老麥食塞米

2007/07/14

對上一個月我食過不知幾多次多舊魚餐,因為好好食。單層的魚柳包太少太乾,兩點食完四點就餓,雙層的好得多。同時老麥又懶健康的讓多舊魚餐可以唔跟薯條跟粟米,好可能是它的粟米滯銷,所以借機推銷。想來老麥都真無聊,香港又有幾多人大食如我,嗌一個餐食完兩個鐘又覺餓,這類人方會叫個餐再加粟米。

那時候我見老麥說所有超值套餐都可轉粟米,我想這是個德政,因為長大以後我愈來愈唔喜歡老麥的薯條,尤其是凍左的薯條,很多時候唔想食老麥都只是因為不喜歡它的薯條(當然,我知道可以散叫,但我又覺得唔抵)。可以唔要薯條要粟米確實吸引了我,也使我自我感覺得健康了,亦減低了對食老麥的內疚感。我還在想可不可以讓粟米跟薯條一樣,跟餐可以加兩蚊轉大粟米。

可是老麥真係食塞米。自美味的雙層魚柳飽退出市場後,跟粟米這項德政亦同樣的絕跡。那麼,這,就又減低我食老麥既意慾。真係食塞米。

廣告

7 回應 to “老麥食塞米”

  1. gordon Says:

    唔係wor,前幾日先見到d人可以跟栗米

    btw我都係愈黎愈唔鐘意食佢d薯條(爽爽地林林地ge反而覺得幾好),依家都少左要餐,買親都係2-3個麥香雞/豬柳漢堡就算

  2. Says:

    可能少人轉,咪索性取消law。
    至於包, 老麥不嬲都玩期間限定ga la, 新野通常出得一排就無左, 要過成年先再現江湖, 咁又算唔上食塞米既, 始終老麥係一間快餐都唔快餐嘅食肆, 如果提供大量嘅選擇會影響成本, 咁咪嚟嚟去去都得最好人買嗰幾樣, 然後加一兩樣賣個零月就會無嘅嘢, 好似成日有新嘢俾你試, 好多選擇咁, 又唔會提高成本好多。

  3. Boss Ma Says:

    哈哈, 本人最愛是豬柳蛋漢堡!又有豬,又有蛋!

  4. 熊貓王 Says:

    你想食塞米吧!
    教你,叫「黑心樂園餐」啦,再加個乜包物包或者麥甩雞,仲可以順手換隻「屎尿家」公仔添!

  5. TK Says:

    塞米好過薯條多多聲啦

    一直覺得薯條頂胃,成日覺得會唔會係自己問題
    跟住睇左不瘦降之謎
    大自然花左個零月都無法侵蝕麥當當薯條分毫 (外觀同新買返來差不多)
    明晒

  6. Justin Says:

    Gordon: 係呀,幾日前都仲有。呢三四五日先冇左之麻。

    嘉:但係,佢而以仲賣緊塞米,俾人跟餐加五蚊買中塞米。

    馬老闆:同意極了!我最愛都係豬柳蛋漢堡。

    熊貓王:食黑心樂園餐,可能要兩個先飽。

    TK: 食薯條,就好似食左好多野塞住左個胃咁,個感覺好差。(另,今晚,終於見唔到你online喇喎!)

  7. 熊貓王 Says:

    梗唔係叫兩個黑心樂園餐啦。一個樂園餐,再加d散野就飽。
    我家陣直情唔理佢乜餐,想食乜就叫乜,有時唔要汽水要奶昔或者雪梨茶,唔要薯條就轉蘋果批麥甩雞,再加個散的雙層芝士孖寶,維起來同叫個餐價錢差唔多。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: