羊牯

2007/06/03

我諗都非我莫屬。上一篇我說我逢賭必輸,而事實上,在好多事情上,我想我都會是羊牯。

上年,恒生指數由六月既萬五點升至十一月的萬八點,而我手上只持有一直跑輸恒指既建設銀行。記得我係於六月初三個幾買入,然後在十一月見恒指升得太離譜,於是在肴底的情況下在三個八全收賣曬。及後建行開始追回並跑贏大市,這幾個月在四個七附近徘徊。

那時候,我見香港經濟未見得好好,清潔工人的工資還是很低,樓價(除豪宅外)還遠未及九七年水平,政府還釀著要收支平衡,還有酒樓商店要倒閉。於是我四圍跟人說萬八點太高,必跌。我身體力行,悉數出售手上股票。

往後的故事當然大家都很清楚,恒指穩守於二萬零三百點樓上,二萬一千點樓下。

一個月前,我又重施故技,繼續我對前景不樂觀既態度,响人人都話唔好試之下,我响0.214買左中企十月尾到期既Put輪9614。買既原因好簡單,係覺得同胞們太過一窩峰,泡沫成份太利害,如果出現任何差池,都會引發恐慌性拋售,個股市就係咁跌。現實就係隻野星期五收市價係0.125,跌左四成幾。

一向覺得小道消息都絕不可信,因為覺得無論任何消息,如果去得到我度,基本上全世界都會收到,真既又好假既又好,我唔會分得出,我亦唔會從中得到咩好處。於是一直以來我都拒絕單單憑幾個數字去買野。之但係眼見身邊既人,乜都唔理咁聽人講左幾個數字就入左貨,仲賺唔少,一次係咁兩次又係咁,都幾難唔心動。亦是在這個星期,我竟然聽左個數字,就在高位入貨。唉。果晚,原來人地已經喎下晝放左。我於第二朝晨早起身,𥄫住,個幾鐘內Random Walk上上落落上上落落,然後止貶,輸左少少。Day trade呢樣野在於我來說都係太過刺激,短期內都唔敢再黎。

去年五月到今日,恒指升左三成幾。意思係如果我跟住佢既成份股亂買,expected return會係三成幾,而我實際上所賺既呢?就⋯嘿!

所以,我會說我是羊牯。

其實呢,呢篇文既主要用途係寫俾一位同學仔既,佢未搵到暑期工,但,佢一直對於個市場又好有研究咁喎,跟佢既advice買野既人都有可觀既回報,同時佢玩學校裏面既模擬投資遊戲都成績都唔錯,應該有好好既發展。佢唔夠本落場,但佢屋企人又支持佢話打本俾佢試下。我覺得,點都應該試啦!如果覺得唔好意思既,咪當同屋企人計埋利息咁借囉,唔好浪費自己既talent呀,你掂嫁!你知我係講緊你既!

廣告

6 回應 to “羊牯”

  1. TK Says:

    小弟也是羊牯一名
    跟前輩的利好消息下注,往往損手爛腳
    投資書話呢d只是賭博,係luck
    但又真係有人技術性地不斷賺緊錢,買十樣升七樣
    唉… 無能力短炒或者玩二三線股,唯有慢慢儲錢買藍籌算數

  2. Gideon Says:

    其實我就唔係好信散戶可以點响股票市埸上賺大錢既。不過我亦唔會阻人發達。不過亦都玩還玩,一定要清楚自己能夠承受風險既能力。尤其是若果你朋友連一份隱定既工都未有,就問到屋企借錢玩,蝕左,佢點還先?一係屋企就預左佢唔還都冇所謂囉。

    恒指好耐之前就己經冇左代表市場既能力。你見所有升得勁既國企就納入恒指,隻野跌就踢佢走,班人跟本就谷緊恒恉升。

    大戶要散戶响高位入貨,先要令散戶覺得高位係低位。我記得當萬九點既時候唔少報章都報道散戶冇晒貨,升都唔關人事,點知而家啲人又慢慢咁入返晒。當大家都覺得二萬一係低位入唔切既時候,我諗都差唔多…….

  3. gordon Says:

    haha,多謝你俾咁大ge鼓勵我
    工幾日前已經搵到,都係做番前年果間物流公司
    冇本錢其實都係後話,要係金融界立足我仲需要學歷
    已經plan定好,呢三年內我會發奮考到CFA返黎的
    而且依家正充當幾位舊同學ge投資顧問,咁其實同我真係落場玩冇咩分別,因為我要幫佢地睇實個市,亦都早就同佢地約法三章,輸左自己負責,贏左請我食餐飯就夠la
    好多技術上ge野我仲係比較欠缺,例如出入貨ge技術,起碼再需要磨練多兩三年我先ok

  4. winson Says:

    gordon… (Y)

  5. 70/F Says:

    哥仔
    即日鮮?輪?
    唔係下化你

  6. Justin Says:

    TK: 我都明瞭呢個係賭博,都係買大細。我都冇時間去留意二三線股,睇怕,如你所言,都係買藍籌算數。

    Gideon: 唉。又係大戶玩曬。

    Gordon: 你,已經叻過好多人。

    七十:所以,我咪話自己係羊牯囉!


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: