仰望

2008/10/09

我還是無法停止跟別人比較。

遇上一些覺得佢好勁的人,便想學。想知道他們日常做的事,時間分配,一路以來的種種歷程,中學大學讀甚麼,然後廿幾歲的時候又怎麼過,那時候他們曾經迷惘過嗎?遇到生活和前途的種種可能性,他們又是如何走過的?

我老細是個好很勁的人。他以前寫個幾個系統,全部都賣了給不同的軟件公司,賣了一套,又寫過一套新的更好的,又再準備賣出去。到啡大以前,在不同的地方看見他的大名,就先入為主地認為他只負責統籌,然後所有事都交給他的𡃁做。直至來到啡大,才發現現來他每天都在寫程式。有天,他一口氣取消了跟幾個研究生的會議,說他做低了自己的系統,要補鑊唔得閒開會。聽罷不禁大笑,很難想像這是出自一個教授的口。

跟他開會很多時候會費盡一天的力氣。有時是我覺得他錯有時是他覺得我錯,反反覆覆來來回回好多遍簡直累死人,還試過我在講解中途他把我叫停,然後說要估我想點做。我心諗,話曬我都諗左個幾禮拜,你係唔係真係咁很醒呀?!

研究以外他掛在口邊的就是研究經費。簡單來說就是他幾條𡃁的學費和生活費。美國政府的經費不多,據我所知很大部份的經費是來自私人機搆,收得人錢,自不然要幫人解決問題。於是三日唔埋他又不在校園到其他公司開會去。

數埋數埋我怎也不明白他的時間是怎樣分配。我有修三科和一個研究項目,已經窮盡我所有時間,很難理解一個人怎能同時做咁多件難事。問他係唔係一日淨訓四個鐘,他卻答盡量要訓八個,每日工作大概十一二小時便是。

十一二小時竟能做這麼多事?不會累嗎?我一天認真專心地做六七小時已很好,一個人怎可以長時間這樣動腦筋?

就是不明白。或者佢真係太醒。究竟佢讀phd時係唔係已經咁勁?

每天仰望著這望的一個大人物,就係想學。

廣告

13 回應 to “仰望”

  1. him Says:

    近來我會看一些另類的人,究竟怎樣成名,既不是有很多相關學歷,也未必有正職。

  2. kklo Says:

    神人是無所不在… 去到邊都覺…

  3. Pat Says:

    我開始時對老細也是這樣,但後來學術野心被逃離現場的慾望淹沒之後就停止了。

  4. 許港生 Says:

    有人可以仰望,都算是一件幸福的事啊!
    他朝別人仰望你的時候,記緊拿這篇blog文給他看一看,指點他一下迷津。

  5. Leon Says:

    做好一個平凡人已經很不平凡了。還想甚麼神人幹嘛﹖

    回顧一生,所謂的「勁」想起來也不是甚麼一回事。

  6. polly Says:

    嗯~
    其實咁都唔錯, 有個勁人係自己左近…可以藉此鞭策自己…
    唔同的階段需要有唔同的人比自己"仰望"吧…

  7. Roy Says:

    正當你在仰望他的時候,覺得他「勁」的時候,他只是在盡力做好自己的本份而已。簡單來說,這是天生的,無得學(應該屬於天資類吧)。
    就等於要你食齋一樣,勉強不來 〥_〥

  8. Justin Says:

    Him: 你所說的這些人,比學術圈子裏的,更難看!

    kklo: 係囉。我成日想知神人個腦係諗乜野的。

    Pat: 嗱嗱嗱你唔好將你逃走既慾望淹過黎羅得島先好。

    許港生:我也希望有咁既一日!

    Leon: 大佬,你先至廿幾,咁快咁灰?

    Polly: 對呀。想學佢,咪令到自己再努力啲囉!

    Roy: 天資是沒有得學的。但,見到佢咁勤力,總會想學到一點點。

  9. 阿仔 Says:

    同意!我都係,不停地尋找「偶像」。(我用來形容這習慣的詞語)尤其是入左中大之後。見到叻既人,就會不停想了解佢既思考方法以至生活習慣。然後諗,當自己到佢既年紀時,學唔學到人咁叻?不知不覺咁被左好大壓力自己。

    戥你高興跟到個好老細。

  10. 米搞 Says:

    其中一個可能性係,佢multi-tasking既能力好高。

    曾經聽過克林頓既做嘢方式:佢朝早一路响跑步機跑步,一路食多士,眼就睇CNN新聞,耳仔就聽緊下屬既報告...

  11. log0 Says:

    Justin, 我又咁睇, 你有無諗過自己多年不停地成長, 覺得自己今時今日做既野係幾年前自己好難處理或者唔可以輕輕鬆鬆去處理?

    同理, “efficiency" 一詞都未能夠表達.

    “Work less to impact more" 先岩.

    其實有啲人本來係好勁, 我相信你明白人蠢就係蠢, 人勁就係勁, 你睇我呢啲人就知, 點同ACM team啲人鏈? 啲人勁唔勁,有時係大家心中有數。講到尾,你要明白一啲你明白咗好耐既野 : 好難會有公平之分 (點呀,你邊位老師教你呢啲呃人道理? =) ), 不過你唯一可以做到就係你做緊既野 – 學!

    (http://chioka.in)

  12. Justin Says:

    阿仔:嗯。對呀。中一時望住中六既師兄,覺得佢地個個都好醒,會考三十分。勁想學。當我去到果個位時,發現原來同自己既師兄差得太遠⋯⋯⋯

    米搞:佢既multitasking真係超高。開會時,佢長期係覆緊email⋯⋯⋯

    哈!唔怪得佢可以搞曬成個白宮!

    log0: 係囉。唯有盡學囉。

  13. log0 Says:

    最後,我作為谷底 food chain bottom 講句 : Be better than people around you.

    蠢人講野,有時有意思架!


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: