男生宿舍

2008/01/10

呢度,九成似報社會室囉!

不過,住落慣左,又唔覺得太亂,只係間唔中聞到臭啫,邊個忍唔住咪邊個倒垃圾囉。至於床鋪枕頭,人地話幾年冇洗過,咪最多鋪多條私家毛巾顫住個頭訓囉。

廣告

20 回應 to “男生宿舍”

  1. Lu Says:

    咁張相又誇張過報社幾成。
    去過「地獄」返出嚟未死得,證明我哋有蟑螂般的生命力。哈哈~~
    諗返轉頭,嗰啲絕對係瘋狂歲月,年青生活的標誌。

  2. Justin Says:

    又其實我而家間房唔好得好多。

    話說我琴日中午開左鑵吞拿魚,食完之後將個鑵連埋裏面啲水掉左落垃圾筒。

    然後去左做gym,成身濕曬但冇換衫。

    之後夜晚訓覺,一直聞到一啲酸餿咪,以為係自己件衫,但換左之後都仲覺臭,於是我就倒埋啲垃圾,但,仲係臭,係窗邊傳黎既。

    原來我聖誔節時,放左個面包响窗台度,唔記得左,琴晚終於發臭。

  3. 米搞 Says:

    你都係叫你女友泥多啲啦~
    咁應該會好啲掛?!

  4. winson Says:

    面包都發臭?= =

  5. Lu Says:

    一個人住係咁架啦。我嗰陣住宿舍,啲蕉同橙擺到發臭出水、麵條生虫、西裝都有幾十隻嘢躝吓躝吓,結果一直冇著到,等到搬返屋企先拎去乾洗。

    個包俾你發現得早,冇變到「芝士西蘭花」咪好彩囉~~

  6. 孖瑩 Says:

    其實係咪大部份男仔都係咁?

    我以前有個男同學住宿舍,有一排midterm趕paper溫書,食完公仔麵個煲連湯放左係度,成個禮拜都無掂過,後來終於發現個煲既存在,仲發現湯的表面有類似菇狀物體(!),真係好恐怖。

  7. 黑人 Says:

    以前小弟留學時陰差陽錯,跟一個索女同住一間apartment
    最初入伙時索女回港渡假,揭開個電飯煲,以為佢煮左d唔知乜菜
    原來果d 曾經係白飯

    至於佢未丟的垃圾堆,逐批丟走後,摧毀了不少小生靈的家
    而且陣味幾日都唔散

    所以結論係,女仔都未必乾淨得去邊!

  8. 三點 Says:

    嘩,鬼屋呀,超恐怖,個枕頭呀,搞咩呀,我淨睇相都聞到陣臭味,好得人驚,側田仔你唔好學壞呀。

    雷小姐,教下佢啦。

  9. Kris Says:

    宜家報社雜物叫做係少左。食完既碟、飲品清理得好快,床舖都唔算太核突(雖然我有宿就一定揀訓宿)。蟻,叫做可以接受啦,落唔到keyboard 就掂唔到,無問題。

    我覺得最難忍既係有一大堆汽水罐、膠杯、碟或者任何一樣野變成班煙民既煙灰缸。成堆煙屎不得止,入面仲可能有d 積手極核突。所以我先出post 話只係勉強忍到佢地,我真係唔太鍾意人食煙。又話說琴晚唐世豪羊仔同june 係資料室鎖住門煲煙,一開門入到去…

  10. Lu Says:

    孖瑩、黑人:原來你哋都見過「芝士西蘭花」。我見過個煲「花」原本係一鍋白粥嚟既~~係幾個月後變咗又黃又綠咁解。

  11. gordon Says:

    wa,好嘔心…完全係籠屋來的…
    不能接受門口咁多垃圾冇人清…

  12. 余若虛 Says:

    個時係hall,都係同roommate鬥長命,睇下邊個頂唔住細菌感染死先。結果通常都係我。好明顯,我係唔會接受到住係個咁既垃圾堆入面既。

    仲有,男仔房煮野食唔洗煲係常事。通常洗煲既時候係下次要煮野食個時。

    BTW,記得有次都係房聞到酸臭味,搵來搵去都搵唔到原頭,但又間唔中傳出黎既難頂。最後頂唔住反轉左間房先發現原來有盒上次打邊爐剩得既中華豆腐係度發臭。諗起都噁心。

  13. Hana Says:

    學生係做腦力勞動的,工人就係做體力勞動嘅,所以工廠的宿舍干淨好多。
    話時話女生宿舍就算污糟都唔會咁夸。

  14. Galileo Says:

    住宿舍時, 大概每次有女仔來都會話仲乾淨過佢地,
    甚至退宿時check房的都驚訝左一聲咁多.

    一室之隔 (理工宿舍係兩間房共用一個廁所), 師弟間房就厲害好多,
    連魚缸都有 … 有時我頂唔順都會幫佢地執房.
    自己間房就日日掃地, 一星期拖地吸塵, 加一個月抹窗.

    到依家一條友住, 多左兩隻貓, 變本加厲到日日用漂白水拖…….

    女宿, 有時可以好恐怖, 味道小事, 淨係行入去紅色under掛滿天都嚇得死人…

  15. 孖瑩 Says:

    黑人:同意,女仔都唔代表一定乾淨。以前住宿舍時,我同房係個比較粗枝大葉既女仔,食完野都唔記得洗或者d野亂少少都係閒事,所以我都好明白既,哈。如果見到,作為同房既都會幫手執執既,以免悲劇發生啦。

    Lu:係呀,見過之後畢生難忘,但同時又驚嘆小生物頑強的生命力!

  16. Yun Says:

    It is sooooooo scary!!!!!!!!!! I want to throw up!!!!!!!!!!

  17. readandeat Says:

    你唔似咁lau 搞喎。

  18. Justin Says:

    唔好煩,一次過應:

    佢响度時,佢忍唔住,咪佢執囉。我忍唔住,咪我執囉。但,我又有幾可會忍唔住?

    你見過啡中帶綠既面包未?另,面包裏面仲有火腿同牛肉同芝士。

    話時話,我每一次同人講「芝士西蘭花」,人地都好容易get到我講咩喎。莫非人人都有過整「芝士西蘭花」既經驗?

    你真係未見過大場面。一個星期冇洗過既煲算得係乜野?你下次試下煮飯,然係唔好開蓋,由得個飯煲放番兩三個星期,就整好一味「芝士西蘭花」

    我成日都覺得,如果一個女仔可以亂得過我,真係幾恐怖。

    一早壞左啦!發埋臭添lu。懶左就唔覺。

    覃某好明顯係其中一個主要元兇。

    以前覃某住紫霞,佢間房係我見過最亂既房。成地都係廢紙同垃圾,完全見唔到地板。我都唔明佢同房點忍佢。

    早祈唔好上報社,我驚嚇死你。

    咦?!咁就可以開鑊油去整臭豆腐?!

    我見過一間女仔既屋企係十萬個亂,就覺得好出奇,點解可以咁。

    而家我office坐我隔離位個同學仔都試過頂唔順幫我執過啲野,之但係唔夠三日我又亂番曬,佢就放棄左再做。

    嘔啦嘔啦。嘔左,仲核突!

    又即係咁,我對監犯既自由冇乜意見。之但係,如果講到溫水煮蛙呢,就⋯

    果日我掩飾得好者!

  19. Galileo Says:

    … 想像唔到紫霞亂個時係點,我係第一批住客,個時都未裝修好 -.-


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: