學生報

2007/05/08

最近有報紙報導馬料水大學的學生報有淫褻低俗內容,被幾份報紙爭相責罵,有些感覺。

由細到大,無論响學校定屋企,總會人有教自己一套既道德觀念,小時候有時不懂問,就算覺得有些觀念古怪,也時常會聽了算。後來,開始問人為甚麼這這這那那那,時常換來一句的答案:「這是不道德的。」
我有時會再問「為甚麼不合道德?如果咁咁咁⋯那那那」到頭來又是一句:「有些事岩就係岩,錯就係錯。」每到這個地步,我自己再問也沒有意思,自己收皮算數。

但,每每想及關於一些事情的對錯時,依然有很多不明白的地方。但,沒地方問。

甚至是,有些東西,就如同性戀,就連談及的空間也很少。

但,當有些事很想問很想知,又能夠如何處理?當覺得某些道德規範有問題的時候,又應該如何做?

我覺得,大學,就是一個很自由的地方,自由得不做功課不上課不考試都沒有人會管的地方,這是戰勝了公開試制度後得來的獎品—三年的歡樂時光。有些事,如果讀大學時也不去想不去問不去講,還要等甚麼時候?

關於一些評論,我覺得很有問題。如明報今天的社論,「這些(問卷裏的)問題很不恰當,對於一些心智不健全者,會起著引導、鼓吹效果⋯因為身為編輯人員,不可能知道會否有人按你的引導付諸實行⋯」

我的問題是,如果單單的問過幾個問題,就會製造鼓吹效果,那,書店裏很多很多書籍都不能出版了。

假設有一本小說,小說的世界裏是個極權統治的國家,政府會無時無刻地監察人民,人民沒有結社集會言論思想自由,人民會不明不白的被拘禁被嚴刑迫供,政府會無意義地跟別國開戰,統治階級過著奢華的生活,政府鼓勵子女去撿舉思想政治不正確的父母,國家會肆意改寫詮釋自己的歷史,政府還叫人相信二加二等於五⋯

如果有些心智不健全的人讀了這本小說,然後按小說作者的引導付導實行,建立了一個嚴苛政權國家,令到國家內的紛爭無日無之,目的只為了鞏固自己的權力,那麼,小說的作者/出版社/發行商要不要付上責任?

當然,建立極權國家的人心智都很健全,起碼,他們有能力使人民覺得他很健全。同時,小說的作者,老早就歸西了,還負甚麼責任?

提出了問題,把一些自己的所思所想寫下,把自己擔心的情況寫出來,把自己的思考過程用文字記低,希望跟志同道合的人討論,正正是關心社會時事關心被壓抑的人的方法。一些事,一些疑問,積在心裏很久,大學,不就是一個好好的談論地方麼?

(利益申報:我係前學生報莊員)

廣告

30 回應 to “學生報”

  1. 70/F Says:

    又係我

    我覺得呢次同之前 O camp 一樣
    係品味問題
    多過道德問題

    d 報紙蠢
    話佢地無品味/低級趣味

    講完
    得囉

    拿,我向魔術師到睇過d文
    真係覺得,嘿!
    個問卷呢,都,嘿!

    但係
    我唔會因此而更進一步擔心時下大學生的道德問題
    因為
    小 justin 你呢
    俾到我信心去相信我地既下一輩,
    係有有為青年既

  2. 70/F Says:


    岩岩諗到
    即係好似某d鍾意用diu黎做助語詞又鍾意講咸咸地既話題吸引人的女仔一樣(唔係性別歧視呀我就係驚用男仔做例子會牽涉性別歧視呀)
    你只會覺得佢cheap
    但唔會話:丫佢道德水平好低

  3. TK Says:

    你講果本小說
    在197x 年已經出左版,近年仲拍埋戲 (CG 仲唔錯! )
    套小說/電影叫 a scanner darkly (22 世紀毒殺網絡)
    講未來的美國有1/4 的人口吸毒,而政府又安裝左超級監視網絡,即使拿住大聲公在街反對政府,好快會有架黑色van 駛過來挾你走。

    另外,香港有一本好流通的書,內容其中一段講:「若是你的右眼叫你跌倒,就剜出來丟掉。寧可失去百體中的一體,不叫全身丟在地獄裏。若是右手叫你跌倒,就砍下來丟掉。 」

    咁有無人睇完就照做呢?

  4. 余若虛 Says:

    用所謂道德標準去遏制言論本來就是中國人的劣根性。

    如果該學生報內有提倡、鼓勵此等不為社會大眾所接受的行為,就比較有爭議性。如果說發問、討論這等題目也有違道德標準的話,毋乃太過。

    講下都唔得,你大佬咩

  5. 70/F Says:

    > 香港有一本好流通的書

    > 講下都唔得,你大佬咩

    我好鐘意

  6. TK Says:

    剛剛去魔術師果度睇左
    我係支持學生報果班人的

    「滿足」一文,想看咸古的會覺得不夠咸,因為那不是咸古,係講女性慾求不滿、性生活不愉快的文字

    有幾多人知道原來五成以上的女人很少甚至未試過性高潮呢?
    有幾多男人會知道自己另一半的性幻想是甚麼?
    又有幾多人會了解自己另一半的性生活是否愉快?
    好多男人都好似文中得講,訓緊覺,第二朝訓醒睇新聞:「妖!家陣d 大學生讀乜L書架?咁都寫得出落校報!」

  7. Justin Says:

    七十樓:嘿!謝謝。

    TK: 咦!乜原來有咁多咁既小說,我原本係想講George Orwell既1984。又等我睇吓你講呢本先。

    余若虛:我覺得,而家學生報問呢啲問題,就係因為佢地唔明/唔同意而家既道得標準。但,觀乎現在主流傳媒/網上既意見,佢地就好似你講咁,連討論所謂既道德底線都覺得係唔可以既。

  8. 70/F Says:

    (一稿兩投啦,你衣邊多d哥哥仔呀妹妹仔)


    過了晚上,過了早晨
    我就黎左呢到留言

    其實呢小 justin 尋晚已經同我 msn 討論過少少呢個問題
    (啫呀哥仔我呢老架啦咁夜呢就……)


    其實我係撐學生既
    bad taste 還 bad taste
    即便如大師所講我見到條友開口埋口,句句先一定講 DLLM…(sawlee daisee)

    雖然我會對呢條友敬鬼神而遠之
    我仍然會話:
    佢有權句句先一定講 DLLM
    因為呢個真係佢既言論自由,個人品味,個人意志選擇!
    (hmmmmm,不過我又好似記得向某d情況下向公眾地方講粗口同埋上司向下屬講粗口係會有可能干犯刑事既,咁,如果我真係要整鬼佢,我會 trap 佢囉)

    呢舖中大野呢
    我只可以話
    well 點解個編輯的編審能力咁差
    well 點解 d 稿咁差

    我認為
    校報想探討性
    無問題
    想登d情慾故仔
    無問題
    之不過
    從文筆 、故事興味黎睇
    “滿足"同彩鳳篇文都真係幾差

    講白d
    我話既 bad taste 唔係講 sex 就係 bad taste
    亦唔係講果兩篇文章的主題係 bad taste
    甚至我唔會話果兩篇文章係 bad taste,因為,果兩篇文章,係 BAD(寫得差)!
    咩係我口中就呢次事件而說的 BAD TASTE 呢?
    就係選擇刊登呢兩篇文
    bad taste 既
    係編輯

    如果我地呢D所謂大人
    要鬧要嘈
    係應該鬧班細佬 BAD TASTE on 選文
    (哇哇哇,姐姐咁無丫嘛無人投稿丫嘛)
    (細路,中大好多獎學金呀,如果果年無合資格的候選人就唔頒,背後原因點解,你唔會唔明下嘛)

    打個比喻
    就好似我地係一個古老的名門咁
    呀仔大個啦
    要娶老婆洞房花燭
    然後佢同我呢個伯爺講老豆我無經驗我可唔可以去買幅唐代春宮黎參考下呀
    我呢個老豆諗唉仔大仔世界丫有d野都係要佢自己揣摩先得既
    於是就話好啦你自己去揀啦
    點知
    個仔買左幅方向報既卡通返黎

    我當然想兜巴星佢啦

    最後
    我想講既係
    對細路呢
    寬容d好

  9. 70/F Says:

    漏左


    細路們
    你一言我一語呢
    就雙方都容易亂up當秘笈
    如果有亂up呀謬誤呀
    要認架
    唔可以逞強架

  10. TK Says:

    嘿嘿,小弟都跟魔術師拗左一輪,真係食飽飯無c 出 囧rz
    大家站在不同角度去望同一件事,望出來的東西完全相反
    我也同意那些文章是bad taste,但不是色情

    今次真係令人要認真思考甚麼是porn 甚麼是erotic
    作為編輯的界線應該怎樣拿捏
    希望不會演變為純粹聲討而沒有反思

  11. Justin Says:

    七十:明嫁啦。這幾天,我都在反覆思量呢個問題。

    TK: 我睇曬你地既對話,感謝你既支持。但,你講得好岩,而家傳媒,都只係一面倒的插學生報,但,好少人講過點解我地唔可以講/問這些話題。

  12. 70/F Says:

    作死丫你叫我七十無大無細


  13. Bad taste 呢d咁係唔可以用來評論中大既同學既,因為佢地會要求你提出「客觀理據」!

  14. 70/F Says:

    洶洶的魔術師呀~(即係我想講咩呢,嘿!)

    errrrrrrrr
    佢地夠膽死咁要求我?!
    (咪叫佢地去我個blog到睇下咩叫品味同埋優優優優優優優優優優優優優優優優優優優優優優優優優優優優優優優優優優優優優優優優優優優優優優優優優優優優優優雅囉)
    (丫到時先算即係比著我如果見到討論已經變得不理性我會好理性咁冷笑然後去訓覺或者食飯)
    (嘩好厲害呀傾到犁呢到)
    (鬼叫馬料水人走左,都對學校咁上心咩)

  15. TK Says:

    Bad taste 的客觀理據是:這是主觀意見,品味呢樣野,咸魚青菜,各有所愛。


  16. TK:

    我就係咁講,話主觀意見係我個人印象,又何需客觀理據呢?

    於是佢地就話我唔理性,呢d主觀既comment唔應該在「討論」中出現.

  17. Justin Says:

    我同意關於taste的判斷是主觀的,睇完唔鐘意就係唔鐘意。

    但,我不同意單單因為好多人都覺得某篇文章bad taste,而令那篇文章唔出得街。

    而家網上好多討論,都係講學生報唔應該出呢啲野,因為係bad taste。

    睇完一樣野,因為唔鐘意,所以話佢唔好。

    睇完一樣野,因為唔鐘意,所以唔俾佢講。

    係兩回事。


  18. 更正:

    >何需他們認同的客觀理據呢

    我既立場係,佢地唔應該用中大學生報的名義同資源去出版

  19. Justin Says:

    當佢地上莊時,佢地既政網提到佢地要做一個讓同學發表意見既平台,尤其係為一些主流傳媒唔會理會既弱勢社群發聲。

    而家,佢地的確係依著佢地上莊時候既承諾去做。

  20. TK Says:

    楊:
    「榴槤好唔好?」
    「我覺得唔好食。」
    「你咁主觀,唔理性!」
    「甚麼問題就有甚麼水準的答案。」

    側田:
    編輯的意圖是好的
    但暫時從回應水平來看,他們的能力並不足夠define & solve咁複雜的性文化問題,並且很易被人定性為porn

    加上現在咁強硬,只是孤立了自己

    他們最好的盟友是香港一眾情色文學的學者和藝術家如林奕華,又或早排出版香港性史文化的作者 (真的忘了名字…sorry),甚至家傳戶曉的吳博士。若果我是那位編輯,就會嘗試聯絡這些人。

    因為香港的確有一些兩性文化的問題被扭曲,我想這班人也樂於透過中大學生所generate 的publicity 去發表自己的見解,那中大學生的形像一來可以正面化,二來也可更清楚判別自己的立場,consult 完不等於順服或同意,但為了「獨立思考」而不consult 就是無知

    問題在於中大學生是否懂得發牌,if they play their cards right 可轉危為機
    只是多數年輕人火就有了,歷練卻不足 (小弟也不例外)

  21. Justin Says:

    關於佢地是否懂得發牌,就要睇佢地既造化。

    觀乎這幾天的報紙,亦不乏支持學生報的學者,如劉銳紹、何式凝都曾表態支持。

    但係,在這個波濤洶湧的環境下,要一個人茂茂然站出來支持不會是容易的事。

    而家編委會裏面既,都係班一年級同學,佢地歷練一定不足,唔俾一浪接一浪既攻擊嚇壞已是萬幸。

  22. 火鶴 Says:

    咦, 乜唔係
    「壞品味, 等於無品味」咩~?
    今次又駛唔駛「一人一品味」呀~?
    要班十零廿歲嘅靚仔寫到好似渣老闆咁?
    唔好玩啦…


  23. 我又唔覺班編輯係咁innocent

    以前既新亞柔拿,吹氣公仔,粗口標題等,其實早早就俾左guidelines佢地,社會校友老師和同學面對佢地既所謂「挑戰」時既反應.

    好比渣大膽車,坐得上司機位,就應該知道自己的能力是否足夠去駕卸架車,同埋對自己會有較大的可能性發生交通意外呢件事(正常來說)有足夠的心理預備.

    同樣道理,觀乎學生報既回應,所說既「歪理」(我的主觀判斷),所運用的「辯論技巧」,同埋都成二十歲人,仲係成班人,唔係一個人,如果咁都可以講到自己真係乜後果都無諗過,而家騰哂雞既話,又係漠視常識,幾難叫人相信.

    如文盲兄所言,佢地高呼「挑戰權威」,「反思」和「探討」既口號的時候,佢地做過d乜去表現出有嘗試(不論成功與否)去「挑戰權威」,「反思」和「探討」(除左「你唔俾我講,我偏要講」呢類小學生式的「挑戰」)?

  24. 70/F Says:

    小 justin
    雖然我支持你,不過,嗯:

    > 當佢地上莊時,佢地既政網提到佢地要做一個讓同學發表意見既平台,尤其係為一些主流傳媒唔會理會既弱勢社群發聲。

    乜”滿足”同彩鳳篇文為弱勢社群發聲咩?errrrrrrrrr,我覺得無高潮的女人唔算係弱勢社群囉-
    定係,”滿足”一文的作者同彩鳳,係弱勢作者呢?

    > 睇完一樣野,因為唔鐘意,所以唔俾佢講。

    我硬係覺得叫得報紙又有編輯,就應該對編審有要求並有編審能力,凡來稿,不論好壞皆不拒,咁,要編輯黎做乜?一個排版得喇

    又,凡來稿,不論好壞皆不拒,咪即係大字報,做乜出報紙啫

    又又,我 yr 1 took 政政一個科,無筆記無考試,淨係需要向學期末交過三篇已經向報紙上刊登左既時事評論,個 grade 就係睇你有無三篇同埋評論的質素。

    我都唔記得我前後總共寫過幾多篇,總之一定有d係俾編輯丟落垃圾桶。咁,你話啦,可唔可以話佢因為唔鐘意,所以唔俾我講丫?

    要明白,一份報紙是有產權的。校報的產權,我相信屬於所有學生,而所有學生透過被動或主動的選舉,把運作校報的權力好似代議政制咁比左莊員,所以莊員有權定立編審方向。莊員因為要維持校報質素而拒絕某d來稿,衣樣,並唔係唔俾佢講-大佬,佢大把地方可以講啦。

    我講咁大抽野,只係想話你知點解我認為編輯有責,亦有權。

    拿拿拿,我淨係針對你既說話而講咁大抽野架,因為,嘿,學生 vs 社會人士的討論都未傾到去衣個層次。

    睇下睇下,淨係我都可以叉論住,咁,魔術師呢,嘩來勢洶洶呀~

    另,
    學生報個莊有冇公關架?出篇咁既回應既~唉,適時針鋒相對,適時耍太極呀

    你咁講

  25. One Says:

    我覺得d學生很naive, sometimes simple.

    d大學生自己上網, 乜野website, 討論區都有啦, 日本, 美國, 歐洲的3級, 4級網站, 應有盡有, 駛乜仲black and white咁印出嚟, 浪費資源.

    歸根咎底, 係幾個學生的動機, EQ, IQ的問題, 乳臭未乾, 未見過世面…

  26. Justin Says:

    One:
    我同意網上資源/發表平台應有盡有,但到底社會上有某些不幸的人依然是不會上網的。但如果你說用black and white印出黎,就係浪費資源,那麼是不是所有平面出版的媒體都是浪費資源呢?

  27. Hackson Says:

    嘿,讓梁某在此搞事。

    這趟他們是YY不足,JJ有餘。


  28. […] 凍啡走甜 – 學生報 […]


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: