我都也是內向的

2008/03/08

看見這位寫完「我是內向的」,然後這位再寫「我也是內向的」,很有共鳴,不得不寫番篇「我都也是內向的」。

我需要很多獨處的時間,自己搭車,上咖啡店,食雲吞面,讀書,行路,看電影,很多時候都會零願自己一個人做,因為可以想點就點。跟其他人一起,總不能讓自己來去無蹤的思想主配著腦袋,是不斷地想跟對方的話題,以免因為dead air而感到尷尬。

最怕等車時踫見半生不熟的,如果太生,點點頭連耳筒都不用除下;如果太熟,可以談天說地之餘亦可以坦白地說「我而家唔想講野」;半生不熟的,禮貌上總得吹上兩咀,心裏一直想究竟巴士幾時黎,在聽對方講話之餘還要想究竟講完這個話題之餘接下來應該是甚麼。

我有幾個西人同學們很喜歡說話,四五小時的派對裏由頭講到尾,但其實大部份(他們也承認)都是trash talk,即是四五個小時說了等於沒有的話。當然如「得閒飲茶」「食飯未呀」等等都是說了等於沒說的,但這些短句子的功用在於消除兩個男子街頭相遇時有眼神接觸十秒鐘的尷尬時刻。不過四五小時的無聊對話卻很不容易呀,或者對於他們這是很容易的事,但於我而言,講說話跟寫program一樣傷腦筋。

我也有喜歡說話的時候,都是我覺得對自己的幫助的場合。一年級做rotaract,對上有班生意人,他們贊助我們,所以間唔中要著老西去做廉價勞工,對著他們,出於禮貌出於崗位需要也出於利益考慮我會盡量變得善談。另一邊廂如果在過程裏學會新野,我也很喜歡這樣的對話,就例如跟吳桐學吹水每次都有新鮮古怪野每次都覺得好好玩(雖然佢可能會覺得悶!)。又或者是我說話時有很多人(最好女多男少)在聽,並覺得我講得好好亦見聞廣博(哪怕都是馬屁),總之自己感覺良好就成。我覺得說話必定要有些目標或有些作用,因為開口講野實在太累。

不過不喜歡說話就好容易讓別人覺得自己超cool超串超高傲,有時為了令別人覺得自己平易近人我會多講兩句,之但係,真係完全諗唔到有乜好講喎。我腦裏不是在反覆背誦陳奕迅歌詞就是想書本裏的事(其實還有很多不便公開講既),咁唔通你叫我通街唱兩名男子街頭相遇咩?

廣告

18 回應 to “我都也是內向的”

  1. Yun Says:

    Wahahaha!! LOLOTF!!! (> 又或者是我說話時有很多人(最好女多男少)在聽,並覺得我講得好好亦見聞廣博(哪怕都是馬屁),總之自己感覺良好就成。

    Haha! 係呀係呀!!

    其實關於內向﹐我還有野想講﹐之不過還未寫得出。。。

    我真係需要很多很多獨處的時間﹐多到有時都覺得自己唔係好正常。不過同意你所講﹐因為中意可以想點就點﹐唔中意就人!

  2. Yun Says:

    Aiya! After LOLOTF I also wrote: “知唔知係乜". But it disappeared! I used “<“.

  3. Kris Says:

    以前超內向,上大學突然變得超外向。

    怪。幾乎咩人我都吹到兩句。

    話時話,我都好似無搵過(or 搵唔到)吳桐學吹水。

  4. readandeat Says:

    我不覺得你內向呀。

    在美國,大家都習慣了一種過客的心態,即你讀書的地方不等於你將來工作的地方,大家只是匆匆在一個點上相會,然後又各散東西。那種party我就最不喜歡,其實是不斷找人聊天,聊完仍記不起對方是誰。所以我去那種party都不說話,只去吃,實際些。

  5. circle Says:

    很有共鳴!出來做事後經常會出現要和不太熟的人寒暄的情況,午飯、乘電梯、等車等等都是 dead air 黑點…完全感覺到兩人都很努力地找些沒意義的話題說,為甚麼現代人的生活要這樣呢?

    我自問也不算太內向了,不過我還是很喜歡自己一個人時胡思亂想,如果這時突然遇上相識的人我會不懂得反應的…:)

  6. tsw Says:

    豈有此理,我也是內向的!!!!!!

  7. leona Says:

    對,為了逃避(部份原因)在巴士站遇上半生不熟的焗住奉陪到底,我在中大幾乎「戒」了校巴。

    對,獨自從CC走上NA。慣了。

  8. 三點 Says:

    –>「又或者是我說話時有很多人(最好女多男少)在聽,並覺得我講得好好亦見聞廣博(哪怕都是馬屁)」

    okok,我地宜家成班靚女聽你講啦,你幾時返,我地book個場去lecture theatre聽。

    -->「我腦裏不是在反覆背誦陳奕迅歌詞就是想書本裏的事(其實還有很多不便公開講既)」

    好想知係咩囉!

  9. gordon Says:

    兩樣野,第一樣…我都都也是是內向的…大多時候我都發覺要諗野講,真係好辛苦…

    第二樣係講到"識得講說話",我會諗起和坤,睇完和坤傳奇真係學懂唔少講野技巧,只少係公開場合方面

  10. et Says:

    如果deadair 無問題嗰d
    咪係fd

    我都好enjoy一個人係屋企
    一個人食飯
    一個人去cinema
    仲有一個人出差

  11. 余若虛 Says:

    我都係唔介意一個人的,有時都唔明點解下下都要人陪,去厠所都要一齊囉。

    最怕就係同半生不熟既人同路同車,真係好煩,無話題可說,dead air又好尷尬囉。唔熟個啲,我係唔會坐埋去的。有時見到都扮見唔到,R下頭遮一遮咁又過骨(我扮得好似架)。

    不過,要我搵野講時,我都可以好多野講。至於同相熟既朋友,我應該係會唔停口既,天南地北胡扯一通也是一種樂趣。

  12. Lo哥 Says:

    一個人好,最怕被人打斷思路,浪費時間再入狀態。我本應今日都想寫篇類似,點知原來你寫咗~ 哈~ 我都寫咗好短篇~ 不過問題係我唔知我係內定外啫。

  13. Justin Says:

    Yun: 咦其實你都唔係第一次話鐘意獨處喇喎!

    Kris: 哈!又或者係吳桐學掛住打機。

    ReadAndEat:如果有食既party,我就超開心。我啲同學大部份都唔食野既。

    Circle: 搭電梯果下,blackberry真係偉大發明!入到lift,人人都淨係睇住部藍梅扮忙,大家唔使講野。

    Tsw: 你即係串我啫!

    Leona: 嘩!咁大犧牲!我通常都係避搭第二部校巴。

    Gordon: 和坤好利害,起碼佢可以接近皇帝呢一個咁危險既炸彈咁耐,都死唔去。

    et: 同意呀。就係半生不熟果啲,deadair超怪。

    余若虛:如果岩傾,個腦好自然有好多野想講。最慘就係夾硬要搵野黎講。

    Lo: 好難有個好明確既分野。我有時都覺得自己超外向,但係,又比起有啲人,相對黎講我又好自閉喎!

  14. Justin Says:

    (咦,唔知點解會skip左)

    三點:!!!!!我好內响gar ma…..咁,嚇到我呢世都唔敢番黎!!!

    想知咩?!我已經唔記得左喇喎!


  15. 那我是自閉的。

  16. Justin Says:

    咁我都好同意喎:)

  17. Leon Says:

    我都係內向,唔係太識同人相處,太介意人地點睇自己
    呢個社會係有d歧視內向型既人,我有時都想自己變成交際高手,不過要花好大努力,但係個d外向型既人只要做自己就已經係交際高手

    但係想一想,其實歷史上有頁獻既人,好似愛迪生(唔係香港條edison)呀,愛因斯坦或者小說家,都係d內向又善於深思既人


  18. […] Me tagged http://www.youtube.com/watch?v=aN-cyI8lZnM at 11:16 pm by kalamchan 看到Justin兄的 “我都也是內向的”, 我不禁問自己:  […]


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: