番左黎

2007/05/30

dsc01519.jpg

這兩天在校園裏踫見不少人,第一句就問「咦,乜你番左黎咩?我仲以為你又辭工去個幾月旅行」,請左十日假去左十七日,都算係咁。

這幾天沒有甚麼寫扑,沒有甚麼動力寫,事實上心裏又倒有些想法,但,就是沒動力寫。另外其實在旅程中也寫下了一點點,但,也不想貼出來,不知何解。

不單止不想寫,連看別人的扑的興趣也少了。當然,無論怎頹,也總會看過「福佳始終有你」。

**********

是日晚上到友人家裏打牌,叫左三次小三元都食唔出,唉,一如以往的,我輸錢。

很多朋友都喜歡跟我賭錢,因為十次有九次我都會輸。我自己倒覺得沒有所謂,三五知己圍埋賭錢是一個零和遊戲,嘻嘻哈哈一場,然後我口袋裏少一百幾十,有咩所謂。就算出街唱K食飯都要錢啦。

而事實我亦都好鐘意賭錢,應該話鐘意玩呢一類既遊戲,provided that銀碼唔大。

**********

聞說呢期學生報極之搶手,上星期五出版,同學說星期六已經冇得攞。我响馬料水大學五年,都未見過咁多人睇學生報。

呢期又有問答遊戲,其中一條既問題大意係:「天九裏面,莊家既下家喊『單天保至尊』,而對家跟住就講話『咁我咪會輸到一棟都冇』。請問上述對話有咩謬誤?」

單天保至尊,就好似早果陣中移動力挺恒指咁,其餘既牌隻隻都唔掂,得一隻天頂住。之不過,如果人地出武子,又或者係廢到無倫既鵝五,得一隻天都會頂唔住。 而至尊,只係响有話事權既情況下先係大曬,其餘時間仲廢過一對拎冧六。所以呢,單天保至尊,即係話下家手上面淨係僅僅得一隻有機會可以用黎話事既牌,情況 就好似鋤D咁你手上得番一隻大D同pair 3,對手就係咁出pair同行五條,你一日出唔到隻大D,pair3都唔會有用。

於是乎,响絕大部份既情況下,當手上只有一隻天同埋至尊,而其餘既牌都係又細又冇用,如果有人出單支文子,就好應該要出隻天,攞話事權,然後出至尊,收錢,再行其他廢牌。首先咁做,起碼唔會輸錢:至尊贏每家兩個,起碼攞到三棟,即係最多輸一個,夾埋起碼贏五個。

上述對話既謬誤,係下家都話到明自己係單天保至尊,出完呢三隻牌後就自然會收皮,餘下黎既就只有一系列既廢牌,對家好有機會贏到之後果一棟牌,咁佢又豈可咁快妄下判斷,認為自己一定會輸到一棟都冇。

當答完。

咦,好似,在香港賭天九係犯法喎。

廣告

12 回應 to “番左黎”

  1. 70/F Says:

    你番黎就好喇
    我呀
    尋晚爭d喊呀

  2. Justin Says:

    點解呀?呢排,好少見你上網喎。

  3. 70/F Says:


    間屋囉
    嗚嗚

  4. Justin Says:

    仲漏緊水呀?!

  5. TK Says:

    5年…咦?
    justin 你是在學校做緊野的?還一直以為你是學生

  6. Justin Says:

    我讀左四年大學(因為我轉過系)。
    而家係第五年,我係做緊研究助理。

  7. Tsw Says:

    皇后有天九啟蒙班
    一直以來只玩不賭
    司徒薇開班授徒
    你得閒黎指教下

    另外我部電腦好似又有事了

  8. Lo Says:

    小三元… 我同d奇牌無咩緣份…

  9. gordon Says:

    犀利!!!
    完全唔識天九…

  10. 余若虛 Says:

    話到明得單天,都唔會搏結,有得出梗係行先啦。

    但只要莊家唔行單支文字,咁佢隨時無棟個喎。如果莊家對家有話事牌:九啦、一對地啦、天九啦都好,只要行正又點會無棟呢。隻天玩下手比人地隻天’long’住,無棟個個分分鐘係單天保至尊個個喎。

    講起,我都係學識玩天九兩年到,真係幾好玩,幾考腦筋。不過而家識玩既人愈來愈少了。

  11. 余若虛 Says:

    呀,justin,你隻斧頭劃錯左呀,係五六呀,五四係武九來的。

  12. Justin Says:

    小樺:嘩。天頭咁熱,好難去皇后喎。你部電腦咩事?

    Lo: 我係特登想做奇牌者。

    Gordon: 學啦!好好玩。

    余若虛:我覺得天九其中一個最美麗既地方就係可以"long"人地既牌,令到揸大牌既人唔一定咁易贏曬。

    另,係呀,我畫錯左。幅圖係我學左天九冇耐,被同學要求在課室的黑版上背默出黎既。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: