投行自盡

2010/02/10

五點最近的幾篇,直中心坎,雖然我曾多次懷疑佢係虛構,邊有人咁勁?不過事鬼爛但,就即管當佢係真既。

************

這樣說也許很老土,也許很囂,也許很老積。

想當年年少無知,擠身成為投行電腦部的小小煙腸,同輩間威風了一陣子。

我老豆老母捱了廿幾年也沒在中環工作過,我第一份暑期工就在交易廣場。

做煙腸時,看見更廣闊的世界。才發現原來投行裏個個人都有錢,才發現原來世界上有人這麼有錢。

其實我不喜歡那份暑期工,每日番工都悶到飛起,不過虛榮心作崇,也因為我想發達,所以我還是想入投行。

不過做了一年煙腸後,投行沒有揀我。

於是出現那種inflated expense, deflated ego的感覺。

所以我還想入投行。

投行裏,一個二個名牌大學畢業,於是我想入名牌大學。

終於好不容易進入了間無人識的長春藤。上飛機前,還對朋友們說,放心,幾年後畢業我做投行將會大把錢。

三年間,時移世易,心態轉變了。

我開始覺得發達不是很重要。

我開始相信應該follow my own passion。

我肯定我一世無發達。

在同學間我是工作狂,某程度我認同,時常因為一些新構思而日以繼夜的做做做。

手上的研究成果一早夠畢業,但我還是很努力的鑽鑽鑽。一方面想贏,另一方面覺得超過癮。需知,研究出現好結果,比性愛還要興奮

現在的感覺是:有人俾錢我做自己喜歡的事。

原來喜歡自己的工作是多麼重要。

所以,如果我手頭鬆動少少,我會揀自己喜愛的工作。

面前大概有三條路:投行、跨國科技公司、蚊型科技公司。

前者錢最多,但不太有趣。早前摩緊來學校搞招聘會,請quants,對象是博士生。講者做了廿年quants,我舉手問How much fun are there to keep you working for 20 years?講者坦白的答,主要因為錢多。換言之,應該唔好玩的。

中者錢幾好,可以考慮,不過大公司限制多,也容易見樹不見林。

後者錢最少,風險大,兩三年後好可能乾塘摺埋然後一無所有。

那蚊型科技公司,其實是我老細的。今日跟他談起,他知我心思思想去微軟谷歌萬國,他說雖然錢唔多但保証一定好玩。

我喜歡我老細。就即管跟下佢睇下點。

曾經趨之若鶩的投行,已漸漸地消失於腦海裏。

廣告

24 回應 to “投行自盡”

  1. Says:

    >我喜歡我老細。就即管跟下佢睇下點

    好丫,趁後生先做自己鍾意既嘢,玩完先去諗點樣可以更有錢,做人會開心啲

    又咁,我後生啲既時候都覺得錢冇咁重要,到年紀大左,要生活安定,有安全感既話,心態又會變過...呢個係我個人經驗

  2. wiwiana Says:

    我覺得除左少數極nerdy兼且stats同programming都好得的geek,應該沒甚麼人會覺得quant好玩,但錢是一般IT的兩三倍(這邊的quant工起薪大約是£700-800/day,想美國也差不多?),對很多人來說,尤其是上有高堂下有妻兒的,錢的確是很重要的–呢句真係好老套,但可能你年紀較輕又沒有家庭負擔,所以未必認同吧。而且,比起一般在投行做IT的plebs,做quant在友濟中亦是一件很「威」的事吧…

  3. RandomCoil Says:

    幾時做interesting reseach 都肯定好過Sex… 所以既然你咁後生… hahaha… you know what is best for you MAN.

  4. shumc Says:

    要試梗係襯依家試,唔通等遲下有老婆仔女要扯埋人地同你一齊搏咩。你有大把本錢,只係爭在你夠唔夠膽。

  5. circle Says:

    “原來喜歡自己的工作是多麼重要。"
    can’t agree more.
    更重要的是, 除了工作我還有很多喜歡的東西 🙂

  6. Pat Says:

    >我喜歡我老細。

    如果有一日我痴左線要讀博,應該都係因為呢個原因。

    當然,都係要等我痴左線先。

  7. 玩泥沙 Says:

    「原來喜歡自己的工作是多麼重要。」

    如果唔知自己喜歡咩咁點算

  8. kklo Says:

    蚊仔應該係最好玩 =p

  9. Amanda Says:

    一入豪門深似海
    恭喜你可以找回人生的方向
    沒有負擔的人最幸福, 像我就只好盡力去喜歡自己的工作


  10. 如果我告訴你,我真的喜歡做投行管理?

    命運沒有安排,投行不需要熱愛它的人工作,我喜不喜歡其實一點都不重要。

  11. Justin Says:

    米:
    以前又有人同我講過,搵得多左之後,好難番轉頭。

    所以趁我而家搵得雞碎咁多時,就應該試下新野。

    wiwiana:
    我諗我應該考慮兩個星期做一日quants,夠我食之餘又唔使點做!

    RandomCoil:
    唉。得你體會到。

    我同其他人講,人地以為我吹水⋯⋯

    shumc:
    如果比我年輕多三年,仲大膽呀!

  12. Justin Says:

    circle:
    我就係發覺,工作外,好似冇乜我特別鐘意既野。

    Pat:
    又或者等你老細痴左線先。

    雖然第一次見你老細時,我真係以為佢係傻的。

    玩泥沙:
    放開自己,慢慢搵,實會搵到。

    kklo:
    望係咁望。

    RandomCoil:
    蚊仔 = 蚊型公司

    Amanda:
    而家諗番,當年投資公司唔請我,其實我係超好彩。

    共勉之!

    Just Little Something:
    當然會有人喜歡做。只是我覺得它不適合自己罷。

  13. John Says:

    微軟谷歌萬國經常請人,今日唔去第日大把機會
    年青人都係向有與趣方面發展好, 話唔定你係下一個谷歌

  14. Timothy Says:

    “打工者, 番工唔開心 , 份人工包左ka la" (某話劇對白)

    “搵食者, 番office你估係去Theme park ar!?" (原創, 我間唔中對自己講一次)

    我又唔覺得好需要番工好好玩好有滿足感, 實情係工作係對社會作出貢獻,唔係自娛八小時. 如果個個都做自己鐘意做既事,無人會做百佳收銀, 無清潔呀姐, 無做麵包師傅, 個個都變成偉大既舞蹈家, 咁仲成世界既!?

    Justin, 俾你日日都 Research orgasm, 放工唔使睇四仔la,
    (BTW, 呢篇係"年經", 一年半載又摷番Intern 來講一次, 大佬咁我會好掛住你ka bor.)

  15. 祖老頭 Says:

    但日返工唔想做野,周圍睇下睇下到左你個blog.

    做左10年野,有時覺得有D野冇選擇權

    我反而在工作中找樂趣,將好多野無限放大,生活會開心d

  16. Justin Says:

    John:
    我都係同自己咁講。

    大公司日日都請人。以後仲應該有機會。

    Timothy:
    呢句係黃子華响棟篤神探講既。

    Research orgasm三個月都未必一次呀!

    祖老頭:
    能在工作中找到樂趣,已是萬幸。

  17. bakingmaniac Says:

    咩情況都係intrinsic motivation 夠long-term,趁後生去追求,的確係理想選擇。Extrinsic motivation勝在夠temptation,可以玩多幾年先去追求都未遲。反正你嘅本錢係青春。

  18. kin ko Says:

    三條路?那創業呢?

  19. 強記小廚 Says:

    我都有同你咁諗法,如果仲未打算結婚組織家庭既話…
    當然我對投行呀、會計Big4呀以至跨國IT公司等呢啲含金量高既行業有些幻想,但畢竟好早已知入這些公司是無乜可能有想做就去做既條件。最少我知道我以前坐無敵海景窗口位都無日知道幾時日落……
    我依家都想揾番份R&D既工,就心滿意足了。

  20. Justin Says:

    bakingmaniac:

    青春有時數落,都唔得番幾多了。:)

    kin ko:
    想了幾年,還未想到可以創甚麼業⋯⋯

    強記小廚:
    想做R&D就正正是當年我離開香港的原因之一。


  21. […] 2010 RandomCoil Leave a comment Go to comments The last two entries Justin wrote were both about job and money. Being a reseacher earns peanuts compare to a lot of other jobs… So, why I wanna be […]


  22. […] 不過一諗到錢,曾經何時說過錢不重要,現在卻體會到兩週一現的糧單確令心裏踏實。 […]


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: