,腳踏米白色邊stan smith,又聽住ipod打緊psp,不妨,拍下佢膊頭,同佢揸揸手,或者,果個,就係我。

廣告

13 回應 to “搭車打機”

  1. cheryl Says:

    呢段車程我都撘過幾個月,真係幾長。不過我撘車唔鍾意做嘢,淨係聽音樂啦同諗嘢(有個諗樣that’s why =p)。睇書太多人太多嘢好分散注意力,機喇喎我就唔係太好,事關真係好渣,我淨係會玩d低能game,哈哈。所以都無謂o徒錢去買咁多嘢lu,我ipod都冇=(

    不過可能因為都打過吓機,都知道有陣時打機唔係真係唔用腦嘅。坐車打機都唔代表一個人係膚淺啫,都話人人都有自己嘅story囉! 我比較會覺得d人大聲講電話而又俾人聽到佢白痴嘅對話幼稚d囉,真係… 係咁大聲講即係覺得好有自信啦,但又俾人聽到你講d嘢係好無知喎… 有時都幾係樂趣o架聽呢d人講嘢。雖然我扮聽歌-ing不過我其實個attention已經去咗佢把聲度。有時仲超衰喺度笑,人哋都唔知我發生咩事… XD

    不過你都唔好咁介意人哋點睇,正如D老坑老咗都完全唔CARE人哋點睇佢當眾R何B撩鼻屎講粗口吐口水大聲講電話…. 人越大應該對自己越肯定嘅。JUSTIN,努力!!!!!!!!! (況且你都係準碩士生啦…真係唔係人人都得O架,係呢個社會失敗一次之後D人可能有意無意將對佢哋有威脅嘅人偏低咗都未定! 你絕對唔係高分低能!)

  2. 油鉗魚 Says:

    我覺得打機絕對係無問題,我自已都有玩………除非……… 打機個條友唔帶耳機又開到大大聲…..

    各位開到大大聲既大佬…….唔係個個人都想做你聽(觀)眾架炸… 😐

  3. Teoh KL Says:

    What’s wrong with playing PSP on the subway? It’s kind of brain reflection exercise in fact. Be yourself as long as your behaviour post no distubance or inconvenience to the others.

  4. c Says:

    以前我只會聽音樂、思考一下(即發白日夢)
    早陣子買了ndsl,下班坐車時通常都會玩,
    因為不知睡了晚上更難入睡。
    我發覺打機有一個好處,就是令我放鬆心情,
    假如我擔心遲到,我便會打機,哈哈,讓自己忘記時間(啊,我通常不會遲的)。
    有深度還是膚淺,我覺得在不知就裡就批評他人膚淺的人最膚淺,
    憑什麼呢?
    anyway,我認我膚淺,我鍾意打無腦game的。

  5. 米搞 Says:

    好哇好哇...打多D NDS 啦,我買左任天堂呀。(雖然我本身既無NDS亦無Wii)

  6. Lo Says:

    有時會覺得打機呢D人好晒時間,亦曾經覺得呢堆人好晒時間,不過家陣唔同,唔會覺得佢地膚淺,只係大家用時間方法唔同啫。

  7. tea Says:

    hahahahahaha=]
    扮有文化!!COOL!!!!!!!!!!!!!!
    其–實–你–al–rea–dy–有–文–化–囉!

    黃耀明!
    我最鐘意「流浪者之歌」~~

    Na na na na na na…
    不愛便自由 想高飛遠走

    *Na na na na na na…
     不愛便自由 想高飛遠走

     沒人值得回首
     在心中一早擁有
     再出山行走
     會有新的他可扶手*

    未來無盡鏡頭
    尋覓是活著理由
    私奔般遊走
    愛上他都不管從此 之後

    REPEAT*

    未來無盡鏡頭
    尋覓是活著理由
    私奔般遊走
    至少一分鐘可忘憂

    夕陽留在背後
    名字活在心裡頭
    觀光般遊走
    直到失蹤自動分手
    當地 當時 未減溫柔

    btw,似乎在字裡行間估到你的未來動向…
    wish u every success.
    life is always wonderful=]

  8. 熊貓王 Says:

    我通常唔會打機和聽歌。

    不是因為我 (扮) 清高,而是因為我太易沉迷落去,搞到唔記得落車 / 行路被車撞死。

    以前都會試下響車度睇書,但發覺除非塞車,如果唔係通常睇唔得耐。

    或者你試下面試時,被問及有乜嚐好,就答:「打機--」^^

  9. TK Says:

    我通常會看書或者訓覺
    因為打得機多會眼矇及出現假近視

    而且覺得自己的生活模式已浪費太多時間,再打機真的不行

  10. 余若虛 Says:

    呢個世界D人都係鍾意批判人架啦,好似搭車打機=無文化,都只係一群無知既人小小既演繹。

    聽歌、睇書、打機,我搭車都會做,視乎個一刻想做咩啫。不過我搭車打機有時會頭暈,所以都少左。已經習慣唔理會周圍既人既睇法。只要搞唔到人,反正三唔識七,撞返都唔認得。

    反而影響到人既就最討厭囉,打機開到大大聲,全車都知你食咩胡。仲有,個D鍾意係車到試電話鈴聲既人,真係最最討厭。

  11. C.M. Says:

    或者,當有人話你係頽廢青年既時候,你咪同佢講:不如你睇左我個Blog先在話我啦。

    查實你媽咪有冇睇過你個Blog呢?

  12. C.M. Says:

    … 不如叫你媽咪做龍應台個角色,然後同個仔係文章上對話,唔知咁又得唔得呢?

  13. Justin Says:

    Chryl: 謝謝你的鼓勵。我都好鐘意搭車時插住耳筒偷聽人地講野,嘿,有時候真係好搞笑,另,之前我都係响starbuck插住耳筒聽人地interview,都同樣地,好得意。

    油鉗魚: 同意。我都好憎人打機唔插耳筒但開到大大聲。

    Teoh KL: It is nth wrong actually, but people usually think those with a psp/ndsl in their hands are sub-ordinate.

    C: 我好多時都會揀唔用腦既遊戲黎玩。因,平時仲用唔夠腦咩??!

    米搞:嘩。我想問,買任天堂,最低消費係幾錢?

    Lo: 我以前都有同樣感覺。但,有時,發覺真係太累時,冇可能用黎睇書。

    Tea: 謝謝呀!!你都要做個好老師。

    熊貓:我上次去M$ interview,佢問我最鐘意用佢公司咩產品,我都答話係Age of empire。

    TK: 我都覺打機有時幾浪費時間,但,太累時,睇書冇精神,但又訓唔著喎,咪,唯有,打機囉。

    余若虛:哈!响車度試電話聲。。。Mr.bean裏面有呢一幕。

    CM: 我娘親應該冇睇過。我估。唉,家中兩老(尤其我娘親)雖然文筆唔錯,但,思想相對地保守,我都唔係咁敢話佢地知我有呢個blog。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: