搶米立立雜

2008/04/22

明報:美民搶買糧 超市限額售米

還以為美國此等富裕的國家,只會出現搶購iphone搶購ps3的新聞,想不到竟然都要搶米。

這段新聞再吸引我因為它提及「新英格蘭」地區,時常見的新聞,美國西岸只有加州和西雅圖,東岸只有紐約華盛頓波士頓。那天民主黨在羅德島初選,我還熱切地尋找報紙裏關於這裏的報導,我只找到俄亥俄和德州。羅德島雖然細,一個鐘都唔使就足夠由西南駛到東北,都唔使隻字不提啫!

一向貪方便subscribe了meal plan,雖然有時好鬼難食不過勝在分量夠多。今日上網查下年度的費用,嘩頂佢加價加足足一成,千一加到千二!大佬我呢啲低收入既研究生,每個月交租已經冇左近半份糧,仲未計買書買餸,都係要再考慮下食唔食meal plan好。

美國呀美國,你生性下啦!幾年前你都曾經風光過格!零五年港幣對歐羅曾經九個半都唔使,偏偏到我賺美金時,就跌到十二個半,足足貶值左兩成半!怪唔知得你啲iphone同ipod咁好賣啦。

喺我既眼中從來米都係唔值錢既野,於是我會好唔鐘意一碗白飯可以賣到十幾蚊既貴價酒樓。我亦從來諗唔到大米响文明世界都會出現短缺既問題,美國喎!冇飯食,點解唔食burger king?

友人成日話上年股市炒得性起時,又有邊個諗到最後竟然五香肉丁會跑贏大市!係,冇錯,肉丁既存倉費係貴啲,但係佢起碼三五年先到期,時間值跌得慢個窩輪多多聲喎!

廣告

6 回應 to “搶米立立雜”

  1. Says:

    加一成﹐唔貴啦! 而家樣樣野至少都加一成啦﹐出年可能仲離譜囉。咩事呢家陣?!

    本來我都覺得而家既經濟景況唔係好影響到我﹐但最近﹐D野加價加得真係好利害呀﹐汽油都過$4/gallon﹐ 想點呢!

  2. caoshiren Says:

    香港加的超過一成。我最愛的美心海南雞飯,漲價不說,還少了茶和湯。

  3. gordon Says:

    唉…中大d can呢一年都加左1x-2x%

    btw依家個市又唔係咁睇la,好多股都等緊上 haha

  4. Justin Says:

    雲:係囉咩事呢?!人工又唔見佢加一成!!

    唔好渣車囉!好似我咁,徒步行半個鐘去超級市場。你果度地方大,最多咪行遠少少。

    Caoshiren:嘩!即其實,對於美心黎講,果碗味精湯既成本幾乎係零喎。

    Gordon: 個市我已經冇睇好耐。

  5. Says:

    半個鐘去超市?!! 你梗係冇乜野買定啦﹐如果唔係回程都幾慘!! 我次次都一袋二袋﹐好重的!!

    我都唔想渣車架。不過我患有public-transportation-phobia囉。行路﹖冇可能。我在另一個城市返工的。

    你第時返工﹐我包你會渣車!! (Unless you live in NYC.)

  6. Justin Says:

    十次有九次我都係行路去。於是乎,我就會好小心,諗清楚乜野要買,乜野唔使買,如果唔係拎到PK。

    我而家已經想買車/單車喇。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: