空中喱民

2007/07/11

903節目空中喱民既阿喱係敝校既師兄,佢亦都係來自馬料水既六叔書院。大學時代既佢已經响學校度好出名,時常做MC,風趣幽默之餘亦識臨場執生。聞說佢走去旁聽新聞系既堂,舉手答問題,於是獲得商台高層垂青,未畢業就已經响商台開咪。

是日晚上又忘記左之前一晚既教訓,相約友人到又一城太平冰室傾計,因為之前果晚訓得太少既關係,雖然知道夜晚唔應該再飲咖啡,但為左保持談話質素,我都係決定飲杯Hot Grande Americano。

正當我準備去買野飲時,門口有個人懶型咁行入黎,响個凍櫃前面揀野,我唔想排佢後面,就快步行左過去cashier度嗌野,佢拎左盒羅斯粉之後就排我後面。我買完,等拎野時佢亦都好快買完,亦都等拎野。我一心只想快啲拎到杯咖啡,於是個人就對住水吧,牛咁眼咁望住水吧入面位姐姐為我整既咖啡。當然呢位商台DJ同我考慮既野完住唔同,佢企响我同個水吧既中間,不過佢係背住個水吧既,佢四圍望左擰右擰左唔知幾多次,唔知望咩,好似係要搵人咁,其間,我同佢眼神有過剎那間既接觸,好明顯我係認得佢啦,同時佢都好明顯係識我老鼠,當然唔會識我。

那一刻我即刻想到既係佢公司一哥林海峰講過既說話:一個藝人最最最失敗既就係佢去銀行時個客戶服務主任問佢先生貴姓?咁,呢位電台節目主持四圍望,都係想睇下有冇人認得佢啫。之但係,佢又唔係拖住個四川黎既女伴,佢不過係自己一丁友買緊野食,同時我對佢又冇乜興趣,佢既節目我又冇乜點聽,如果,就算望到佢認得佢,我都要扮知佢係邊位囉,鬼叫以前讀書時既女同學個個都讚佢唔讚我呀!我都成日自以為風趣幽默嫁,只係搞完爛gag後人地程度低聽左唔識笑之麻!我係妒忌人地口齒伶俐呀吹咩!

當然,之後我既特登揀左個對住佢既位,睇下佢做咩都好。佢拎左部laptop出黎,一邊食野一邊扮做野,期間一直四圍望,我既主觀意願話我知佢係想有人行埋去同佢打招呼又或都係有幾個十零歲既妹妹仔痴埋佢搵佢影相,嘿嘿嘿,偏偏冇!嘩嘩嘩,呢個睇怕都係對藝人既自我形象既終極考驗!做左幾年,出街冇人認得,咁就真係收得皮。不過,做電台的還比較好,起碼佢地較少出鏡,人地唔認得都唔出奇。

至於我,一路打呢篇文就一路覺得自己係個超無聊八掛既人,亦因為呢杯咖啡既關係,零晨四點,依然十分精神。妖!

廣告

3 回應 to “空中喱民”


  1. 傷台DJ既程度,同「不學無術」差唔幾,淨係響的士小巴上隨機聽到既節目內容,真係有幾反智得幾反智.呢種人俾我就唔想去識佢,佢亦唔好來識我.

    如果有人將「傷台DJ」當成身份象徵,我會覺得幾好笑law,

  2. gordon Says:

    haha,唔好咁燥

    咖啡飲得多除左訓唔著之外,都會幾燥熱

  3. Justin Says:

    魔術師:商台節目好多時都好無聊,但呢,我覺得,點解咁多無聊節目又會咁多人聽呢,好明顯係佢地講中左好多人心裏面想聽既野,所以呢,我覺得,都值得聽下既。

    gordon: 係呀。所以會爆瘡


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: