期望帶來失望的惡性循環

2009/06/10

迄今參與過五篇論文,正在投的文是寫得最好的,實際成果也最好。在四個不同的基準數據上,撗掃了五六個於近十年發表過的方法,本來期望很大。

四月尾交文時老細跟我閒聊,笑曰如果這篇文都給人彈回來,那以後都不用寫文了。

這星期得到初步回應,跟預料的落差很大,這篇文甚至很有機會被否決。

滿心期待的九月葡萄牙之旅,很可能泡湯。

當然,一篇文被否決的理由有很多。可以是論文本身的質素不好,也可以是由於某些政治理由。

否決論文,有些理由是百搭並堂而皇之的,這個跟批評政府推出政策前諮詢不足一樣,永遠不會錯。

不過每當看見這些堂而皇之的理由,就知道論文若給否決了,不一定因為自己不好。

老細跟我說「嗱你知道學術界係點啦。仲諗唔諗住教書?」

其實這些事時有聽聞,不過今次身在其中,才覺得嚴重。

他再補多句「不如嗱嗱臨畢業後黎我度做,好玩好多」。老細剛開了間startup,正在請人

廣告

12 回應 to “期望帶來失望的惡性循環”

  1. Says:

    Justin, research seems boring arrr… hehe… 😛

    anyhow, just want to say, add oil ah! 🙂

  2. 小瓶子 Says:

    希望维持平常心.

  3. C+ Says:

    論文再好, 好不過寫文的人.

    好野實有人識欣賞!!

  4. Says:

    校園其實真係一個「困獸鬥」既環境,因為基本上唔可以好似做sales 咁,你今個月做到好大條數,就可以响公司入面橫行都得

    因為「錢」呢個最易量化既指標响校園入面用唔到...

    如果你唔鍾呢啲辦公室政治,真係唔好响學校做

    香港都係咁...起碼,我响HKU讀既時候都親眼見到...你諗吓,連响學生眼中都見到呢啲明爭暗鬥,咁响辦公室入面會係點??

  5. wiwiana Says:

    哎呀,難怪你呢排面書個status唔多好。或者就係呢d政治原因,令到咁多教授學者甘心甚至寧願不停係現在的研究上做minor fine tune 而唔肯做frontier? 唔好灰心住啦,你yr two咋嘛!仲有時間再寫再考慮要唔要教書… 🙂

  6. 黑人 Says:

    幫你唔到,只好留個言祝福你。

  7. 老麥 Says:

    分享我幾個朋友的經驗:

    1位是個天才,家庭原因在香港一線大學諗Phd, 他老師也是天才,但論文怎寫,就是上不到A級Journal, 由於她沒有世界一線大學的Phd, 本地難覓教職,現在外地執教…

    1位在香港的二線大學讀Phd, 他以為搞學術只講實力,以為Journal 的 reviewer 沒有有色眼鏡,後來發現錯得離譜,名牌大學有絕對優勢,加上學術界人事也不簡單,決定投身社會 — 問題是,for most jobs in HK, he’s overqualified!!

    1位是我舊同事,打算諗Phd 但一年就縮沙,因為發覺勁多人事問題,據他的說法是 “是想像中那回事"。

    “不是想像中那回事"是甚麼呢?我綜合多方的資料,1) 香港讀Phd很多時是同老細做阿四,有些不良教授甚至會設法讓你grad 唔到,好幫他做多幾年阿四,沈淪如此,悲乎! 2) 學術界是十分山頭主意的地方,跟錯老細一定冇運行。

    美國的學術界,比香港簡單得多了,比上不足比下有餘啦,努力!

    至於我的 advice…. 超大路,就係:

    “最好的商店,賣的是顧客喜歡的貨,不一定是自己喜歡的貨"

  8. eric Says:

    有時可以上訴嘅,要睇究竟喺乜原因俾人reject。如果喺唔夠novel,就難啲喇。有次喺俾我舊老板死都坳番生,不過就要喺短時間做大量嘅revision。嘔晒血。

    non academia嘅工一樣有政治嘅嗟。。。美國嘅學術界,一樣都可以好衰㗎,只不過名氣大啲,好似值得挨過去咁囉。

  9. tintinbright Says:

    之前看過你Outliers的書評,現實往往如是. 上天如果玩擲骰子,不會祇玩一鋪. 往後還有很多很多機會. 加油啊.

  10. C.M. Says:

    側田,

    識得一個好提攜後輩既Prof.,跟左佢,就算唔掂佢都撐到掂。雖然佢無乜背景/後臺(似乎),但佢都深得各方前輩器重。點成功,似乎唔係靠關係,而係靠佢自強不息。(際遇當然都算好大因素,但我作為旁人睇唔到)

    另,佢有篇論文研究關於中國國內管理文化,同埋一大班PhD graduate+candidate去做,sample size (人數計)無萬都肯定過數千,研究顯示同“西方”果套研究結果有好大差異。Journal既 Reviewer 淨係睇研究結果,就認為不合情理,reject左幾次,聽講佢話會再接再厲喎。

  11. MIT Says:

    我啱啱交篇論文,老細話十分好。點知3個external reviewer中,其中兩個話篇論文有一流的見解及很有創見,點知第三個卻彈三彈四,講到篇論文一無是處,要求再修改後才可答辯,差點兒不准過Oral Defence,簡直嚇死。幸好大步跨過。世事就是這樣,一樣米養百樣人,總會遇到一些有眼無珠的人,最重要的是對自己的肯定。

  12. Geoffrey Says:

    唔駛咁灰,寫paper當然要做到最好,不過千祈唔好諗住實得,因為review呢個因素絕非你可以控制,我有個friend投咗四次先至掂!
    繼續努力啦,又唔好因為咁就唔去葡萄牙喎。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: