槍戰

2007/12/17

N70_photo1315.jpg

資訊科技行業一向陽盛陰衰,友人於上海M$工作說是五一次比,馬料水大學計算機工程學課程某學年更只有一名「女生」,事實上世界各地的院校電腦科學系亦如是。綜多學科裏,電腦科算是最有感覺的一科,成就也最大,然而這裏最惱人的是令人絕望的男女分怖,綠葉雖好也要牡丹扶持,火紅的太陽高高照不過為了那欣欣向榮的太陽花。

也許缺少了異性的刺激,讀電腦的男生往往像個大細路,對於打手槍一類活動尤為有興趣,無論是於現實還是在虛擬世界裏,射槍類遊戲永遠受歡迎,在碩士學生的辦公室裏也莫明其妙地出現了兩把手槍。十一月的某個星期六下午,有人舉辦打手槍比賽(射的是那種海棉做的子彈),竟然有二十人參加,手槍當然不夠用,主事者熱切地花了個多小時往城裏的為參賽者買槍。

主要戰場當然是敝系範圍,敝系上下共三層,以三條樓梯接通,敵對雙方分別以東南及西北的角落做基地,目標是要奪取對方之軍旗(典型的capture the flag),其間若給敵人射中,就要回基地休息三十秒,其間不能攻擊,另,沒有友善的火

主事者一聲令下,槍戰開始,一群廿多歲的男生在這橦沉悶的建築物裏穿來插去,顯然同學們都熟玩電腦裏的射槍遊戲,有人跑到上層守著制高點,有人駐守樓梯口,有人開火掩護同伴上呀上呀上呀,有人不知從哪兒找來海棉做的長劍扮白武士,有人死守著基地做camper。時光飛快的過,幾個遊戲以後,同學們開始熟習環境,也投入了作戰的心情,遊戲愈來愈好玩,有人模仿電影裏的槍戰鏡頭,向後彎身避子彈之餘,又在牆壁間彈來彈去。

樂極生悲,悲劇就在這裏發生了。

在香港在國內,豆腐渣的建築並不罕見,樓宇做得太好,又哪裏來重建的藉口?然而,我們卻時常覺得西人的樓宇特別堅固,尤其是美國,需知美國人沒有司琪姐,事事上法庭講証據講賠償,商場地滑使人跌倒也可賠個一千幾百萬,冧樓豈非大不了?同學們就抱著這份對美國的信任,把生命交托在這橦建築物裏。

然而,原來彼邦的建築物跟祖國的一裏不堪一擊,印度同學飛跳轉身開槍射中躲牆後的美國同學並大喊You are dead然後撞到牆上同時有一巨嚮美國同學又說You ARE dead, look at your back印度同學發現身後出現了個大大的洞遊戲腰斬。

人們走在一起在討論如何補救之時,有美國同學說他在大學時打穿了宿舍走廊的牆,然後他找來一張大海報把洞蓋著,他說大概過了半年以後才有人發現但犯人已逃之夭夭。

主事者於是又走了個多小時的路,到城裏買來一張大大的海報,把這個大大的洞蓋著,也向校方備了案。

N70_photo1316.jpgN70_photo1354.jpg

自那天起,海報靜靜的依傍在牆上,掩蓋那在淌血的傷口,掩飾這個美國豆腐樓的醜聞,日出日落,個多月了,沒有人再提起這件事。

廣告

19 回應 to “槍戰”

  1. Patrick Says:

    搶旗仔。。。真係超好玩

    以前玩Unreal成日都Multi-play同世界各地既人玩Capture the flag。

    另,今日聽到某所大學宿舍的玩BB彈槍戰玩到射爆了天花板的灑水系統,槍法之準簡直令人眼界大開。

  2. gordon Says:

    x2
    unreal ge capture the flag玩極都係咁好玩

    玩到牆都穿埋又真係激左

  3. JHKChan Says:

    唔關係咪豆腐渣事啦,擺明果道唔係主力牆,係dept自己間房啦。我相信中大都做到呢個效果。
    又再話時話,我office都唔知點解有支槍喎。 @@

  4. 余若虛 Says:

    CQB喎!好正!

    有得respawn,梗係做死士啦,camper好悶,死camp爛camp camp到恰眼訓時又係比人射死。

  5. Yun Says:

    > 然後他找來一張大海報把洞蓋著

    看到這裡﹐我噗的一聲笑了出來。令我想起Shawshank Redemption。I was listening to the news this morning, some inmates used the same method–dig a hole in the cell wall and covered with a poster of ladies in bikinis–and got out last night. That’s quite incredible. Why do they still allow posters in cells???!!

  6. 火鶴 Says:

    其實呢, 呢D唔係豆腐樓醜聞, 北美D間格牆, 全部都係用木或金屬stud做支撑, 通常每隔16吋一條, 外面再冚drywall(gypsum board)做牆身, 而呢D drywall係有防火規格嘅. 咁做嘅好處係容易放電線水喉响牆身入面, 仲有, 當電線水喉有問題時, 又容易拆開修理, 補番個洞又易. 如果你去開Home Depot或Lowe見到一大塊一大塊嘅gypsum board, 果D就係你哋打爛咗嘅牆嚟架.

    「打手槍比賽」
    嚇得我丫!

  7. Justin Says:

    Patrick:射爆灑水系統,我都聽過喎,不過我聽果個係踢波省爆,而唔係bb彈。

    Gordon: 點鬼知啲牆咁弱雞。

    JHKchan: 其實,好多人隨身都有支槍gar la!

    余若虛:撞爆牆果個咪真係死士囉!

    Yun: 嘩。你講到好似做戲咁,啲監犯用隻鐵匙就可以挖隧道逃獄咁!!

    火鶴:嘩嘩嘩!你果然係專業人士!!

    另,本來呢個post我想用「打手槍」黎做標題,但怕太多無謂人search到入黎,都係改番個平庸啲既名字。

  8. 米搞 Says:

    師弟講得咁專業,等我又答下咀啦:

    响北美間墻用dry wall原因係快同平,因為响北美建築工人既人工佔建築成本好大既部份。响香港啲間墻就通常都係磚牆,响香港要用drywall,反而建築成本仲高,因為啲人唔熟悉點做。

    仲有,我睇過一個有關世貿中心點解會成楝倒塌既documentry,其中一個原因就係因為連大廈入面既樓梯core wall都係用drywall;相反香港樓就咩都係石屎。所以某程度上泥講,香港啲樓係好安全既。

    同埋,睇泥你個faculty 既生活真係超悶!!!!!!

  9. Yun Says:

    真係珍珠都冇咁真呀!!

    Here’s the new clip.

    Andy used how many years? Twenty?! These guys only used few months!!

  10. Kane Says:

    點解本校無人玩些咁刺激的遊戲?
    我都好想玩呀 XD

  11. arnim Says:

    好羨慕。好似睇「Numb3rs」成日見到美國 D 乜乜 game 物物比賽,相反香港 U 的生活沉悶不已,自己讀書時成班同學唔係炒股就係做傳銷…

  12. 鴉天狗 Says:

    我都覺得讀電腦的學生係最多無聊o野玩的
    次次打雪戰都見到我班d人, 由campus打到出街… = ="
    仲有我又知道大我一班d人個個打wow… 人數多到有自己的工會

    又… 個幅牆係咪咁大件事呀…
    我以前highschool宿舍年中都會爆一兩次
    (d鬼仔大打出手嗰陣)

  13. Kris Says:

    馬料水大學賤標一定唔會有打手槍比賽,因為全部都係924打梗:x
    今年CS 有唔錯既異性…呵呵

  14. readandeat Says:

    我以前在辦公室玩槍戰遊戲。豆腐樓,我信呀,尤其是新蓋的樓宇。電郵覆了。

  15. Justin Says:

    米搞:其實比响香港,真係邊度都悶。嘿,或者應該咁諗,咁悶,咪可以專心讀書囉。

    Yun: 乜逃獄真係好似咁易咁⋯

    Kane: 只要有人肯搞,好容易淒夠人玩者。

    arnim: 我都覺得係。香港學生好多時都太過單一化。

    鴉天狗:爆牆果下,其實我都覺得唔會好大件事。我呢間學校,校風自由,乜事都可以發生。最多咪賠些少錢。而事實亦証明左,真係好小事。

    Kris: 今年cs有唔錯既異性,我都聽聞過,仲响fb度見過相添!

    readandeat: 謝!我亦覆了。

  16. mysassyhime Says:

    你講得好刺激,我都想玩埋一份,我諗如果整爛牆…….好驚要賠錢!…..

  17. 七十樓 Says:

    1)霎眼我都嚇親,理由同長頸鶴一樣
    2)~~~~~~~金田一校園七不思疑~~~~~~~~~~~

  18. Gideon Says:

    哈哈.. 你地知唔知台灣人講「打手槍」係咩意思。
    Well well 呢啲鬥快射既遊戲,
    唔駛玩,我諗輸。

  19. Justin Says:

    mysassyhime: 果位同學到而家都未收到要賠錢既通知。

    七十樓:唔使驚。我都仲好肯定自己既性取向。

    Gideon: 咦?係咩意思呢?不如叫大小鎚出黎表演下!


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: