戒啡

2007/04/26

我嗜啡並非新鮮事,同時,物極必反之道理,放諸四海皆準。

對上幾個星期死衝得太利害,日日猛飲好多咖啡,基本上係一餐一大杯,另外間唔中來一小杯。

幾個星期前報紙話每日一杯中型老星(即係佢既兩shot expresso)已經幾乎係成年人一日攝取咖啡茵既上限,我諗落都有少少驚,事關老星一杯小型飲料係個minimum charge,然後每級上只係加三蚊,而上一級其實就係佢加多一shot expresso。再加上,中杯既iced americano大部份係冰,太唔㩒飲,去買親中杯果個和藹可親既姐姐梗係會加句「不如轉大杯吖,只係加三蚊」,加三蚊,就係加三蚊,驚死貶底既我十次有八次都會加大。於是乎,每一次行入老星,出番黎果下,基本上,我已經超左標。

另外,學校canteen既凍啡,唔似得老星果的咁係逐shot expresso黎計,我吸左幾多咖啡茵就真係無從稽考,不過,一定爆燈啦。

好記得上個星期五通完頂,已經飲左唔知幾多杯凍啡,休息左一陣番屋企沖完涼,路經又一城老星,我買左杯特大既iced americano(亦即係四shot expresso加冰),諗住可以支持到深夜,點知,番到office,坐低唔夠半個鐘,就訓著左。

呢個故事教訓人,其實,人既精神的有限既,咖啡既作用,就好似係用珍珠奶茶既飲管飲野咁,The light that burns twice as bright burns half as long*,杯野得咁多就係得咁多,點啜都係冇用。

於是乎,我就決定左戒咖啡一個禮拜,呢幾日,日日訓十/十二個鐘都好似唔多夠咁,有幾刻,真係好想飲番杯,但,而家,毫無必要的情況下,都係戒下先。

廣告

13 回應 to “戒啡”

  1. C.M. Says:

    後生仔,

    本老頭都好鍾意啡,啡嘛,人間極品也。但係,年前為身子著想,都減少左好多。停一停,反而覺得回味無窮…… o霞…… 正呀!

  2. TK Says:

    習慣左透支之後,身體機能平日的表現會下降,只有靠咖啡才能回復正常水平,d 人覺得飲完精神,只係佢未飲果陣好唔掂而已

    同埋飲得多,睡眠質素會下降,訓十個鐘只係回復到五格電,扣埋利息得返三格半,梗係好快用完,電池用完因為日頭唔得閒(或者覺得再訓好豬)又無得叉電,所以再透支,身體銀行收息都幾甘的

    有空檔覺得眼訓就訓,有一說法指人的身體其實知道自己要d 乜,只係人的主觀意志往往蓋過身體實質需要

  3. samsara Says:

    我都減緊咖啡呀,依家規定自己一星期只可以飲三杯tall cap.其他日子照去Starbucks,不過飲熱朱苦力,當自己飲左咖啡.

    又,一人一日一杯tall係極限一d都吾科學.一個三百磅既大肥佬,可以頂得住既咖啡因,又點會同我一樣?美國人咁大隻,d數字在中國人身上仲要再減先得.

  4. gordon Says:

    我早就勒令自己完全戒晒咖啡奶茶,次次飲完都手震,雖然唔飲都有時會震,本身體質弱吧…
    不過你都真係飲到激左,係要停下了,保重身子~

  5. c Says:

    對,係時候戒下喇,戒下唔好飲咁多囉
    雖然咖啡好香,但我完全受唔到
    飲親必死,胃痛死啊
    我好孱仔架,真係懷念以前男朋友每日幫我叫奶茶既日子
    就係每日飲囉,現在飲親都心跳加速同胃痛

    你再咁飲落去,我怕你會同我一樣
    個胃可能爛左一半

  6. Justin Says:

    CM: 冇錯。其實日日飲,條脷都麻目曬,去到後尾幾日都只係為提神而飲。
    數到今日已經係第八日冇飲咖啡,應該係呢兩年裏面最長既間斷,好期待下次飲咖啡既感覺。

    TK: 有空檔,就好似搭車咁,好多時都係唔想用腦,咪訓下囉。

    Samsara: 嘩!!一日一杯仲要減??!!!!

    Gordon: 我都知上星期飲得太勁,所以呢個禮拜唔飲補數。

    C: 其實我個胃一向都係唔好既,細個時連奶茶都唔得,但,唔知點解,漸漸地,又ok咖啡喎,咁,就係咁飲囉。

    另,我咁講,好似講到我酗酒咁!!!

  7. 渣估 Says:

    試過戒啡三星期, 之後再飲番既第一杯咖啡, 即刻 high 到癲。

    呢個故事啟發左我, 久唔久玩下禁慾 (禁 coffee) 都幾好, 因為清晒體內啡因之後, 再飲番第一杯咖啡, 果個感覺真係好正!

  8. 余若虛 Says:

    我都係嗜啡一族,但,唔知點解,咖啡對我基本上係無藥效,唔知係咪細個飲茶飲得多呢?

    我嗜啡徒為口腹之慾,享受咖啡香。飲得太多,傷架,take care!

    P.S. 嘿!基本上我平均每日都會飲到一杯咖啡或奶茶。

  9. Justin Says:

    渣估:我都好期望日後飲番第一杯凍啡既感覺。嘿,而家,就睇下我戒到幾耐。

    余:我諗因為咖啡對我仲有效(起碼心理上係),所以先會飲咁多。
    但,而家都應該停下。

  10. 無名 Says:

    我最高紀錄係一日6份啡, 真係有d暈…
    但係, 其實我宜家平均每日都有2-3杯, 唔飲就會勁眼訓. 不過主要都是在公司沖的, 回到家也避免再喝 (再者, 回家沖咖啡太煩, 因沒有即溶的..)

  11. 火鶴 Says:

    話時話, 老星杯Caffè Latte真係幾香幾好飲喎

  12. Justin Says:

    無名:之前我都試過一日好多好多啡,飲完好似虛脫咁。

    火鶴:係呀!以前我都係飲佢,貪佢夠香夠滑


  13. 試吓decaf 啦,唔駛咁傷。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: