好彩乎?

2008/10/27
昨日人言報錢志健和今日畢老林(幾日之前大概都看過有關新聞,但已搵唔番)均提及一名加州的對沖基金經理Andrew Lahde,透過沽售低級債劵,在一片腥風血雨中勁賺866%。
但其實佢係唔係真係咁勁?尤其是在衍生工具幾乎是零和的遊戲裏,有人輸錢就自然有人賺錢,只要個pool夠大,參與人數夠多,梗有一兩個超好彩的outliner賺超多。究竟係佢好彩定係真係獨具慧眼,真係好難講。
就好似Taleb咁講,如果一個基金經理經歷過多個股災,佢就真係有番咁上下。
當然佢急流勇退,對投資者說無力再玩,也算醒目。一個人怎能咁好彩兩次?
同理,而家市場上面淨落黎既投資銀行,究竟佢地真係咁勁,知道次按所引發既問題會咁嚴重,所以識得早早收手,定只係純粹好彩?
廣告

8 回應 to “好彩乎?”


  1. 係咪呢篇呀??

       恒指昨天一度跌近二千點,收市險守萬一。

      忍不住要讚一讚隔籬鄰舍羅耕,9月18日大字標題〈至怕萬一〉,當時被視作危言聳聽;事隔不足四十日,恒指以11015點收市。許多人依家才喊一萬,羅兄卻早知萬一,抵佢牙擦。

      像羅耕一樣,於指數「離行離列」時便預測個市會跌至「正常人」無法想像的水平,總會被人冠以「末日博士」的外號。他們如果只是「齋噏」,像紐大教授魯賓尼,縱享大名,也不會有什麼實際得益,最多只能證明自己眼光獨到,虛榮心得到滿足。

      可是,倘若閣下如「金融圈內」欄主錢志健君昨天提到的對沖基金經理Andrew Lahde那樣,put money where your mouth is,在這場橫掃全球(周日科威特政府被迫出手拯救受外滙合約所累的銀行)的金融風暴中,應該賺到笑。

      老畢在去年11月30日〈對沖金手指賭美商用物業爆煲〉一文中,曾介紹這位總部設在美國加州、專門利用衍生工具從次按災難中獲利的對沖基金經理。據錢兄提供的資料,Andrew Lahde去年回報驚人,達866%;如果今年策略沒有大變,他管理的基金應能繼續為客戶賺大錢,個人所得水漲船高,不在話下。

      然而,此君本月中致客戶及傳媒的公開信,竟以〈Goodbye and F— You!〉為題,令人啼笑皆非之餘,亦可見哪怕你是金融海嘯大贏家,目睹屍橫遍野的慘情,心理狀況也難免起伏不定:最初得意洋洋,繼而雄心勃勃乘勝追擊,但最終都會察覺自己的快樂建築於無數人的痛苦上……。

      Lahde在信中說,他再難掌握市場的感覺和方向。老畢卻認為,一個人財源滾滾(錢志健說Lahde在2008年首三季透過場外衍生工具沽售次按相關資產大賺),竟會「身心疲倦無力再玩」,或多或少跟心理狀況起了變化有關。這算不算「良心發現」,老畢就不得而知了。

      昨天路經金鐘萬豪酒店,巧遇上月曾為《信報》撰文的學者邵新明,跟他談了一會。邵君曾為私人客戶管理財富,於上月文中狠批本港註冊對沖基金掛羊頭賣狗肉,聲稱牛市熊市俱能獲利,跌市降臨卻不堪一擊。

      老畢想到的是,掛羊頭賣狗肉者豈止本港註冊的對沖基金。近日市場最熱門的話題是基金要錢不要貨,賤價清倉應付客戶贖回要求。正如錢兄所言,目前不管傳統還是對沖基金,策略只有一種,就是像女人街小販般「大出血」,獨沽一味賤售資產套現。

      傳統基金面對的困難,我可以理解,但對沖基金整體持倉情況如果是net short,即使面臨贖回壓力,也不致累客戶輸錢;有實績支持、能為投資者帶來「絕對回報」(absolute returns)的對沖基金,在市況平靜下來後,哪怕不能東山再起?然而,對沖基金經理在股市大上大落中一籌莫展,大都錄得巨額虧損,足證他們絕大部分是 net long。

      既然人人都是「長倉」,而repair strategies又如錢兄所言建基於正股看漲,在當前市況中完全派不上用場,那麼除了要錢唔要貨,基金經理還能做什麼?

      Andrew Lahde這位在滔天巨浪中勁賺近十倍的金手指,尚且意興闌珊告別市場;邵新明口中掛羊頭賣狗肉的「對沖基金」,遇上大跌市豈能不連環爆煲,嗚呼哀哉?

  2. 垃圾仔 Says:

    車, 有乜所謂, 反正輸左都唔係IBANK賠, 係納稅人賠. 有得賭白頭片, 仲要有阿爺包底, 拎條命出黎賭都仲得 (反正係輸阿爺條命). 所以對佢地黎講, 唔係好唔好彩既問題, 係有幾多傻仔落搭既問題.

  3. gordon Says:

    其實投資銀行,甚至乎好多對沖基金都係要輸,所有野根本係美國自己玩大左,依家攬住死都唔夠,要拖全世界一齊死

    只不過佢地可以係散戶身上補返數,真正ge大贏家只係隱形炒家同投資銀行ge管理層

  4. Justin Says:

    謝!應該有篇再舊些少的。

    垃圾仔:妖。真係最憎係咁。
    如果少傻仔落搭,佢地反而仲唔掂。
    只要夠多人中招,就會有政府打救。

    Gordon: 同意!咦,你冇損手麻?

  5. gordon Says:

    ha 仲未有咁ge彈藥入市,我諗我仲需要多兩年時間
    如果真係入左,今年呢10月埋數我應該仲有得賺,雖然唔多

  6. Justin Says:

    十月埋數都仲有賺,你有前途!努力!

  7. gordon Says:

    haha,d狀態都係一陣陣
    等緊你返黎做你生意ar

  8. Justin Says:

    haha!!! i wish i could be that wealthy!


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: