四代香港人 之三

2007/07/23

換個角度,呂教授的文裏說第四代的人是選擇比任何一個世代都多,也很同意。跟家父談到自己來年的可能性時,他說,當年大學畢業,他沒有別的選擇,只有搵工一條路—他對下有六個弟弟,他是家裏第一個大學畢業。今天,他的事業算是定了下來,也為我帶來了生活上的安定與豐足。今日的我,面前有很多很多個可能性,每一個可能性都不保証會成功,沒一個可能性會必然失敗。

然而,社會上其他人對第四代人有著熱切的期許,因為成年人覺得已經盡了能力,為下一代提供最優質的成長環境,第四代人從來不需要擔心明天會三餐不繼,也不需要擔心家裏因經濟問題而要綴學,讀大學的成績只要超過某條很低的標準就可以到外國做交流生(不用太擔心經濟問題,只要開口問,學校會提供不同的獎/助學金)。成年人把所有他們於成長時曾經憂心過的障礙,從第四代人的成長過程裏通通移走了,再沒有失敗的藉口,成年人覺得第四代人理應要成功。

第二代人在當下的社會裏擁有相當的話語權,他們今天之成功,當然因為他們曾經努力過,他們會認為自己在離開大學以後的二三十年間,都走了應該走的路,做了應該做的事,而達至今日的成功。他們會視年輕時候曾做過的事,或多或少,都造就了今天的一切。第二代人對著他們的下一代——第四代人,剛剛投身社會的第四代人,他們會質疑為甚麼自己的下一代每天都在磋砣歲月,為甚麼第四代人好像沒有甚麼清楚的人生目標,為甚麼二十多歲還依然像個不懂事的小孩般夜夜於網上世界混戰。

今天的第二代人已經走過了人生起碼一半的路,他們當然很清楚自己的人生目標,亦會不自覺的用今日的成功去理解(或解釋)自己成長的路徑。可是他們卻以這套標準去衡量初出茅蘆、才在社會裏混了一年半載的第四代人,他們又豈能清楚自己的方向?第二代人需要做的,是要追溯一下他們在二十多歲,剛剛離開校園時,自己的所思所想,比較一下,當天自己的方向,是否如今日一樣的清晰?又或者,對換身份,讓他們在今天重覆著當年的路徑,他們又會否同樣的成功?

他們會為著自己的下一代著急,希望把自己成功路徑硬套到下一代裏。他們把一切在自己以往遇過的障礙,盡力從第四代人的成長過程中移走,他們對第四代人有熱切的期盼,覺得第四代人一定要成功。但,這樣做,是否對下一代最有利?

廣告

8 回應 to “四代香港人 之三”

  1. gordon Says:

    第二代人將希望建築係第四代人身上,好正常
    但好多障礙始終移唔走,同之前各位講ge一樣,唔同年代ge人煩唔同層面ge野,即係話呢個社會解決左d舊有問題,如三餐溫飽,但同時間又製造緊另一d問題出黎,第四代/第五代ge人冇所事事,冇人生目標,所有野都好似一個循環咁

    我唔算係一個冇人生目標ge人,但d目標實在太遠太大又或者根本係可能,有時候去到好多細節唔知點入手,大概都可以話係受左依家呢個年代物質生活太好ge影響

  2. 怒火眼睛 Says:

    我唔屬於第四代 (74年), 但對你講既野, 依然好有感觸.
    你既家庭背景比我好得多, 起碼父母有受過教育, 比起黎, 你會似而家D 小朋友, 父母細心培育, 學音樂學呢學路, 或者儲定錢俾佢留, 然後希望佢一飛衝天….
    背負住咁多期望, 好累, 亦好怕出錯.
    第二三代, 大不了咪死 (其實係大不了都唔駛死), 反而可自由自在闖出自己既天空.

  3. 許港生 Says:

    很喜歡你的分析/書評,可以說是有點身同感受。

    老一輩的人常說:"一蟹不如蟹",佢地經常性都鍾意"想當年",想得當年就難免會跌入"美化了的回憶"(回憶通常同選擇性失憶共同登場),加上佢地會無可避免咁用左今時今日成年人的觀點去批評眾年輕人,例如係男仔穿耳環著賴屎褲等,佢地永遠唔會記得自己當年曾經係擔住支煙腳踩鬆糕著住超大喇叭的憤怒青年……

    呢個唔係佢地既錯,只係人之常情,正如我地見到細佬妹唔溫書,掛住打機,都會出聲話佢地:

    “想當年阿哥/家姐考會考/高考,邊有你地咁得閒?"

    好喇,跟住佢地考出黎成績唔錯(甚至比自己好),個陣時又會講:

    “超!而家的考試真係越黎越易……"

    我諗,第四代香港人(其實邊代都好)一定要記得,當一隻手指指住人,有至少三隻手指都係指住自己.我地可以做的,就係不斷反思自己有否犯到同佢地一樣的錯誤,唔好到第五代第六代第X代的時候,佢地都依然好似我地咁話D長輩blahblahblah;-)

    仲有,就係要用行動証明俾佢地睇,我地係掂既,真正"香港始終有我"!

    至於有利與否,咁就真係仁者見仁,智者見智,有時壓力係推動力,有時壓力亦會成為背上的大石……無點如何,諗深一層,查實佢地肯出聲,都係"愛之深,責之切"而已。

    P.S. The answer for the question you asked is “Positive":)

  4. readandeat Says:

    我不屬於第四代。我反而覺得而家的後生仔好叻,邊有我哋當年咁一舊飯(我當年成舊飯咁,起碼我當年就唔會好似你咁寫嘢冧嘢)。

  5. 垃圾仔 Says:

    所謂一蟹不如一蟹, 咩年代都有人咁講.

    側田你話第二代係想鋪好條路俾我地第四代行, 我真係覺得你厚道. 問題絕對唔只咁簡單. 講真, 第二代人都不時就呢樣野反省再反省 (最近睇房祖名套, 又係講呢個話題), 點解每次反省完之後, 依然故我?

    根本佢地比任何人都明白, 如果呢個世界變左, 佢地既經驗就唔再值錢. 而今時今日既香港, 講論資排輩, 其實就係以經驗換取權力.

    呢個至係真正既原因. 佢鋪條路你行, 然後踩你班友, 話你d人做得唔好. 佢唔踩你, 何來話語權? 最重要既係, 乜都要維持現狀, 權力關係不變, 老一輩既經驗繼續有效, 咁佢地咪去到死o個日都有權力囉.

    所以我成日都話, 香港係死o係"五十年不變"呢五隻字上面. 最近呂大樂開始寫文鋤呢樣野啦, 不妨搵來睇睇.

  6. 垃圾仔 Says:

    我想講房祖名套"早熟", 唔知點解出唔到. 補返.

  7. TK Says:

    若果一蟹不如一蟹,人類一早就滅亡左啦
    所以呢句說話基本邏輯係有問題的

    第四代人有個性要面對好大壓力
    因為社會要求的「個性」,係template內的個性
    即係甚麼講team work, proactive, think outside the box (why not think inside the pentagram?) 之類

    純粹係為左打工而量身打造的,集齊全套,就係一個理想的員工/middle management

    香港環境生態容不下多元的工種,自然亦容不下多元的性格
    個個港男港女性格template 差唔多是自然的事

  8. 秀姑 Says:

    第4代人就是無自主,倒模的公仔。
    第2代人就是成功,擁有社會的話語權。
    這是甚麼理倫?

    社會的話語權取決擁有者的地位,身份和權力。試問一個初出茅廬的第4代人如何在詰講背景, 講關係,講財力的社會上獨佔鰲頭呢? 現在的人擔心邊青,隱青,誰說他朝他們不能成為另一個李嘉誠?第2代人的成功不是經歷過不少失敗和挫折,不斷重覆跌倒,起身,再覆跌倒,再起身嗎? 只是時代不同,面對的問題也不同。在這利慾的世界,第4代人要從父母的金錢至上的價值中逃脫,比起第2代年青時,百廢待興的自由發展,沒有父母的束駁,去發展其思想的獨立性,艱難多了。這艱難是第2代的人給我們的,我們只得勇敢地面對。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: