再續老星卡

2007/05/16

今日我去左堪薩斯城既老星,我表弟用左張美國版既老星卡,而我就用左張香港版既老星卡,一樣得喎。而家呢,我張老星卡既結餘,就不再係整數喇。

另,唔知係唔係因為呢度係中部關係︳老星幾平,Grande Americano連稅只係兩蚊三十五仙,港幣十九蚊有找,平過香港25%有多。

番入正題。

商業機構要盡量增加自己利潤,是他們生存的原則。

簡單來說,如果三十蚊一杯咖啡有一百人買,同時五十蚊一杯咖啡亦有一百人買的時候,毫無疑問,一定賣五十蚊。

但,現實是每個人對每件貨品心裏都有一個價值,而這個價值因人而異,就算是一個人,亦因時間地點人物而改變。

如,跟一個漂亮的女生飲咖啡,我覺得值一百蚊杯囉。但,跟一個我不喜歡的人,五蚊都唔值。

又或者,收費的洗手間,平時兩蚊都嫌貴,但肚痛時廿蚊都會畀。

問題是如何得知每一個顧客願意付出的最高價錢。獲得這個資訊的費用十分高昂。如保險經紀/地產經紀,他們會一對一的費盡心思的去了解客人願意付出的金額,相對百佳賣維他奶,如果要百佳經理逐個客人打聽,賺埋都唔夠出糧俾個經理(當然當然,Freakonomics都講過,地產經紀只係會想盡快make deal,但,起碼,地產經紀會揀橦貴些少既單位俾個有錢既客)。

所以,老星就推出這張卡。收銀姐姐推銷時說這張上國際通行,也可以供人們知道自己的飲咖啡紀錄。但,不知是否她說溜了嘴,我在網上查,只找到自己的餘額,而沒有紀錄。

但無論如何,明顯的,這張老星卡的作用是收集顧客的買咖啡紀錄。因為,顧客既資料,對於公司是十分重要,包括設訂產品的售價、設計產品、優惠,往往都是基於這些市場研究的結果。中七時候做暑期工,試過在三十三度烈日當空下做街頭問卷,每份收十多元,還沒有計算市場調查公司處理問卷的成本。但,眼見的是被訪者時常會亂答問題,亂七八糟的問卷反而會引致誤導。相對地,這張卡的資料就十分重要,因為,那是顧客用真金白銀填來的資料,是最準確的。

但,要咁多資料有咩用?如,當收銀姐姐發現我很多時候買咖啡後都會再買一個薯蓉批,咁,如果有邊次我買咖啡時候唔叫埋個批,佢就實會多口問一問,三次當中我有一次會買佢地都賺。又例如,張卡又可以知道邊一類人對加價最唔敏感,就好似上星期老星加價後,可能會令到有一部份人唔再去老星而改去老太,相對地又會有班對老星既忠實fans,咁,對於忠實fans,橫掂佢地係唔係都會買,當然可以收佢地貴啦。

大概就係咁啦。

廣告

6 回應 to “再續老星卡”

  1. gordon Says:

    basic economics,我都岩岩先讀完,haha
    仲睇緊果本書?
    好鐘意你d舉例同比喻

  2. C.M. Says:

    坦白說。Justin,想了解你,不是一件容易的事。

    文字很暢順,很寫實,很爽快,但,又有點斂。但你不是讀數學的嗎?又回頭閱過你寫東歐之遊。雖有感,但沒有落筆。

    認識你,相信不難。但了解你,小弟真的覺得不容易。

    *** 講番張星卡

    查實一個全面既P.O.S. 真係好多用途。處理得宜,簡直是管理者的天堂。若果阿星能夠更全面推廣呢張卡(例如給予優惠,buy 10 get 1 free),咁對佢地既幫助就更大。

  3. C.M. Says:

    坦白說。Justin,想了解你,不是一件容易的事。

    文字很暢順,很寫實,很爽快,但,又有點斂。但你不是讀數學的嗎?又回頭閱過你寫東歐之遊。雖有感,但沒有落筆。

    認識你,相信不難。但了解你,小弟真的覺得不容易。

    *** 講番張星卡

    查實一個全面既P.O.S. 真係好多用途。處理得宜,簡直是管理者的天堂。若果阿星能夠更全面推廣呢張卡(例如給予優惠,buy 10 get 1 free),咁對佢地既幫助就更大。

    (頂!唔係又比wordpress 話我spam下化…呢排Wordpress搞乜!)

  4. Justin Says:

    係呀。呢本書,基本上都係講緊幾個econ既key idea,好處係佢一條curve都冇,乜人都會睇得明。

  5. 兜兜 Says:

    我係一個中一至中五都同你同斑既同學:朱兜
    估唔到你去左 Kansas City 玩
    如果仲係度既就搵我啦, 我搬左去個邊住
    有機會 add 我 msn (我個 email)

  6. Justin Says:

    朱滔大佬,你早講吖!!最後一晚你先同我講。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: