補習小朋友

2007/08/15

五年前,剛剛入大學,在中學老師介紹下第一次幫人補習,淨補數學,每個星期六既中午既三個鐘,小朋友的家長待我好得不得了,剛進門就問我要甚麼早餐,還沒有落格又到午餐的時候。每次離開時荷包和身體都是飽滿的。

唔覺唔覺,咁就過左五年。最近又幫呢位年過十八又考完高考既小朋友補習,今次竟然係補電腦。但其實,我都唔知教佢咩好,因為一向覺得電腦呢家野,識就識,唔識就點學都唔識,搵我教電腦,咁,究竟教寫網頁/寫program/P=NP邊樣好呢?加上唔得好多時間,呢個𡃁仔又好明顯好懶,太麻煩既事佢一定冇興趣。一定要搵樣佢會有興趣既野。最後,我說服左佢阿媽俾錢佢自己砌部機。

佢成日話屋企部腦廢,但佢又講唔出點廢,於是我就叫佢自己決定買咩。同時同佢呀媽講左一個較低既budget,呢個低既budget淨係夠佢買一些minimum既野,所以呢,其餘既,就要由佢自己貼。買多買少,由佢話是。於是,之前幾日我就叫佢問定啲frds乜野好乜野唔好,要打機應該買咩野(事關hardware既野我都唔識),同埋預計用幾多錢。嘿,針唔咭到肉唔知痛,呢次,佢終於要仔細咁諗下點買野,因為電腦可以買得好貴,好似intel core 2 duo同quad core其實分別唔係好大(如果淨係上網打blog既話),但係就可以貴好多好多。如果係佢阿媽出曬錢,呢條死仔就會毫不猶疑咁買曬貴野。

帶佢行黃金,佢知道每樣野既價錢後,發覺原來自己既購買力有限,如果要十九吋忙,就買唔到e6550,咁,就要取捨。由得佢揀。對佢,都算係個好好既練習。買完之後,就上佢屋企,我蹺埋雙手指佢裝機,呢個課程既目標就係想佢大概知道部電腦發生緊乜事,等佢下次部機死左時唔使企左响度。未裝好曬啲野,我就走左。如果佢想今晚打到機,就要自己搞埋佢。佢點都應該會學到下野既。

五年前,我剛考完高考,就開始幫佢補習。今日睇住呢個死𡃁仔,硬膠膠咁(我知佢有睇我個blog,不過我都照講,吹咩!),乜野都唔知乜野都冇所謂咁,有時甚至會覺得皇帝唔急太監急,好可能,响五年之前,人地既眼中,我都係一個咁硬膠膠既死𡃁仔。

廣告

7 回應 to “補習小朋友”

  1. 野孩子 Says:

    十幾廿年前,我自修出去補習英文,
    補習老師教識我好多英文粗口點解,
    我當時心想,有無搞X 錯,比咁多錢你就係學粗口?

    十幾廿年後,我先知道,野可以亂食,原來粗口唔可以亂講。
    因為要講得出一口流利兼合文法o既中英文粗口,絕對係一門學問。

    學習呢個過程,好多時唔係即刻見到成果。

  2. LearningForest Says:

    看完這篇,
    我都想揾你補習…
    因為眼見不少成積好嘅補習老師,
    其實不懂教人…

  3. Max Says:

    呢招唔錯喎!
    話時話,佢平時用電腦做乜的?

    (順便試下 cocomment 先 😛 )

  4. 70/F Says:

    衰仔
    打電話俾你又唔覆

  5. gordon Says:

    講開砌電腦我想買ram,但唔知買咩好…

  6. Gideon Says:

    教佢 Linux
    長教長有哈哈

  7. Justin Says:

    野孩子:好同意呀。但,有些家長,竟然會相信一次半次既默書測驗成績就可以決定一個補習老師既成就。我覺得,補習,其實都係想教佢諗野,多過教佢學計多一條數。

    學霖:嘿!我收好平!

    Max: 佢淨係用黎打第一身射擊。所以係咁話要買最曬3d card。

    七十:email你又唔覆……… 🙂

    Gordon: Kingston!! one of the best brand.

    Gideon: 哈!冇錯。好多野都可以係咁教,但,佢對好多野都冇興趣。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: