飛飛不停問我

2010/12/05

從東岸回港還沒有一週,又飛回西岸見工。

搵工跟媾女一樣,都是瘦田冇人耕。

西雅圖兩間公司一直不揪不睬,直到跟他們說我已累積夠兩個offers,他們才說「喂你下星期過黎得唔得?」

好不容易夾好兩間公司時間,週五週一各有各見。緊迫得很。上週四零晨六點才確認機票,中午十二點就起飛,好彩科技公司唔睇外型唔睇樣,行李易執,小小的一個拖喼就掂。星期一見完工即閃乘夜機回港。

其實有想過唔見西雅圖的,因為手上兩個已夠吸引。但一方面因為要跟同學鬥鬥鬥鬥,另一方面高人教落大門應長期開敞,辛苦些少都好應該飛多轉多見兩份,知己知彼也知道市場最新情況。佢想要你時,就乜都肯答你。

兩年前在西雅圖見了兩次工,大吃大喝揸跑車,開心都飛起,因為一切都是新鮮的。原本以為今次有整個週末亂走,結果在週日下午我卻躲在酒店房裏寫網誌。走到海鮮市場買了隻兩磅幾的大肉蟹,兩年前覺得是天上極品,今日竟淡而無味。

在港那幾天沒休息好,在壓力抗奮與時差的縱橫交錯下,身體感覺一日比一日差,這趟見工旅程好讓我順手還債。週末呆呆的在西雅圖,大部份時間在酒店大睡瞓,瞓極都仲有,顯然我好攰。

開始fail to keep track of the time,因為見工和offer的原故幾天要跟東西岸的人約時間談電話,加上自己短時間內飛飛飛,生理時鐘也打個亂七八糟。

那天說羨慕別人鐵鳥生涯,有機會我一定要盡量飛飛飛。因為我需要高薪高職高級品搏尊敬。困在跨太平洋客機的經濟客位內,油頭垢面,睡得不好,吃也不好,好鬼辛苦,又極費時。前日朝,貪得意叫了個room service早餐,一舊炒蛋兩塊多士三條煙肉一pat hash brown一壺咖啡,貴到飛起,三十蚊美金,未計貼士;第二朝走落在街角老麥買早餐,五蚊有找。味道幾乎一樣。不禁問,其實我想要甚麼?

得到的,是今日不再害怕大公司的HR,現在可以平起平坐地跟對方週旋。好像打機升級過版。自我感覺良好。

噴左咁多口水,結論還是,如果有機會,我依然會選擇飛飛飛。

廣告

11 回應 to “飛飛不停問我”

  1. 塞米 Says:

    其實香港人去美國找工作居留是不是很難的?

  2. Justin Says:

    在美國大學電腦系畢業的,找工作,超易。


  3. 搵工要飛黎飛去, 蝕埋機票 ?

  4. Justin Says:

    除左自己既時間外,冇野蝕的。

  5. John Says:

    到左都唔通知聲, 又請唔到你飲starbuck

  6. Geoffrey Says:

    最理想嘅飛飛飛,係每三幾個月飛一次,每次喺當地逗留一兩個禮拜,可以有時間抖抖然後enjoy下。飛得太密好倦㗎!

  7. Sarah Says:

    “前日朝,貪得意叫了個room service早餐,一舊炒蛋兩塊多士三條煙肉一pat hash brown一壺咖啡,貴到飛起,三十蚊美金,未計貼士;第二朝走落在街角老麥買早餐,五蚊有找。味道幾乎一樣。不禁問,其實我想要甚麼?"
    What a good Q!

  8. Chi Shing Lam Says:

    突然上到這個網站,見到你文章非常有趣,例子生動可以話學盡中西天文地理。我只係一個小時候用六日串唔到六個英文生字,係美國讀左兩年英文班肥完又肥endup學做SUSHI的20歲青年你識唔識設計手提電話D app呀?我有個idea想同你合作


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: