加三蚊

2007/05/06

正在讀The Undercover Economist,幾好睇,岩曬我呢類從來未讀過econ既人,例子都是從生活裏找來的,簡單易明。

又或,又可以講下咖啡。

在老星一杯iced americano中大特大既價錢分別係廿二、廿五同廿八。

中杯iced americano包含兩shot expresso,大杯有三,特大有四。

老星的咖啡機係一次會做兩shot expresso出黎,當我叫既飲料(例如:Iced grande americano)係相當於3shot expresso時,多餘出黎果一shot,老星既慣常做法係—倒左佢。

係唔係好浪費呢?之但係,如果响老星每加一shot expresso,係要加三蚊既。

咁,既然咁浪費,點解佢唔可以免費咁倒埋果shot俾我呢?

這會令我諗起學校既canteen,有些同學喜歡趁飯堂快收工時才開飯,唔係因為佢地勤力掛住做野,而係因為果個時候厨房會見到有餸淨,與其係倒左佢,倒不如益下我地此等吃頹飯既清貧學生,於是,八點半先買既餐蛋飯,有時會變左做餐腿腸蛋飯。

學校飯堂又點可以同老星比?!!

如果老星下下都俾多一shot買grande既人,又點會仲有人買Verti,(當然,大杯的又㩒飲的)。

三shot同四shot,又係唔係真係咁易分得出呢?

另,在於老星而言,Grande同Verti既成本基本上係一樣既。

另另,在顧客而言,如果一個又夠面皮厚,大可以買杯double expresso,再加一shot,再問starbuck姐姐攞水同攞冰,自己溝,咁,一杯Iced Grande Americano就只需要十八蚊,慳左七蚊。

咁,點解Verti又可以比Grande賣多三蚊呢?

咁咁,點解Iced Americano可以俾Expresso多賣七蚊呢?

關於第一個問題,呢本書就話,因為有些人覺得一杯咖啡(又或者當係响starbuck買個位睇書)只係值廿五蚊,咁,如果下下都將一杯咖啡定做廿八蚊,咁,就會做少左肯俾廿五至廿七個九毫既人既生意。但係,如果,佢將個價錢set做廿五蚊,咁,明明有一班人係會俾廿八蚊買杯咖啡,就係因為佢淨係賣廿五蚊,所以佢做每人做少左三蚊既生意。

於是乎,佢就set左兩個價錢,就可以比淨係set一個價錢賺多的錢喇。

關於第二個問題,嘿,起碼,咁面懞既野我係一定唔會做既。而,好明顯,老星就係睇中佢既顧客既呢一點,明明同一樣既成份既product,(水同冰响老星係唔使錢既,只要你肯開始問佢攞),價錢都可以差百份之三十。

呢個情況,就好似麥當勞既精選早晨套餐同埋豬柳蛋漢堡餐咁,明明材料係一樣既(唯一既唔同,係炒蛋同煎蛋),點解兩個餐既價錢可以有出入?

其實本書我仲未睇完,以上講既野係第一個chapter講的。

就係咁多。

廣告

9 回應 to “加三蚊”

  1. gordon Says:

    冇去starbuck飲咖啡ge習慣,不過老麥ge早晨全餐同豬柳蛋漢堡餐價錢有異ge問題好早就發現左,初中就已罷食早晨全餐了,haha

  2. 熊貓王 Says:

    Well…. 我唔飲咖啡,但如果響茶餐廳食完辣野,杯飲品唔夠喉,我真係會用熱檸茶 / 熱檸水的殘餘,溝一杯熱檸水。^^

  3. Says:

    不同的咖啡根本就是不同的貨品, 價格當然不會一樣。客人在購買物品的時候考慮的應該是自己的use value, 而不是物品本身的成本。即使兩種不同的咖啡其成本是一樣的, 可客人也不會買較便宜的一樣, 然後再自己「溝」, 正如他們不會索性自己去沖一樣, 因為對他們而言, 這根本就是不同的物品, 只會願意以不同的價格去購買。

  4. 70/F Says:

    幾得意
    多謝分享
    我之前係唔知老星的咖啡機係一次會做兩shot expresso出黎既

    丫我想問:
    點解其實老星的咖啡機唔一次做一shot或可以揀一shot定兩shot呢?

  5. Gideon Says:

    咁我鐘意飲兩個 shot 你 grande size 屎幫我放三個 shot 咪好鬼苦嘩。

  6. CK Says:

    過癮喎…

    等我都買返本睇下先。

  7. 余若虛 Says:

    我都有呢本書,之前見好似幾得意,所以買左,但都未開始睇。

    考埋個試開左本書睇先!

  8. Samsara Says:

    唉,依本書我只睇一半就擺低左,睇其他書.

    我覺得好鬼深呀,有d位,睇兩三次都吾知佢點樣draw到個conclusion.最先以為係我既問題,結果我有個朋友都係咁.

    不過,本書真係幾好睇,你睇埋話我知,大家硏究一下.

  9. Justin Says:

    Gordon: 嘿。我,郤依然吃早晨全餐。

    Panda: 食完辣野仲飲熱水?

    嘉:我既問題係,其實超大杯同大杯都唔差好遠,點解老星會分兩隻黎賣。我諗我同你既分歧係我覺得超大同大係一樣,而你覺得係不同既物品。

    而,我同意你講既,我地買野係睇use value,另,就係因為我覺得超大同大既use value係一樣,所以先會話老星特登分兩個價錢去增加營利。

    Gideon: 你叫得Grande,就預左佢放三個shot啦。

    CK: 係呀。亦好容易睇。

    余若虛:好呀!你睇完,又寫番些感想,大家討論下。

    Samsara: 我而家睇到第四個chapter,開始有些地方唔明佢想講乜。
    但,我即管睇埋落去,睇下會點。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: