隔離飯香

2008/05/04

五月,學年完結,放暑假回香港。跟大半年沒見面的朋友相聚,自然地會以「果邊讀書點呀?」作開場白,不善辭令的我定不能即場爆肚,我也好應該趁著這個時候準備一些標準答案。

每每讀曾旅居英美作家的散文,如董橋李歐梵劉兆銘馬家輝,總覺得留學又浪漫又虛榮。那怕是窮得要過著吃馬玲薯的日子,抑或在仰慕蒼蒼的學識之餘也追求窈窕的倩影,又或者在冷雨夜的燈影下翻書做研究,總之是一個奇妙的旅程。

這是我第一次飄洋過海到外面唸書,以前對留學有過很多幻想,也羨慕當交換生的朋友。他們回港,我興高采烈地問外國讀書的有趣事,有時得到的答案是「冇呀,在家上網睇碟,得閒打下波咁囉」,心想暗罵他們白白浪費這難得機會。曾幫一位小朋友補習了三年,會考以後他就給父母掟過英國寄宿學校去,每逢長假宿舍關門他會回港渡假,然後大喊留學的生活苦悶難捱,飯堂難食又時常跟當地學生爭執吵架,我暗忖這小朋友不懂珍惜。

我在風景如畫的羅德島渡過了整整八個月的時光,親身証實了留學的一點一滴。當別人問起,又應該怎樣描述?

挑燈夜讀說來浪漫,現實卻是沉悶無比。常身困於辦公室裏苦讀學術論文,然後吃飽就睡,睡飽又回到工作間去,沒有人會對這樣單調重覆的生活感興趣。那應該說我學會了喝有氣礦泉水嗎?又或者介紹這種便宜的海產,大談煮龍蝦和開生蠔秘訣?

人們說到外邊讀書,好應該多跟不同國家的同學玩玩,增廣見聞,開開眼界,就算無學養的增長也起碼練好會話。大學裏有很多派對,一個週末晚上可以認識很多人,翌日facebook上又多了廿幾個「朋友」。應該說自己為國增光落酒吧泡洋妞?還是坦白的承認,自己因為怕英文不濟而不敢約鄰座的ABC上咖啡店?

應該佯稱自己喜歡那些表演者會在台上抽水煙的地道音樂會,然後宣稱自己不再聽陳奕迅楊千嬅?還是在友儕間大談跟同學們隊草的經歷,然後當父執輩責問時,就如龍應台的兒子在《親愛的安德魯》裏強辯這不過是「性、藥、搖滾樂的隱喻」?

其實我怎樣說都成。這裏我沒認識幾多位香港同學,如何胡謅別人也無從引証。事實上,八個月過去,書沒有讀過幾多,會話也沒有大進步,也說不清父母的錢是不是白花了。

曾經對往留學有很多幻想,到今日發覺又不外如是。想來,在馬料水諗書時所作的倒蛋事遠比現在多,那時的生活也較今天精彩刺激。

或者,又引証了「隔離飯香」的道理。

(同刊於香港經濟日報)

廣告

15 回應 to “隔離飯香”

  1. Tung Says:

    我的心聲啊!我的心聲啊!

    留德的東

  2. 垃圾仔 Says:

    當時只道是尋常呀側田. 以前讀中大, 咪又係覺得不外如是. 畢左業至會懷念讀書.

  3. 三點 Says:

    返左黎,搵我啦,田田!
    😛

  4. cr Says:

    亦舒講,留學好比黑社會,沒有出國的不知道内幕,外表風光,在國外的心照不宣,所以每年不斷有人上當。(和原話可能有出入)

    我覺得好貼切,出埠遊學八年,所有的事情都在不言中。抱怨,別人說我不懂得珍惜。稱讚的説話?實在講不出口噃。

    誒……無奈。

  5. 北極星 Says:

    1. 出去留學得到D咩, 我覺得係好機緣巧合囉. 例如我自己, 頭三年係一片空白, 突然間後兩年唔知做咩鬼咁精采. 可能你撞唔o岩個機緣je.

    2. 唔係我搞分化, 但係有時, 出過去同未出過去o既人, 好似唔能夠完全了解對方囉.
    最無奈係, 如果你話出去留學冇咩特別/呢樣唔好果樣唔好, 有人會覺得你唔識珍惜(好似你以前諗個小朋友咁); 如果你話外面幾好幾好呢, 又有人話你show off喎.
    所以, 我而家已經收聲唔講野……

    by My Heart Left in San Francisco的北極星

  6. 黑人 Says:

    三點姨
    你睇你
    急不及待要抽水了

  7. Justin Says:

    Tung: 哈哈!你果度英文都冇得講,仲大鑊。

    垃圾仔:對呀。可能,日後,我離開左羅德島之後,又會好掛住呢度。

    三點:好呀!我而家响JFK,番緊黎。

    CR: 只能夠望日後既風光可以compensate番而家既辛酸啦!

    北極星:同意呀。有時,自己有少少成就,想同人分享時,人地就會覺得你响度曬命。所以好多時候,我都係同熟既朋友講就算數。

    黑人:巨人先生,聽聞你好大隻喎!

  8. 三點 Says:

    巨人叔叔,都話咯都話咯,我同雲雲都好留意你架,成日去你度架,不過田田可愛吖嘛,呢個type啱我地D中女呀。

  9. Says:

    田田﹐可唔可以借個地方等我同巨人叔叔示愛呀? 哇﹐佢呷你醋呷到出曬面喇。

    巨人呀﹐我同三點美人都好好好中意你架。

    (不過呢三點美人﹐我好妒忌你囉可以見到亞田田。。。)

  10. readandeat Says:

    明白明白。

    噢,原來飛返去會佳人。哈哈。

  11. 三點 Says:

    好緊張呀,好緊張呀!

    阿姨級粉絲三點上

  12. 巨人 Says:

    大滴汗…
    你地兩個熟女趁我病,夾埋抬我上台既
    跟手就在台底向側田抽水,哼哼哼 ~

  13. Says:

    係呢,不嬲聽你地講馬料水大學,溫馨又刺激,好玩過外國好多。

    不過都係睇你身邊有咩人既啫。你身處既環境/世界,開唔開心好唔好玩,唔係取決於地方,而係身邊有咩人嘛。

  14. Justin Says:

    三點:滴滴滴滴汗汗汗汗⋯⋯⋯⋯

    雲:最多我下年去搜尋器公司度見工,順便黎搵你!(者但係,mountain view去你果庶都大半個鐘頭車)

    讀寫:飛番去要會好多好多人呀!

    巨人:我之前仲諗左好耐究竟巨人係邊個!

    鎚:係呀。身邊既人唔好玩,真係去邊度都冇用。馬料水度好多奇人,我番香港第二日就即刻仆番去見佢地。

  15. Says:

    梗係要!

    哇﹐仲要等成年啊?! 唉。

    如果你來﹐咪順便來SF玩下囉。搜尋器公司個邊好悶架。^^


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: