嬅麗緣

2008/10/16

到今日還是很懷念華星與新藝寶的楊千嬅,自從她跟黃柏高到金牌以後,她的歌就不再是我杯茶。當然一個歌手的唱路總不能十年如一始終不變,從《少女的祈禱》到《姊妹》是個好轉變,可惜自《小城大事》起就開始覺得不倫不類。曾幾何時我一隻大碟煲足十隻歌,主打當然一聽再聽,就算是其他filler也一樣地煲完又煲。

陳浩賢(其實我以前沒有聽過這個名字)為楊千嬅填了首《嬅麗緣》,單看歌詞就覺得是《K歌之王》的楊千嬅版,歌曲的風格也像是華星的楊千嬅(大概是因為人山人海)。感覺有點像《八步半》,大概是因為六八吧。

邊聽邊數算著歌詞裏的歌,以及歌詞裏其他歌的詞。回想起自喜歡楊千嬅以來的總總,也感到黃柏高後對她的陌生。她是唱功從來不算得上好,第一次聽《體驗入學》時更覺得她走音而想立即換碟,可是漸漸下去卻愛上她的《愛人》與《花樣嘉年華》,喜愛她就是。

幾年沒有買過楊千嬅,對上一隻應該是《向左走向右走》,已經是六年的光景。六年間見她得的獎愈來愈少,較大的只有商台(很有造馬嫌疑的)的我最喜愛女歌手獎,覺得她走不出事業上的樽頸,反而拍電影較好看。黃柏高縱有點石成金的能力,紅了古巨基紅了側田,我卻覺得楊千嬅是他的敗筆。

煲了幾天《嬅麗緣》,走過了由《狼來了》開始十二三年的路,歲月長衣裳薄的青䓤歲月,到吻下來豁出去再到以後的陌生,但願楊千嬅可以像曾幾何時十年都長不大的twins一樣,回到華星的時代裏。

廣告

13 回應 to “嬅麗緣”

  1. 孖瑩 Says:

    我都好懷念華星時代的楊千嬅,聽啦啦誇啦啦聽到我想熄收音機。感覺她好難走得回去,尤其而家跟左黎生,仲衰!

  2. Karvitz Says:

    人始終都要長大,唱十幾年都係咁樣其實唔係一件好事。我覺得黃柏高對楊千嬅好好,有無幫到佢我唔知道,但最少可以俾到楊千嬅做佢想做的音樂。

    每個人都眷戀著華星年代的美好,大抵因為佢已經唔存在,楊千嬅係咁,陳奕迅係咁,就算梁漢文都係咁。華星其實已經過去,就如楊千嬅自己所講,佢已經唱唔返那個時刻的情懷及唱腔。

    人係會長大,就算Twins 出事前,近呢幾年都刻意改歌路,唔要再行少女路線,要搵女人味,可惜完全九唔搭八。

    無人可以青春到老,等如攬住華星唔等如一定繼續有好野出,但相比而家,左拚加湊的楊千嬅比Paco 年代的更差,希望下張碟可以拎返個主導權,自己話事,俾我見返一個真真正正的楊門女將。

  3. Juju Says:

    嗯, 作為一個很喜歡華星時代千嬅的歌迷(她當時的album我家儲足), 其實gold label時的千嬅水準有點飄忽(我也很喜歡unlimited), 但東亞時代的她…..我說不下去了.

    但不認同華星時代的三寶是最美好, 陳奕迅係咁,梁漢文都有過華星後好聽的碟.

  4. Juju Says:

    對不起, 有個typo: “…但不認同華星時代的三寶是最美好, 陳奕迅和梁漢文在離開華星後, 都有好聽的碟."

  5. Karvitz Says:

    Juju: 陳奕迅過檔後有好多好多碟都好聽 (我係忠實歌迷) ,梁漢文都係,而我其實想講,當大家對華星同學會的人做碟時稍有差池時,就會搬返「好想佢返去華星」呢一點出來講。

    認真,陳奕迅及楊千嬅都係陪住我大的最愛歌手,我當然唔想見到佢地霉,只要Keep 住自己行開條路就已經心滿意足。

  6. 路過… Says:

    如果你覺得金牌時期電光幻影、Single同Unlimited都吾好我覺得係音樂類形吾同而你吾鐘意…

    因為呢三張碟(尤其 電光 同 unlimited ) 音樂質素係好高下…

    何為不倫不類? 同佢之前d碟有得比甚至更好…

    唉!好可惜依d好碟你覺得吾好聽…

    P.S. 千嬅新藝寶已經係跟Paco之後跟Paco過檔…

    另外編曲係Adrian Chan@Sense我吾覺同人山人海有直接關係…
    雖然係監製…

    証明當大家對華星同學會的人做碟時稍有差池時,就會搬返「好想佢返去華星」呢一點出來講…

    另外六年間見她得的獎愈來愈少 ???

    04年千嬅得到全年最佳專輯同監製比以住某些獎更有價值…

  7. ss_ter Says:

    我也懷念以前的楊千嬅
    極喜歡八步半愛人出埃及記冰點等等
    只有她,才唱得出那種味道。應該說只有那時的她。

    現在聽她那首咩咩啦啦誇啦啦…有點汗顏…

  8. Justin Says:

    孖瑩:唉係呀,佢自己都話已經唱唔番以前果種歲月長衣裳薄既感覺⋯⋯

    Karvitz: 其實《姊妹》果個轉變係做得唔錯,但我覺得佢之後係失左方向。

    Juju: 我覺得gold label既時候有幾隻歌都好唔錯,但係總體來說我唔能夠再好似以前咁,成隻碟聽曬。

    又或者係,因為我既忍耐力差左。

    路過:係呀,因為我唔鍾意佢近年既歌,所以覺得唔好聽。

    當然唔同人有唔同既感覺。

    關於攞獎,我好可能係bias左响商台既頒獎禮,佢攞既獎感覺上確係少左。

    ss_ter: 對對對,只有那時的她⋯⋯⋯

  9. 路過 Says:

    你話唔鍾意佢近年既歌

    我覺得你吾應該話金牌千嬅的歌不倫不類或吾好聽……

    因為你吾係 base on 音樂質素去睇而係佢轉歌路你吾鐘意…

    依個就係我想講個point…

    無冒犯意思…XD

  10. Justin Says:

    路過:sor, 唔記得左覆!

    嗯。我同意你講我唔係話佢既音樂質素既問題。

    另,我認為,「我唔鐘意」,同,「我覺得唔好聽」,基本上係一樣既。

    🙂

  11. 野蠻郡主 Says:

    其實楊千嬅有一輪d歌好好聽架!

    好似"可惜我是水瓶座"個輪…都好正!

  12. Justin Says:

    果隻係新藝寶早期既碟黎麻!

    《小飛俠》都好好聽!


  13. […] 我喜歡的楊千嬅,由中四到大學。後來她改變歌路,她已不是那些年的她,已不是《大激想》的她,於是漸漸疏遠。 […]


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: