聽日頭版

2007/08/08

以前搞野,要搵埋傳媒果隻,最怕係同日無端端殺出一單大野出黎,分薄曬啲版位。

琴晚宣怖話有個女仔十四歲考會考攞9A,於是做傳媒既朋友就話琴日全行都搵緊呢個女仔,今日睇到電視,終於見到樣!

我時常相信個天係公平既。

阿Max考會考時好似係十五歲,而且得八個,輸左。

同日,有個中大既師兄响廣州死左,有人歡喜有人愁,呢個時間真係好到唔可以再好,葉劉何秀蘭勞永樂都想試,況且今次得一個位,唔使配票,李大狀上次果單野應該唔會重演。呢場戲應該會好好睇!

阿師兄死之前幾個月講左啲野,一啲連阿爺都唔敢亂講既野,講完就去廣州醫病。唔知呢,我覺得,十足十,1984裏面既主角臨死之前果句:"I love Big Brother."。

幾年前DGS一年考左六個10A出黎,於是做左所有報紙既頭版。呢年,唯一一個女仔係讀StPaul既。改制之後既一個會考,本來盧幹庭可以發圍,點知人算不如天算,有人偏偏要等到今日。

所以呢,炒埋一齊,聽日各份報紙既頭版,都好值得留意。

補多句:有時候覺得死者已矣,就算之前好唔鐘意人,但,都過去左,會覺得,算啦!但,當我諗起呢位師兄,既然佢咁不屑當年响天安門犧牲既人,咁,我又使乜俾面佢?!

廣告

6 回應 to “聽日頭版”

  1. kenka Says:

    一者: 最年少九優女生的臉長得真像男生; 二者, 人之將死其言也善, 我極相信坦克碌豬論乃出自真心; 三者, 秦檜一句莫須有, 從未因他身死而避免被批評, 惟不應過度刻薄也.

  2. 余若虛 Says:

    中國人傳統厚道,人死為大。唔係話死左可以一了百了,但批評都會收歛啲,尊重死者既。

    嗯,佢真係死得合時,個黨又可以擺脫佢個堆「歪論」,起碼到時選戰唔會有人話:「你地個前主席呀,呢,死左個位呢,講埋咩咩坦克轆豬,無人性架佢,現眼報囉。」如果有人夠膽講,相信會死得好慘。

    補選,應該會好好睇!好大機會有係一對一隻揪,因為無一邊相分薄票。如果泛民真係協調到秀姑出黎,最大機會贏既應該係葉太。勞永樂呢啲九流政客,出黎選都係搞局,累死泛民。

  3. 垃圾仔 Says:

    拿, 唔好話我迷信, 我真係覺得, 當日馬生唔係爆句咁折墮既說話, 佢今日可能未死得既.

    所以咩人死為大, 我唔認為o係佢身上適用. 既然人死為大, 就唔好講埋d咁既說話, 去侮辱死難者.

    呢條友, 駛乜運返香港葬, 求其搵架坦克碌過, 一了百了啦. 俾呢種人得善終, 六四死難者竟然要陳屍街頭, 天理何在?

  4. 惡女 Says:

    側田,好委屈呀我!

  5. Justin Says:

    Kenka: 我在文裏這樣形容他,未致於刻薄。

    余若虛:我最驚就係唔係一對一隻楸。左面既協調能力一向好好,唔使驚會多過一個人出黎。之但係另一面,隨時有兩個人出黎,分薄曬啲票。

    垃圾仔:我唔鐘意佢既其中一個原因,就係因為佢對當手既熱血學生過份地刻薄。

    惡女:邊個惡薑烚你?

  6. 安諾勿斯 Says:

    馬力既知大限將至,也發表扭曲六四的言論。可說馬力他黨性深種,是一位政治舞台上的悲劇人物。死者已矣,希望大家可以持平一些,尊重死者,不要向他的親友家屬的傷口上再灑鹽。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: