成人禮

2007/06/16

n70_photo1189.jpg

九龍酒店凡爾賽廳

五時恭候八時入席十時冇得食

早幾星期收到個紅色炸彈,與往時不同的,收件人不是我老豆然後合府統請,而是小弟(好可能佢仲唔知我中文名係咩)。

細個時無可避免地要跟住老豆老母出席各姨媽姑姐叔伯兄弟既婚宴喜宴,有時候我連擺酒果個姓乜名乜住喺邊忽都未乜知就已經同緊新郎新娘影相,唔識鋤D又唔識打麻雀就唯有呆坐個幾兩個鐘等開席,同枱既又好可能會部都係唔係好識既人,還有還有那些千篇一律唔知做咩既敬酒同埋玩新郎新娘既節目。

後來我大個左,對呢一類活動採取一個避得就避既姿態,我娘親見叫左我幾次我都話功課忙唔得閒去(講笑咩,我間中學邊會有功課!),都冇再叫我去飲,相信佢既樂得慳番一千幾百人頭費。

有朋友出黎做野,公司好大,時常收到紅色炸彈,平時玩開熟落既同事都事少,佢話唔同層三唔識七一年講野唔夠十句(「早晨」都當一句)既同事都可以派炸彈俾佢,所以話結婚都可以搵唔少。唔怪得現代人咁興離婚結婚。

我今年廿三歲,收到有生以來既第一個紅色炸彈,即係話我已經大個仔啦。睇怕响不久既將來都會陸續收到唔同人既婚宴請柬,正所謂「人唔到禮一定要到」,我諗我都要盡快廣結良朋,輪到我時都要大括一筆。嘿!

廣告

2 回應 to “成人禮”

  1. gordon Says:

    我係度諗,會唔會真係有人賺呢? 一次過賺晒,然後遲d or早前人地結婚陰d陰d咁俾左出去,到最後邊個去賺左?

    係所有結左婚,結左好幾次婚ge人賺晒,冇結婚ge人蝕晒,定係仲有其他可能?

  2. noche Says:

    廣結良朋 =_= 未捱到去D-DAY 已經俾大堆紅色炸彈炸死…..


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: