溫水煮蛙

2009/03/04

在外國,跟新相識的,有時吹多兩咀,對方就會問到關於香港的事,通常像這樣的:「香港好似而家係中國地方喇可,有冇唔同?」

到底,香港回歸大陸,又或者,大陸收番香港,都不過用字不同而已。就如在《非誠勿擾》裏,葛優說四九年是解放,徐若瑄說四九年是淪陷,其實是在說同一件事。

那麼,我應該欣欣向榮地答,說回歸十多年,香港經濟漸漸與大陸溶合;還是,很cynical地說其實這是溫水煮蛙?

那年自由黨轉呔,立不成廿三條,親愛的北京政府就慢慢開火,把自由行CEPA中資企業慢慢加進小城的這趟渾水裏,我還怕廿三條會在恒指升上三萬五千點的同一日通過。今日,連傳統金融都被美國的地方知慧拖跨,怕且都沒有人敢短時間內提廿三。

在海的另一面,另一個特區裏,也是一團糟。有人為表報國心,可惜今日不流行在背上刺青,唯有為廿三條火速立法。從始以後,議員、記者、大學教授都可以被禁止入境,可謂嘆為觀止。

查實我覺得,其實澳門在曲線救港,對面岸的火開得愈盛愈好,好讓在溫水裏的各位同鄉們知道,如果唔醒水,他朝君體也相同。

同場加映:黃子華九七年秋前算賬。

廣告

5 回應 to “溫水煮蛙”

  1. kklo Says:

    之前都有人問過我同一個問題,通常答︰「無乜唔同,除左政府智慧低咗」

    其實都幾怕班官的刷鞋文化,依家個句「背靠祖國」密到同祈完禱講句「阿門」差唔多……

  2. 詩白爾 Says:

    我會答:生活方式不變,但政府同市民o既思想行為已經大陸化晒lu~

  3. Simon S Says:

    背靠祖國<< 呢四個字好多含意嘅。
    講就五十年不變,但自己已經身體力行咁同上面接軌。

    嗰個垃圾會好似做埋show咁,講嘢又要小小心心。睇吓癲狗話林狗個時個主席叫佢小心啲講嘢,根本好多嘢都有問題。點解議員同官員係議會廳唔可以有100%嘅言論自由呢?! 真係好奇怪。最好笑嘅係港台最近有個節目叫激辯,心諗垃會入面點解無激辯。要係場外激辯呢?!

  4. maui Says:

    日前和內地人傾計, 傾傾下拉到政治, 教育, 經濟也說一番, 不過還是有點失望… 其實我expect 些什麼呢? 在"溫水煮蛙”的香港, 找到差不多政見/看法的也難, (除了在網上..) 何況內地人呢…

    有時很想多了解他們的看法, 但其實我expect 些什麼呢? 其實我也不只是一次向自己說, 別和內地人談這些以免失望… 但又做了…

    其實也奇怪, even among hk fds 都少傾呢d, except 特定某一兩個知佢地都有d perspectives/ like 傾呢d… 何況內地人呢…

    香港人"如果唔醒水,他朝君體也相同。"
    台灣更甚…!

  5. Justin Says:

    kk:

    「背靠祖國」呢句真係攞你命,今日打開報紙,「中央准滬建國際金融中心」,真係不得不替香港擔心,最後一隻碗都就快比人搶埋。

    詩白爾:

    然後,就要開始解悉咩叫「大陸化」⋯⋯

    Simon S:

    講真,真係五十年不變我先驚。

    另,

    其實自從二戰之後,一個國家對另一個國家的侵略好多時已經從明刀明槍既攻擊,變作現在陰啲陰啲的經濟侵略,更加難防。

    祖國放咁多水落黎,唔通唔要咩?

    Maui:

    台灣當然更甚。咁多台商都在大陸做生意,兩岸既關係冇可能切斷。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: