好淺

2007/09/07

昨日啡大開學,算是第一次在外國上學,感覺良好,一向上課愛亂問問題的我在這裏不再是問題兒童,在有五十多人課室裏,過半人口在課堂裏都舉過手答過問題問過問題,這樣不錯,那我就可以隨心的問,不會太過標奇立異,唉吔以前,上堂問問題有時候會俾人眼超超。

九月初,也是另一邊的地球的開學日子,連續幾日網上也在討論一位九歲說浸大數學系的課目太錢的神童沈小朋友,早兩日我在辦公室裏,身旁印度來的同學也跟我說,你們香港有個九歲的大學生喎。

唉,我覺得九歲就把個小朋友推進大學裏,簡直害了他。有些人為了出名搏上鏡,真係乜都做得出。就好像肥醫生般說,如果真係為了學生好,就不要推入自己的學校裏。當然,我覺得十四歲入大學也未嘗不可的事,就好像吳桐學也較常人早了三年踏進大學的校園,廢寢輟食地在網上搞工會的同時GPA還試過4.0,如果一個人夠醒,年紀較同學少一點不大問題,大學絕對是個讓他自由發展的好地方。

可是沈神童的年紀真的太少了,除了讀書計數以外,這個世界還有很多很多東西值得玩的。在小時候玩,不一定是要得獎得榮耀還是甚麼,是一個成長的必經過程。跟年紀相若的課堂裏互相砥礪,在波地上橫衝直撞,小息時候三五知己偷走出校門過對面街的老麥吃早餐,連走幾堂到尖沙咀食晏番學校途中仲要撞長校長,日日晏晝去七仔食杯面儲錢買梁詠琪,無厘啦更在課室裏俾人剝褲,在班裏發起杯葛某個樣衰的肥仔,在老師的椅子上塗膠水,反鎖老師在門外然後全班被罰留堂,欣賞課室裏每個星期總會出現一兩次的隻揪隻⋯或許這些對學業沒有一點幫助,但全都是一個人成長的必經階段呀,在過程中人會跌過笑過哭過鬧過,但或有一天當人大了,城府開始深了的時候,人才會長大呀。

在大學裏,朋友們都經歷過幾年中學,或長或短,大概都有五六年。沈小朋友跟同學們沒有話題,同學們又不太敢撩他玩,有時有些說題是大個左才會講的,例如一班男仔群埋總會大講咸濕笑話,大家都開心,但是,如果受盡校方保護沈神童在場的話,大家就不會講了,萬一傳媒得悉,又會說今日大學生開淫亂派對,然後大學校方又會出動了。

那小朋友就只好讀書,但是,一個人的生命裏絕裏不可以只有讀書呀。只有嘗過生活裏的其他可能性,就如番工做兼職媾女打機做隱青,起碼要試過幾種不同的生活方式,你才可以清楚自己要走的路呀!

小朋友第一天番學說課程太淺,全都學過。哈,我卻想起自己的故事。我高考純數得了個好好的成績,入大學後跑去選修數學系的課,還刻意選他們一年級裏最難的課。第一堂,所講的都是數學的基本概念,就如當a是雙數,b是雙數,要証明a+b都要雙數這些,如果有基本的數學概念,要証明一定冇問題。如是這我覺得好淺,於是走堂。過了兩三星期以後,有一天神推鬼擁地去上課,竟然發現他們在測驗,於是我坐低做,最後得了很高分。於是我就斷定這是個低能的科,我就沒有再上了。最後,我受到了教訓,頭幾星期的太易,目的讓同學習慣,但後來的確實很難,我教試前整整花了三四天也沒法追的上,結果,我得了在大學裏面唯一一個F。

這個經驗對我來說絕對是好,我已經都不敢小看別人。嗯嗯,沈小朋友說這番話,相信都是出自真心的,大學裏的第一堂很多時候都很容易。我希望,這位小朋友,可以有多一點機會踫釘,嘗一點失敗,就好了。

小朋友,我覺得你真的不用太早入大學,因為其實大學也不是個學習的好好地方呀,你快會看見一群一群抄功課的同學,又有賣功課/幫人做功課的商業活動於你身邊進行,甚至乎會發現在些教授也不太熱衷自己教的科目。如果你覺得小學的課程太悶,上堂自己看看其他書吧,或者進入那些優才學校,跟那些跟你同程度的人一起玩就好了。跳得太快,不是好事。

廣告

7 回應 to “好淺”

  1. kakapo Says:

    「起碼要試過幾種不同的生活方式,你才可以清楚自己要走的路呀!」好鐘意呢句。

  2. gordon Says:

    我成日都係到計,佢畢左業都仲未夠秤做野ge時候,咪即係要焗著讀落去lor @@
    當然限定佢唔可以咁早出黎做野都係好事

  3. 肥醫生 Says:

    如果這小朋友的明天打算只是一世留在大學研究院入面,那就無乜所謂。的確,人過四十就很難再有新的理論發展,如果他打算一世做數學研究和發展,九歲入大學十五歲完成博士論文就不太過份。

    問題是,他有否真的想過自己的一生想做什麼呢?九歲…實在太細了…

  4. tit fu Says:

    睇完大家的觀點,證明我地同香港主流社會的觀點好唔同。

  5. 余若虛 Says:

    同意到極!香港而家就係咁,9歲,一個奶都未戒既年紀就去讀大學。做學問,或者沈小朋友將來會有大成就,但佢既人生相信都幾多缺陷,除非如肥醫生所言,佢想一世係象牙塔裏。

    有好多事,應該要係某段歲月經歷,過左,就永遠無得返轉頭。

    又,佢話好淺,我諗佢講真。但,如你所言,唔撞板佢唔曉驚,畢竟佢九年來都太順境喇。

    又又,題外話,少少陰謀論,我覺得BU今次收佢,好似,嗯,有啲其他用意囉。我諗大家都明明地啦。

  6. Justin Says:

    嘉嘉:呢句,又好聽又好用!

    Gordon,肥醫生: 如果呢位小朋友真係dedicated去做research,早幾年入大學都可以,但,真係早左十年喎,加上,九歲就決定自己想做乜,真係太早。

    同埋,做研究,係一條不歸路呀!!

    鐵夫:唔同之餘,仲會有人覺得我咁講係因為吃不到的葡萄是酸的,妒忌果個小朋友添⋯

    余若虛:BU收佢,咪同馬料水大學收左個醫科學生一樣!!邊個抽緊油水,真係大家心照。

  7. Lo Says:

    終於搞好 VPN 喇 =.=;

    戈幾年小學中學,無咗追都追唔返。佢老豆咁推個仔入去大學,第時個仔先知無咗呢段時光,我相信連佢本人都唔係覺係值得炫耀o既一件事…

    以前我會醒日諗,我中學戈陣醒日都唔知點磨過咗d時間,好似過左六年小學六年中學,完咗入左大學都好似同人差咁一折,淨係識玩,但係諗返其實都學咗好多野,同埋,識識落落d朋友同老死先係最緊要,呢個common history,豈係社會上面ge薄薄o既緣份可以代替呢?

    陰公.


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: