難得有人坦坦白白

2009/05/13

從來覺得,世界上沒有免費午餐。非親非故,沒有人有義務對你好。上左位的,或者會想為社會做點點事,為自己的名聲也好,為自己積點陰德也好,不過,這是在不影嚮自己既得利益的大前提下。

香港還仍然能維持今日的地位、今日的政治地位,我覺得,還是要多謝台灣,北京才會源源不絕地灌水下來。要麼有天台灣被收番國有,香港的政治地位立即蕩然無存,如果自己唔努力,就真係等收皮。應該如何努力,又是另一回事。

人們說我們應放眼國際,不應苟泥於香港這小小的一片土地上。自己好歹千辛萬苦下把半隻腳踏出了維多利亞港,卻不住回望這個夕陽無限好的小城市,畢竟朝夕相對廿幾年好有感情。老細問我畢業後打算點,我答曰還未有確實打算,多數回亞洲罷,覺得那裏是主場較有機會。不過,東南亞終年煙雨迷幪,查實沒有幾多條清淅而康莊的前路。又或者,這樣也好,資訊不流通,才更有機會發圍。距離畢業還有點點時間,可以再摸索一下。

人言報曹仁超接受奶周訪問,坦白得很,無非在說「我係坐住個位唔走呀,你吹咩?夠薑過黎打我吖笨!」

(M:奶周;C:曹)

M:那我們這一代後生的又如何?

C:但問題是,當這班人坐上中產階級的位置之後,後來的一批如何上位呢?現在你們上來,已經有我們百幾萬中產階級坐晒位,我們不會讓你們上來的!這情況類似七十年代的美國,而到八十年代後期上位的都不是中產階級,講的是INNOVATION、互聯網,二千年講的是INTERNET世代、X GENERATION。不過香港沒有X GENERATION,香港社群只得幾百萬人,如何建立互聯網呢?美國有數以億計的人口,因此能建立互聯網。

M:對啊!有年輕人投訴上一代霸著位置不讓年輕人上位呢!

C:點解我要讓個位出來?!對不對?我這個位置月入十幾萬,坐得好舒服,點解要我走啫?!我不單只不走,更專登不讓你上來!因為我沒有責任讓你上來的,這個位坐得我好舒服嘛!

M:我們在香港一定冇得玩嗎?

C:你們在香港一定唔夠我們玩,第一,遊戲規則是我們SET的;第二,我們在香港搵老襯搵了幾十年,財雄勢大;還有,「喂~阿曾、阿任,點睇呀?搞搞佢啦~整個勾地政策啦~」阿曾與我們是同一輩的,大家碌地沙玩大,我一個講唔掂,十個如何,我們是一群人,不單只這一群,連官都是自己人,都是同一代,都有共同語言的嘛!WE ACT THE SAME,WE THINK THE SAME!有默契的,我們信奉同樣的價值,「嘩~冒牌BEATLES來港!」便一窩蜂湧去聽了,我們都是聽THE BEATLES長大的一代嘛。

《與曹仁超對話》

廣告

19 回應 to “難得有人坦坦白白”

  1. bl100901 Says:

    Don’t really understand the linkage between Chow’s interveiw with MILK and your thoughts.
    Also, if you agree with what Chow said, then why do you bother to come back for a deliberate hard-ship? By JUST looking at your blog, it seems to me that HK is not really a rational way-out for young-brains like you….

  2. kklo Says:

    諗起清末太監,見之前d老太監成功之路,決心入宮,結果淨完身就革命 …

    在下都唔知會點,側兄你摸索到好路數記得關照下小弟…

  3. kenka Says:

    五七一工程?

  4. Justin Says:

    bl100901: Most of my family and my friends are in Hong Kong, that’s why i miss this tiny place so much. If I had to make a decision between hong kong and some other cities, under the same career prospect, definitely i will choose hong kong. However, as mentioned by Chao, most of the places are already occupied and there aren’t many places to sneak in… I am always looking for some emerging place in south-east asia, if there is a chance, i will go.

    kk: 這個當然。昨日讀明報,看見呢段新聞:
    http://hk.news.yahoo.com/article/090512/4/c5ab.html
    先假設佢會成事,都唔肯定係唔係條生路。

    kenka:
    嘩?咁大膽?容乜易我下次塔飛機番香港架飛機响外蒙失事?!

  5. 垃圾仔 Says:

    曹仁超難得坦白, 但係佢未坦白到叫我地取而代之, 反而係叫我地返去剝削大陸人.
    佢都幾得意, 呢頭話規矩佢地定, 唔好跟, o個頭話世界唔係我地玩哂, 要跟法律, 而家咪就係世界佢地玩哂囉, 法律咪又係佢地定. 咁做乜我地要守法律?
    有錢佬怕民主化, 去到最後都係怕呢d既得利益會俾人一次過取消. 所以講到尾, 經濟系統問題只能夠政治解決.
    最後一句, 香港係我屋企, 佢地先似係過客, 做乜我地要返大陸而唔係佢地? 戇x既!

  6. kenka Says:

    田田,垃圾仔真係講中我心聲,孫文搞既,好聽d叫革命,正式稱呼係亂匪,所以點解唔搞五七一工程?

  7. titfu Says:

    呢篇o野其實係咪堅?似終唔信曹sir 咁老實。

    • Galileo Says:

      篇野係堅的.

      佢自己都講老到已經失效的X/Y Gen, 其實即係暗示 – 你等我地過身下馬, 學下胡總溫總, 忍多代啦, 最好唔好學五七一工程就得.

  8. leona Says:

    出版社的編輯說,喂《新香港人》出書,新曲加精選喎,你忘了自己也要寫嗎?
    我問,what?什麼時候說我要寫了?

    現在看來,正好我還未寫。
    頂。家陣谷谷地氣,一於整多兩篇,同你鍊過。

    曹sir又點話。

  9. Justin Says:

    垃圾仔:
    成個訪問,佢就係營做到「而家係我玩曬,你班細既唔使旨意掂我!」既感覺,只會叫我地死開,又點會想我地挑戰佢。

    反而我唔係咁抗拒番大陸,只係,我未識大陸果套規則啫。

    kenka:
    嗱。老師以前教過,每場戰爭都係由戰敗者引致既,同時,歷史係由當權者寫既。

    之但係,我一介草民,又點夠薑玩得咁大?

    titfu:
    Google了一下,似是真的。

    Galileo:
    忍多代?即係我冇份玩?

    Leona:
    上星期諗寫咩諗到頭痕,冇乜感覺,寫來寫去都覺得不好。

    如果上星期見到呢篇,就好。

  10. leona Says:

    justin, if you want to make one more piece, you still can.

    or make it the next contribution the newspaper. Don’t waste the ideas.

  11. Roy Says:

    一介草民咪就係think inside the box囉!
    My question is where is the boundary of the box?

  12. 老麥 Says:

    有冇人聽過LMF 的反骨仔?

  13. Says:

    田:

    老土啲講句,機會係你自己俾自己既...香港,仲有得玩既(不過冇以前咁好玩囉)

    我畢業時都啱啱遇上金融風暴,樓市死晒,啲則師都話失業要跳樓...咁我做吓做吓,到而家又ok喎...唔係話點揾到錢,但係起碼生存到;

    咁,如果你係好有大志,要決心第時賺過億既,返大陸會比較好...又或者咁講,起碼應該番去試吓先,唔掂咪番泥囉

  14. Justin Says:

    Leona: Probably will use this idea in the next article~

    Roy: 你個問題問得好。有時,我自己一介草民得,連個box响邊庶都睇唔到。

    老麥: 嘿!乜同曹仁超講既野咁似的!

    米:我又冇諗過要搵好多錢。我想要好玩既生活多啲。香港就算爛船都有幾分釘,實仲有好一段時間玩,我考慮既只係,同上一代放一樣既effort,我到頭黎得到既,好可能會少好多。

  15. 老麥 Says:

    米,係呀,低朝只要不 out game,基本上一定翻到身。

  16. 老麥 Says:

    側田,係咪聽到發滾呀!嘿嘿佢地第一隻碟,係百年經典黎的

  17. Justin Says:

    似前冇乜仔細聽。都係聽完大懶堂同無根草就算。多謝介紹!


  18. […] 其實,誰說這遊戲不能反映現實?當一個玩家在遊戲中建立了勢力,有了同色地皮加兩三楝紅色房子,基本上很難把他拖下來。現實就是,當人們上到了高位,或雄霸了一個行業,就尤如在那個行業湊齊了同色地皮,起好了紅色房子,要不是他們犯下甚麼大錯,很難叫他們在位置上被拉下來。所以,曹仁超的坦坦白白,所說的也是這個道理。 […]


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: