我亦無辭說斷腸

2007/05/13

記得之前中大發生大事的時候,鄧小樺在努力的趕碩士論文,她在blog裏寫了句:「身困於此處沒法與君一起並肩上,我亦無辭說斷腸」,果一刻,咁都俾佢諗到呢句歌詞,我覺得佢好勁囉。於是,我就好記得呢句歌詞。

這一刻,我都有這個感覺。

之但係,唉,去到報社,我咪一樣係行行企企既路人甲。做乜野要將自己講得咁重要呢?

唉,睇呢幾日既報紙真係愈睇愈唔開心,好在美國科技發達,處處容易找到免費的無線上網,好讓我時刻update香港的資訊。

見到中文大學咁冇量度,又再見到香港政府又咁冇量度,與時代脫節,好憫。

李學斌叫人們番去中大支援報社的同學,我都想呀。

支援咩都好啦,買兩盒叉燒飯上去,都好過冇啦。

老土講句,就算你地睇唔睇到都好,加油呀。

廣告

15 回應 to “我亦無辭說斷腸”

  1. Samsara Says:

    Justin仔,

    我想講,雖然我吾鍾意情色版既內容,但我係絶對支持學生報既言論同編輯自主.咁多年來學生報關心家國,對社會既承擔不可因一件事而被抺殺,而且校內問題,校內解決,吾應該動用學校權威甚至法律來打壓.

    我忽然又諗,其實好多網民都未真係睇過成份學生報,佢地吾同中大學生,吾知道入面一直都有好多高質素既文章,學生報網上版個site有d short short地,好吾好post一兩份今期學生報既其他文章出來,比大家睇下學生報真係一份好認真既報紙?

  2. Lo Says:

    >>Samsara

    我同意你第二段,D人有幾多係跟風而無真係睇過晒D文章呢?我睇到呢個社會D人個個扮乖乖仔,又跟風去扮高尚去踩人,真係好無奈。不過佢地真係勁喎,同時道德高尚又要出埋風月版咁辛苦去維持雙重標準,係咪要同D作者講句「辛苦晒!」呢?

    可惜呢,報章寫D野,亂寫都好,點都會有人信,呢個就係事實。
    They will believe.


  3. 又話有張極強底牌,如果係咁勁,班人使唔使騰到要喊呀?

    同「錢要使先係你既」一樣,唔用既底牌,即係無牌.

    最怕就係自視過高,以為自己三條羸人地套啤,點知開來人地係夫勞果時就show錯hand了.

  4. cheryl Says:

    係哩,你有部laptop大把地方有網你上

    唔好諗咁多啦,開心d玩,影多d靚相

  5. Pat Says:

    少爺仔,唔好意思,我地呢幾日搞緊聯合記招,踢哂腳,你篇文唔得閒處理,不如就咁send出去?

  6. kenka Says:

    justin: 我想去, 但去到個個都唔識我, 唉…

    楊威利: 因為呢招係絕地反攻, 只能用一次, 一出的話校方果邊大把人頭落地, 非被逼到牆角都唔想用云云.

  7. 李學斌 Says:

    好似樓上有兄台燒埋我果疊喎﹐咁又何苦不在我處點火﹐要隔咁遠點藥引呢?

    家陣我完全無意同中大校方玩俄羅斯輪盤﹐只不過任何友善的談判﹐都離不開政治經濟的籌碼押底。美蘇冷戰到出古巴事件﹐美國大把人騰晒雞﹐都未至於有渣牌人傻到播牌。

    再講一百次﹐這次事件無論如果是屬於新一代的學生的。我頂多只是插科打混的小腳色。後生仔做得好唔好﹐我一點都不緊張﹐只要睇見佢地死唔去﹐仲識返屋企補做母親節﹐我就返公司做野。

    仲有﹐講到底﹐中大官方和校董﹐有不少人我係當佢地做 friend ﹐只不過人家當我係花靚而已﹐fine。一下唔覺炸死左佢地﹐呢間大學就真係置之死地而後唔知生唔生了﹐我會覺得對唔住全世界(不過又唔知歸根究底﹐關得我__事?我認我白痴架)。

    口講無謂﹐行動最實際。我行動咁揚﹐所以係自視高一點咁衰架啦。有事頂多上我身﹐保證各位無必要揹飛。

    btw ﹐兩盒叉燒飯係十分之 ok 喎。不過最好先問係佢地有冇胃口﹐以免浪費食物。

  8. Justin Says:

    Samsara:
    網上面未睇過學生報就係咁鬧果啲呢,就真係完全唔使理佢地。
    另外,我都見過有人真係睇完,如覺得真係好唔鐘意學生報咁寫文,那,我會特別留心佢地既意見,起碼,讓我自己知道反對既人係點睇。
    另,我上莊(我唔肯定而家點,因為我已經冇參與個出版過程)時候每一篇文其實都係好辛苦先出到黎,因為,每寫完一篇文後,都要俾曬全莊人睇、全莊人叉完先可以出街。就算係一字一句,好多時都會度過。之但係,呢個過程又冇人會睇到,有時候一些寫得比較偏鋒既意見時,時常都會覺得我地係嘩眾取寵。

    Lo:
    唉。我娘親同我講關於學生報既事,我即刻問佢佢睇過邊幾份報紙,佢話淨係睇過星島,我心諗,咁,即係死得。

    魔術師:
    張極強底牌,一早開左出黎用左啦。

    Cheryl:
    唉。始終,肉麻的說,在中大裏,我學得最多野既地方唔係响課室,而係响報社。而家,俾校方/傳媒咁踩到上心口,你話點可以唔痛心。

    Kenka:
    嘿!你去到門口,攞低幾盒燒鴨飯,寫住有心人上,咁咪得囉!!:)

    Ben:
    我諗住,起碼,譚同覃都一定有胃口。

  9. Justin Says:

    補多句:我理解既最強底牌只係「校方禁制言論自由」呢樣野。剛剛睇完魔術師個blog,我諗,最強底牌係講緊其他野。


  10. 哎,睇在你份上,我響cu unofficial果邊就唔會覆架啦

    其實呀,咩野有預謀行動,都係我帶點諷刺既言論.

    我既意思係,如果真係有「最後底牌」,俾我呢就響談判途中暗示下對方,等對方可以「慎重考慮」自己既offer或counteroffer,到時一人讓一步就可以大家都落到台,所以係要慢慢滲d出去,同時亦要防止對方找辨法補救.

  11. 70/F Says:

    咪係
    斡旋呀
    係咪全世界都唔識呢個外交詞彙呀頂

    中大在學的教授
    好多都會好心痛囉見到見事搞成咁

  12. Justin Says:

    魔術師,七十樓:
    而家咁睇,都似乎有轉機。學生報指自己既表達手法或有不足,並有改進既空間,(其實呢,世界上又有幾多篇文冇進步空間呢),同時,又俾到個位學校落台,咁,發展落去,事情應該快會落幕。

  13. 70/F Says:

    係咩
    話自己有改進空間呀

    同我果句「只能夠說抱歉 」有得揮
    我們缺乏的
    就是說話的藝術

  14. cheryl Says:

    邊度肉麻呢。咁事實吖嘛… 都明白你心up嘅。要怪只好怪太低招啦… 不過連我都覺得對學校方面心up囉。大學喎。咁樣係想人哋唔踩d大學生都幾難啦。

  15. Justin Says:

    七十樓:「有改進空間」呢句,我以前都成日用,尤其係考試成績差既時候。

    Cheryl: 係囉。唉,真係愈黎愈唔鐘意大學既高層,對呢間學校既感覺,很矛盾,一方面响呢度學左好多野,但同時,又有好多我唔鐘意既地方。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: