關於未來

2007/08/16

這陣子,最怕人問我打算以後點,簡單黎講,就係問我有乜野career aspiration,這個可算是我面前的一大難題。我不知答案。我只知道我會努力去發掘,世事不能預測的,就如當下的經濟,美國的次按問題所引起的骨牌 效應,有時一日冇起跌,今日又跌六百幾點,就算聯儲局主席都估唔到,因為實在有太多太多既factor影響緊呢個社會。如果今次環球股市真係爆左煲,我年 幾兩年後畢業時就真係會大檸樂,隨時畢業變失業;又如果當下既web2.0浪潮健康地發展去落去,咁我既前景又唔會太差喎。所以問我之後會點,真係完全唔 識答。

就算唔講到環球經濟咁複雜既問題(主要因為我唔識),單單係講我自己,我都覺得無可預料。一年前,我諗都冇諗過呢間大學會收我讀書(事實上係本來我連呢間 大學都冇打算報,只係一次我多口問阿老細有乜美國學校介紹,佢一開口就係呢間,呢下真係要多謝老細),我甚至考慮過去美國由undergrad開始讀過, 又或者係走去搵工做野算數唔使煩,又或者簡簡單單唔攪咁多野咁係响中大度讀碩士。一溜煙一年就過左,目的地係一個一年前我發夢都估唔到既地方。

其實同樣地,兩年前既暑假,我都估唔到我上年乜offer都冇。

所以每當有人問起,我好鐘意用「我唔知」做答案。只要我講番上面既故仔,好多人都會同意將來既事唔係咁容易估到既。

之但係,面對我既主要投資者(即係我老豆同我娘親),呢個咁既答案就好似滿足唔到佢地。可能佢地真係出錢果個掛!佢地時常會覺得我太懶散又唔知响度做乜, 加埋我答「我唔知」就進一步令佢地覺得我頹廢。而事實上我知道我可以求其老作一個完滿既計劃出黎,大概係咁:「下年暑假搵一間大既科技公司做野, google又好microsoft又好ibm又好oracle又好,然後嗱嗱臨畢業喺果邊做一陣野,攞一啲經驗,同埋練好啲英文,尤其係寫野,跟住就番 黎大中華地區做野。因為可見既未來呢個世界到資訊科技行業既需求絕對唔會減退,而同時喺呢個行業裏面有一定程度既技術根底而同時鐘意用人話黎講野既人又唔 係好多,我覺得呢個會係我既長處,到時應該唔憂冇得做。」答完,自己都唔知點。因為,我都唔肯定係唔係到時會想係咁。

黎緊既一年,可肯定既係我會見到好多新鮮野,亦相信會對我有不少影響。就好似我到而家都覺得做research好好玩,因為做啲冇人做過既野,亦都唔會太 routine,但係,就好悶,尤其是係冇成果時,人地開始事業有成時,問你做緊乜野,果下真係會難受。另一方面,startup也是一個不錯的選擇,因 為應該會好好玩,但係,同做研究好相似既地方係,你一日未成功,人地都唔會理解你做緊乜,同時,好可能要慢慢做好幾年先有少少成果,而創業最大既可能係失 敗,在自己而言,我覺得冇乜所謂,輸咪輸!之但係我既投資者就未乜咁諗。佢地投放左咁多資源落黎,好自然會有啲野睇,亦好自然會想我俾到一個燦爛光明既將 來佢地睇。如果答去大公司度做,出現重大落差既機會會係最低,佢地亦會最安心。之但係,呢個係唔係我最想要既野?

我都唔知點答好。如果我答話唔知,佢地就會覺得我亂咁黎,乜都冇所謂,咁大個人都唔知自己想點,或者,就好似由我既角度睇我果位十八歲既補習小朋友咁。事 實上我唔會亂黎,我比任何人更在意自己既將來,只不過我唔想講一些我明知會係錯既預測,無謂希望愈大失望愈大。同時,老吹一個自己都不盡同意既答案,就連 自己果關都過唔到。

所以,各位,世事難料,唔好問我之後會點?我唔知。但,我可以好確實地說,每一天,我都在,努力地,為自己找機會。

廣告

16 回應 to “關於未來”

  1. Yun Says:

    For some reasons, I think I know where you are going to study. (Start with “B"? In east coast?) My coworker’s daughter will start her undergraduate study there in the coming Fall.

    Yea, I think it’s okay not to know because the future is really difficult to predict. But I guess I can understand your parents’ concern. Maybe instead telling them “I don’t know," you can say, “I know what I’m doing, but I don’t know how to explain to you." I think that’s what I used to tell my parents. “Just trust in me, I know what I’m doing!"

    Follow your passion. Wish you all the best. 🙂

  2. cheryl Says:

    呢d嘢,大定咁話啦

    嚟緊你要做,除咗學嘢,其實仲有勁多嘢囉。襯仲係喺個campus入面,party hard,networking好緊要。唔好匿埋一二面成日群d老中玩(grad school真係好多中國籍geeky/nerdy友),如果唔係就真係嘥咗喇。大公司有得試吓梗係好,不過至於日後係唔係一定要入去做呢? 試過你自己就知囉,嘻嘻

    呢個時勢,又講番我哋呢一代人啦,有邊個真係好知自己想點? 大家都好似好多壓力,同時又其實唔係咁有囉,因為有幾多個人真係有成頭家等住養? 基本上都係搞掂自己就ok啦,可能大部份人都有條數要找,不過又如何? 其實真係算幸福 =)

    好多嘢唔試過唔知嘅… 可能你冇收到風,我有人請做咗2日唔夠就劈咗炮。其實真係一個黃金機會,公司唔錯人工好好又可以俾我留喺度。不過就係單單果10個小時唔夠,我就make up咗個mind,完全明白自己要做乜。唔知道我係唔係好奢侈呢?? 哈哈~

    每個人個經歷都唔一樣嘅,不過有時與其猶豫的話,就不如唔好理咁多試咗先。可能而家大定認為個social clock都係你30歲唔得第時都好難上位咁,只不過人已經越來越長命,一日唔死其實一日都要做,所以有d嘢都急唔嚟… 而且男仔喎,邊有咁易俾人嫌老? 放心啦~ 爸爸媽媽都係關心你啫,當然佢哋對你係有所期望,不過最終你做咩其實佢哋都會支持你吖! 比心機,亦都祝你好運!

  3. Alex Says:

    我記得我都有問過你career aspiration 既問題…其實好多大學生都係唔係好知自己想點架啦。揀左major之後又發覺一個major 都可以做好多野,或者做一D同個 major 完全冇關既野。當然,用internship 黎做個體驗,試下係唔係真係鍾意果行都係一個好辦法。見你用mac,我以為你會提下想做apple添。其實有D冇咁出名既都okay 架。我有D comp engin friends 去左vmware, amd, etc,聽落佢地都好enjoy。

    Anyway, all the best!

  4. 許港生 Says:

    試問又有誰會比自己更關心自己的未來?不過,也要體諒人們對自己的壓力和期望,他們都是"愛之深,責之切",或是"恨鐵不成鋼"而已(縱然也有不少"茂利"是在落井下石,睇你點死)。

    一句到尾,最後要交代的人,其實只是自己。

    你說:"我可以好確實地說,每一天,我都在,努力地,為自己找機會。"
    我說:"As much as I am able, that I should dare to do.

    目的只求自己七老八十時回首前塵,可以驕傲地說一句No regret。共勉之。

  5. kenka Says:

    唔好話大學生得個二十歲仔, 男人到三十歲仲on居居的都不在少數架…不過正如上面cheryl姐話齋, networking好好好重要, 唔係話中國大陸果種guanxi(隨住法制越趨完善, 呢支歌仔越來越難唱), 而係搵朋友提供意見都容易得多. 職業呢家野, 同大學主修的關係可以一d關係都冇. 可以搵機會, 或者等運到都得, 如果有個開明既長輩問下就最好

  6. gordon Says:

    都幾有同感,我都答唔出自己將來係金融界可以做到d咩,只不過唔同ge係屋企人都明白以我ge學歷根本冇得控制,十年之後,或者可能做左大行fund man,可能仲係細行做股票經紀,甚至乎轉左行…我都唔知會點…

    上個月考試先肥左,今次再考另一張paper加補考,打孖上,再考十次八次,始於我都會合格,而事實上讀書成績同我出黎撈唔撈得掂根本係兩回事,但咁唔代表冇壓力,每張paper都要幾舊水(cfa講緊8千幾),衰一次就對唔住屋企人一次咁…

    btw個市今日都出乎我意料之外,一野就穿左20900支持,依家美國又跌緊,下個支持位要睇到20100-20300,個市唔會再點插,始終基本因素良好,依家已經出現超賣,你都差唔多可以放左隻輪先了

  7. 野孩子 Says:

    個重點係你要清楚話比你o既主要投資者聽,
    投資同投機o既分別。
    市盈率,只係反映果一刻o既現實。

    又或者,印o左呢篇野出黎比你o既主要投資者過目。
    我相信懂得投資o既人都係理性o既。
    我又發 up 風啦~~ XD

  8. 惡女 Says:

    側田,唔好太擔心,真的,上天會帶我們前行的(Oh!我已說了三千幾萬次)
    路會慢慢走出來的,你還會遇到很多新事物、新朋友,不用太憂慮。
    記得到了那邊,要不時跟我們聯絡呀!
    還有,回來要請我吃飯。

  9. 70/F Says:

    下下下
    原來今日我問你既野
    你一早寫左


    你要向呢度讚我靚!!!!!!!!!!!!

  10. 火鶴 Says:

    或者可以用CK篇文咁講, 你未必係跟主流行嘅人, 你內心可能有好多想法好多可能性, 所以你還未知道將來會點.

    不過無論如何, 我都覺得你嘅將來會大放光明, 仲會照耀住我呢D小市民.

    有機會唔怕凍上嚟玩嘅話, 留個message俾我啦, 祝你呢位阿sir, 一帆風順.

  11. Justin Says:

    Yun: Oh! you are right! I am going to Brown. How do you know that? i hv mentioned in previous posts (months ago…), becoz of that?

    Yes, they afraid I am just goofing around, which in fact i am not. But, it is not easy to tell them i am working hard.

    Thx very much!

    Cheryl: 你最後果樣野真係中曬point,响電腦世界,好多時啲人就係認定左三十歲左右就要上左位做management,如果唔係就要等轉field。呢個,係我其中一個最擔心既野。

    我真係唔知你有offer跟住劈炮喎!但,乜都好啦,我祝你好運!

    Alex: 因為我考慮做乜時,我總會考慮埋日後番黎大中華區做野既問題,如果講apple,呢度啲人真係當你玩下野。雖然,去apple做野,都應該好好玩!

    許港生:對呀!你現在既工作,亦同樣地十分好玩!失敗冇乜所謂,總之,日後,唔會後悔自己冇玩過就得!

    Kenka: network你說得很對,其實guanxi呢個世界邊度都要,如果唔係facebook都唔會咁流行,啲西人唔叫guanxi叫social networking之麻。一個人點勁都冇用,如果人地唔識你既話。反而,見得多人,學既野又多,點都有用。

    Gordon: 我,仲未放隻輪。我一早已經當左自己係買大細,我係覺得會再跌,同埋一早已經當自己輸曬,所以冇乜感覺。但,都唔該曬你一直以黎既提點!

    你努力呀你!

    野孩子: 唔知呢。一直以黎,我都唔敢俾佢地睇我呢個地方(雖然佢地可能睇緊但我唔知)。其實如果佢地睇到我寫既野,可能就會明白點解我日日無所事事响度睇書。

    ha! 好鐘意你個市盈率比喻!

    惡女:我同意呀。雖然我唔信神,但,我都信,個天點都會俾條路我行既。

    hehe!!! 到時番黎請番你食潮樓啦!!

    你呀,唔好唔開心啦!

    七十:所以你問既時候,我都打左個突。以為你玩野!
    嗱!

    全世界也安靜,為了聽我宣佈。
    七十樓姐姐真人靚過上鏡好多呀!皮膚又好!
    同埋,真係唔似細S囉!以前你send俾我既相都是騙人的!

    火鶴:我係好唔想跟主流行。但,就好似CK所講咁,唔跟住主流,需要極大既勇氣!

    喂,我冬天如果悶得滯可能會上黎,因為我都有幾位同學响UT讀書!到時搵你!

  12. Yun Says:

    Probably not from your blog… cuz I only have started to read recently. It’s possibly from facebook, I probably looked you up. 😛

  13. leona Says:

    Justin,我很喜歡施永青常常引用的一句話(大約意思):
    拋出石頭,你可以預知它的落點;
    拋出小鳥,卻無法固定牠的軌跡。

    未來就像拋出小鳥,誰能預料?

    我覺得你so far都忠於自己,那將來的路,就不會離題太遠了。
    正如我在其他地方和你提過,一年很易過去,而且通訊的便利也不會妨礙我們和友好的聯繫,你勿太掛心了。
    男兒志在四方嘛。

    一路順風啊!

  14. 野孩子 Says:

    孩子,看我扮Jay Chow.

    媽媽的辛苦 不讓你看見 
    溫暖的食譜 在她心裡面
    有空就多多握握她的手 
    把手牽著一起夢遊

    聽媽媽的話 別讓她受傷 
    想快快長大 才能保護她
    美麗的白髮 幸福中發芽 
    天使的魔法 溫暖中慈祥

    《聽媽媽的話》—— Jay Chow

  15. 余若虛 Says:

    未來當然無辦法控制同預測。人力所能為既係,設定目標,再盡量做更能令自己走近呢個目標既事;諗定後路,一旦一計不成仲有咩渣拿。

    第一樣好多人都識。但大家通常都無失敗既準備,所以一旦失手,就不知所措。

  16. 垃圾仔 Says:

    唏, 其實對於呢d問題, 一律唔駛苦惱. 而家呢個時勢, 有幾多人可以有一條清清楚楚既path可以行. 通常對住o個d non-stakeholders (即係我掂唔掂都唔關佢事o個d), 我就會答, 將來想做乜就做乜, 而家就最想讀書. 至於stakeholders, 例如老豆老母, 咪求其作d野囉. 呢個世界冇可能想點就點, 其實d老人家比我地更清楚. 到時貨不對辦, 冇人會怪你既.

    總之, 前途既野, 結婚前向自己負責, 婚後向老婆仔女負責. 其餘d人, 話知佢. 我好羨慕你去到美國, 所以你要俾心機讀, 機會難得也.


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: