學術會議小記

2008/07/16

還有明早半天就完,然後回羅德島。前後共五天,像發了場夢一樣。

不,是發了很多場夢。會議很具規模,跟人工智能有關的都會投進來。兩天半裏有二百幾份論文發表了,來自五湖四海、三教九流的地方。先不要說要用唔咸唔淡的英文溝通,單單是不同範籌的論文,要於短時間內明白背景慣用符號再理解簡直十萬個難。加上唔夠訓,於是,聽講座其間,悶極又冇女𥄫,發了很多場夢。

在我發表的環節裏,依據老細的指示,強調論文的intuition就夠了,以及empirical results,其餘的technical的東西,橫掂廿分鐘裏講都冇人會明,由得罷,有興趣的人自然會拿論文來讀,當然我跟著指示做。剛剛的星期日,看見老細的另一個post-doc,他說老細不會來,大悅,present得差都冇人知。present的過程不過不失罷,我反而嫌問答環節的問題不夠挑戰性,雖然問問題的是個出名高傲的人,但那問題還是普普通通的,可能佢見我係二打六彩我都多舊魚,都費事理我。

以前友人也到過海外的學術會議,看見一些水平差參的論文,心想「頂,咁既野連馬料水大學既fyp都不如,早知我都出一份」。友人當然係好有實力既勁人,但問題係人地又係唔係屎得咁利害?話曬份paper都叫做比幾個人review過。今日,我都遇到同一件事,廿分鐘的演示的頭五分鐘,講者講到CSP的microstructure,我心諗,你唔係想就咁用allDifferent麻?慢到仆街之餘prune唔到幾多野咋喎。就睇下佢點繼續,真係淨用allDifferent。在實驗結果裏,只看見他們成功的項目,但沒有報告他們所用的時間。我心想「頂你唔講要run幾耐唔講其他人行得快過你幾多,你話自己識飛都冇用啦。」事後到台前問講者關於實驗的時間長度,原來他刻意把timeout時間較到有咁長得咁長,然後話所有項目都在限定時間裏通過。妖!咁都得!在馬料水做RA時已經想過這個東西,但那時覺得如果真係有用冇理由冇人做左,肯定係因為超慢,於是我就沒有做下去。早知如此,一年前我已經有自己的paper。

這裏的學生,大多數是三四五六年級的博士生,其實我覺得自己有點幸運,我跟土耳其同學才不過第一年,屬於很「年輕」的一輩。另,來自香港的人也不少,但全都是火雞大學的國內同學,他們說幾乎沒有香港學生讀博士。望見土耳其同學處處是同鄉,連一兩年前的會議主席也是土耳其人,他可以用自己最熟悉的語言去跟人搭訕,心裏難免有點點羨慕。

廣告

6 回應 to “學術會議小記”

  1. Timothy Says:

    就是啦, 火雞大學Computer engineering 本地生Dean list 的都去 Bank 做個小" I.T. 青衣" (不是什麼I.T. 達人!) , 仲有個拿了academic award (dean中之dean) 做到 AIA 做人保險. 很少人像你有理想有財力到花旗國留學.

    側田兄, 下次回來別要避見我地呢班煙腸兄弟姊妹吧.

  2. JHKChan Says:

    我話咗啦,傻仔先讀碩士博士㗎咋。
    係咁醒嘅,出嚟改變世界好過發白日夢啦。

  3. Justin Says:

    Tim: 而家我真係千金散盡還復來呀⋯⋯交完租後冇左半份糧,餐搵餐食餐餐清。

    JHK: 我咪係果個傻仔囉!!我呢啲冇咁醒既,就係驚一旦改變唔到世界,幾年後都多張沙紙旁吖。

  4. JHKChan Says:

    你擺明係想睇書啫,目標清晰。
    我都係為咗張沙紙。
    喺象牙塔要改變世界係好遙遠嘅事嚟。

  5. F.E.L.I.X. Says:

    Justin 兄,我還是比較樂於留在象牙塔中 -.-

    對了,你是否認識 Baldwin Wong?他是我中學同學!

  6. Justin Says:

    jhk:我仲想學英文添!

    同埋,讀咁多,好明顯同我成長環境好有關係啦。

    Felix: 象牙塔都有佢既好,塔內,相對地風平浪靜,可以慢慢做自己既野。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: