睡眠時間

2007/06/29

我一向對別人的睡眠時間/長短很有興趣,因為時常覺得比較成功的人都有早睡早起的習慣,又或者是很固定的睡眠時間,於是,每遇到新相識的人,這是我其中一個常問的問題。

時常見成功人士說他們只需要睡四小時,早段子在書店裏看見一本書,作者是個日本人,他說自己每天老早就起床,比任何人早回到辦公室,搭火車時一定有位坐, 也有足夠時間安排整天的行程,時間就像比其他人多了。我也曾嘗試過,但,只持續了幾天,沒精打彩的幾天。於是,我就覺得自己會一世冇發達。昨日跟位年輕的 教授閒談,問他讀書時幾點睡幾點起床,他說多是三四時睡十一二時才起床,如果貪心少睡了,只會落得疲累的一天。對極了。

我由中三開始喜愛於深夜工作,因為在深夜不會開電視(過了零晨點半開電視都沒有好節目看),全家人都睡了,家裏很靜,亦因為整個白晝都沒有工作過,心裏儲滿內疚,腦袋沒勞動過,還很精神,零晨一時至四時就是我工作的黃金時間。

於我來說,完美的時間是早上六時至下午二時。還是個學生時,把所有無聊的早當都蹺了,可以下午茶當早餐。

然而,生活在城市裏,卻不得不跟這世界作些妥協,尤其是老細把研究會議時間定為早上十點半,我住藍田,約會於馬料水,九時我便要起床。如果我可以於四時半入睡,那我就只有四個多小時的睡眠。所以,每當見過老細後,我就是常不自覺得在辦公室裏呼呼入睡,直至午飯時間。

連續的八小時遠比斷續的好,晚上的不足只有在日間補救,可是午睡的睡眠質數卻遠沒晚上的好。

其實我很想改變自己的睡眠習慣。首先,要改的大概是入睡時間。有時想零晨二時上床,卻是精神得很。如昨晚,一時許開始在床上看書,未幾就覺得很累,但關燈躺下後卻沒法入睡,輾轉反側最後起床返回電腦前,繼續做早前答應過幫家父公司做的裸𥱊,What’s going on在耳聲循環了三四遍,近三小時,天矇亮,方見倦意。

原本以為今天有機會吃早餐,最後只有雙層魚柳飽餐。

廣告

14 回應 to “睡眠時間”

  1. kdsuen Says:

    仲有幾日就要展開朝九晚乜既生活,幾日來都刻意調理一下生理時鐘。

    最佳紀錄是兩點鐘入睡。

    想安慰自己,以前小學中學一樣可以早睡早起,現在一樣可以。
    但卻無可避免地想到加班應酬。

    算啦我己經被很多人幸運,多一年時間讓自己訓到黃朝白晏。

    Justin, 你仲幸運。有多起碼兩年 🙂

  2. TK Says:

    若果想改變睡眠時間,試試在夜晚做運動,大約做30分鐘至1小時,保証累到訓著

    見到不少較成功的人的確如你所講,是早睡早起的
    但早睡早起不是成功的原因,只係副產品
    例如一個人若果珍惜自己的時間又很忙,就會刻意用排自己的作息,務求做到最多的事

  3. 易亦 Says:

    惻田你講既好有同感呀

    夜晚做運動?除非做好劇烈
    否則做完好似仲精神喎
    都試過一早起身做運動
    不過精神兩個鐘過後又睡魔急call囉

  4. gordon Says:

    我早起ge能力都有d下降左…
    返左一個月工體力已經唔係好得,成日都好眼訓,我已經係1點幾訓,6點幾起身,不過依家失眠減少左

  5. kakapo Says:

    WEI.我早睡早起喎…係唔係算係成功人士..hehe

  6. 余若虛 Says:

    香港人有一套價值觀,就係多做少睡謂之勤,而懶又係諸惡之源,咁大家自自然就會避免比人覺得懶。

    有成功人士既生活係早睡早起,同早睡早起會成功又無乜關係喎。如果某成功人士作息混亂,佢亦都未必會同公眾提起,因為跟本唔係咩光彩野。只有D人會提起自己早睡早起、訓得少過人,令人覺得佢勤力。

    個人認為,睡眠時間最緊要係夠,足以令你以100%既效率工作玩樂。好似好廢話,但好似你話齋,如果一日訓四個鐘,睇落就好似有廿個鐘做野好充實咁,實際上係production power大跌,平時做一個鐘既野而家要做四個鐘,質素仲可能會差左。所以,訓幾多,我覺得好個人既。有D人訓10個鐘,但佢之後可以開足turbo做野,咁有乜所謂呢?

    不過,起身時間係會比個社會限制你既。打工如是,就算做老細都唔係話你鍾意點訓就點訓。惟有,adjust自己上床時間囉。

  7. Yun Says:

    same here. I have been trying to give myself go to bed early and get up early. but still haven’t been able to do that. And it definitely doesn’t help when my company allows me to go to work at any time. So I usually get in after 10am. So bad.

    I just don’t function well in the morning.

    And I need 8 hours of sleep. Maybe I wont’ be successful then.

  8. Adrian Says:

    學曾德成話齋,存在決定意識。我而家翻shift一係翻朝8晚5半,一係翻晚5半朝八,平時或翻日班就晚晚準時十時喝酒十二時入睡,六至八起身,翻nightshift就捱到朝十再喝酒十二時睡覺。唔知算係睡時定睡多,算唔算regular?


  9. 人o既肝係响晚上十一點至一點休息,遲過一點訓,傷肝。

  10. c Says:

    哎…睇黎我對個肝太差喇
    我返工都係會早d起身早d出門果d人
    搭車有位座,可以嘆一個早餐

    不過,講到睡眠時間,永遠都係搞唔好
    最羨慕果d一閉上眼就訓到既人呢
    讀書夜訓dd都還可,返工其實真係幾辛苦

  11. 易亦 Says:

    講真個肝點知幾時晚上十一點至一點?
    係月球時間定磁場?
    如果係靠光感應的話
    燈光一早打亂左人作息時間
    science journal已經研究過
    所以我覺得應該總之訓夠八個鐘咩都ok

    其實人身體有sensor感覺光源
    就會叫人準備起身
    曾經有心理學試驗將人放係完全與外界隔絕不見天日既環境
    人連日光影響都冇
    個d人冇時間睇連鐘都冇
    結果佢地只需要訓四個鐘

  12. Justin Says:

    Kd: 嗯。唔經唔覺,今日係你番工第一日喎。嘿。校園裏,還聽見不少人在談論你既優厚人工呢!

    TK: 我諗我其中一個問題係响呢度。我個個星期都有運動,不過係响下晝,咁,傍晚時間通常好鬼眼訓,好容易訓著,於是乎令到晚上更難入睡。

    另,很同意你所講,成功的人早睡早起,因為,早上的時間好好駛!

    Yii: 我次次打完兩個鐘波,個人都會好攰好想訓。

    Gordon: 你訓咁少,就梗係唔夠啦!

    KaKa: 你梗係算啦!我做你份工,一定俾人炒左好耐。

    余若虛:唔單止香港人,你成日聽那些ibanker說自己一星期做一百個鐘,晚晚訓四個鐘就夠,講都冇人信。唉,但,佢地又真係搵好多喎!搵好多,講野咪大聲好多囉!於是令到我呢類好鐘意訓覺既人好似俾社會排斥咁。

    另,我之所以咁鐘意响學校做野,都係因為時間相對地自由好多好多。

    Yun: I need 8 hrs(at least) of sleep as well! But after chatting with that young brilliant professor, he says he need 8 hrs also, and make me feel a lot more comfortable.

    米: 呢個好多人同我講過。但我問題係,好似易亦咁講,我唔係好信既。
    例如,如果我去左日本做野,咁我應該跟邊個時間先?跟日本既十一至一定係香港既十一至一?好唔同。

    我覺得十一至一呢個鐘數唔係死既,而係,佢大概假設左一個人八點幾食完飯,休息一輪再去訓,所以十一至一就係八點幾食完飯既人既肝休息既時間。

    如果我係十一點先食完,就好應該兩點先訓。

    當然,定時定候既作息時間的確係健康過打亂曬既好多。

    C: 我都好覺得閉上眼兩分鐘就訓著既人係超幸福!!

  13. 易亦 Says:

    just, u can burn yourself out as much as u want elsewhere, w/ low blood sugar, u’ll wanna die right away.

    however how many of us would do that 2 hrs b4 we goto bed? n where r u gonna do it at home? mind u most of us here in hk lack the access to sport activities. but still even in canada or the State, u gotta drive a long way to these facilities too, so the suggestion works in theory (or may be for sum) but not in practise.

  14. Justin Says:

    我反而覺得係因為人懶喎,好多地方都可以俾人跑步啦。
    之不過,要我食飽飯寫緊blog時,中斷走去跑步,就難啲囉。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: