扮清高

2007/07/16

昨晚跟朋友閒聊,言談間佢話唔鐘意那些「有人格潔癖,懶清高」既人,無端端質句咁既野埋黎,我當然諗佢係唔係話緊我,與其互相猜度單單打打,不如真接問啦。阿朋友話唔覺我有人格潔癖,「不過懶清高呢就⋯」。

佢即係話我係懶清高啦。嘿。都唔係第一日有人話我呢樣野啦,唉,有時,好不自覺既,睇多兩本書,就覺得自己叻過/有文化過旺角揸住部nds既金毛,睇唔起人地搵工淨係留意人工,但其實心裏面依然好想入投資公司做。懶係孤芳自賞咁啦,口裏面話唔介意其實心裏面又好在意咁囉。

無端端俾人乂左幾野,感覺唔好,同時又感覺幾好,起碼,佢會乂我,當我係朋友。就好似我既一班好熟好熟既中學同學咁,永遠冇好野講,我每次一講自己大計就俾人一頭凍水淋落黎。挑那星,頂你個肺,講出黎係想你支持下我唔係想你踩我,鬼唔知困難重重咩,但,諗多兩諗,佢地講既野其實又不無道理,乂我既地方好多時都係計劃裏面有機會出現既問題,佢地只係唔講好野淨係講衰野啫,點都好過果啲淨係識讚你話你又叻又靚仔又醒又有文化又有文彩,跟住睇住你去死既時候仲幫手推埋你落懸崖果啲仆街仔吖。

同些熟朋友傾計時我成日會問:「你覺得我有咩缺點」,問左,唔係人人會答,亦唔係人人會直接答。願意答果啲,有時儘管我有幾唔認同,但,出自人地既口,肯定係人地睇到既野,肯定有佢既原因,都好應該用心記住。

無端端做乜講咁既野?呢篇文只係剎那間有感而發,多謝曬每一個乂過我既人,感激不盡。同時呢,如果邊位朋友,見到小弟有咩行差踏錯,千萬記得提一提我。謝!

廣告

9 回應 to “扮清高”

  1. 余若虛 Says:

    肯對你既缺點直言不諱既人先係你既好朋友。

  2. 余若虛 Says:

    突然諗到啲野。其實你所講個啲都唔係好算清高。但係,同個啲金毛比較,無謂。即係,JUSTIN你唔需要同某啲level既人比較丫,你同佢地唔同層次,要比較就同會係你既對手既人比較。況且,讀多左書,應該更覺自己膚淺啊!

  3. Yun Says:

    我唔中意D人懶清高咁。但有時諗返﹐自己咪係一樣。
    咁﹐有反省係好既。我唔中意人地做既野﹐我都盡力唔做囉。

  4. 垃圾仔 Says:

    嗯. 咩叫清高, 咩叫懶清高? 我諗一定要搞清楚喎.

    我自己就成日覺得用"清高"黎界定自己同其他人, 係好無謂. 你想搵錢, 我想求智慧, 各有所求, 點解要有清高同市儈之分?

    懶清高就更加搞笑. o係大城市生活, 唔駛食乎? 唔駛養妻活兒乎? 我都不時俾人話我懶清高, 又要做讀書人, 又要搵到錢. 但係老實講, 人總冇可能為左自己既理想, 連飯都唔食, 兼累及妻兒. 只不過搵錢同其他野之間, 應該有個balance. 點樣balance就因人而異了. 只不過最唔gur既係, 點解o係香港, 將理想擺o係搵錢以外既人, d路就特別少, 特別難行 (難行到搵唔到食) 咁者.

    我自己唔討厭搵到錢既人, 亦唔會過份妒忌 (少少梗有). 但係遇著呢種人話我懶清高, 扮哂野, 我會X到佢塌皮. 學CK話齋, 莫欺少年窮, 雖然香港地, 窮=可欺.

    又係o個句囉, 理想既野, 其實冇乜對錯. 決定左, “千山我獨行", 唔好羡慕人地, 亦唔駛覺得自己好清高. 咁日子就會好過好多.

  5. 熊貓王 Says:

    點講?

    肯開心見誠小你的,都算係朋友,更難得係你肯聽,唔會記仇然後搵日整佢鑊甘。

    不過話時話,我覺得那些開口埋口鐘意話人「懶清高」的,某程度上也是一種犬儒--他其實不信這個世界上,真的有種東西叫「清高」。用這種眼光去看事物,可能會忽略了身邊真正美好的東西。

  6. Evelyn Says:

    講明先,我絕對唔討厭"懶清高"0既側田.
    我只係羨慕甚至有點兒妒忌你好似經常都咁清醒,有本事keep住你對冷眼…咁0既態度,感覺上比我鐘意買名牌更奢侈.
    我講野比較直,諗到就嘔出黎.你講得岩,X你因為當你係朋友.

  7. Patrick Says:

    開心見誠小你、指正你的真的算是朋友,

    最P街的是,見到你唔掂都唔同你講(同埋周圍唱),心諗:「睇下你幾時死」。


  8. 「扮清高」重點在「扮」,論者鄙屑既係唔清高但係「扮」清高,所以要得到呢個結論,論者要1.確定被評論者表面上是清高的,及2.確定被評論者內心世界/真實行為是不清高的.

    究竟有幾多話人「扮清高」既人可以做到以上兩點?

  9. gordon Says:

    同些熟朋友傾計時我成日會問:「你覺得我有咩缺點」,問左,唔係人人會答,亦唔係人人會直接答。

    wa,同我一樣ar,不過每次到最後我自己講自己有咩缺點,大家都講唔到d咩…


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: