中大環球商業好好嘢

2012/07/03

零.上星期臉書廣傳兩則新聞:「十七名末代高考狀元所選的大學課程」和「馬料水大學電腦系同學勇奪國際編程比賽第八名」。

一.臉書不少人對這十七名尖子口諸筆伐,但於我看,他們都選讀環球商業系,對其他人來說,是件絕佳的事。

二.高考成績好只代表考試能力高。很多勁人卻未必考試能力。

二.一.零零年網絡泡沫爆破前,尖子都選讀電腦,拉高曬個curve。如果我早幾年出世,未必能輕易進入電腦系。

二.一.一.講左好多次,公開試的唯一意義是升學。唔係個個系都要五個A。尖子們入曬環球商業,其他學系就相對易入。芸芸學子,又可以少浪費精神在公開試上。

二.二.跟我同系同年畢業的同學朱某,現於矽谷任職地上最強硬件公司。他好很勁,碩士論文答辯時,他跟學系說唔得閒番香港,遙距用skype做presentation,那些論文導師呀教授呀博士呀,只好在太平洋的彼岸,馬料水的半山,對住個projector聽他表演。佢串得起,你吹咩。

二.二.一.不過,如果番到零零年,他的成績未必入到電腦系。

三.大學裏太多重要事要做,但又要維持某個水平的成績。

三.一.對於自己沒興趣的科目,我絕少上課,功課用聰明的方法做(所以朱某的存在尤其重要),考試只讀一日。如無意外可以B+。

三.二.如果跟讀書叻到爆尖子一齊考試,一定冇咁易攞B+。

三.三.再推一步,如果同尖子們同系,畢業時,我一定second-up都冇。

四.國際賽攞過獎,大把公司爭住請。

四.一.不過,矽谷科技公司的工程師,十個起碼六七個玩過/聽過呢類比賽,Google Apple Facebook Quora真係任你揀。

四.二.於攞獎同學而言,搵工確值得擔心,十九間公司俾offer,呢間人工高果間股票多,真係唔知點揀。

四.三.吾友謝某,幾年前得同一個比賽同一個獎,同樣地,Google、Apple任佢揀。

四.四.反而,閣下會考高考廿個A人地識你老鼠,美國學校一向通派A。

五.點解兩段新聞有關係?

五.一.參加程式比賽,是課外活動,同夜晚响宿舍搞野一樣,乃係自願參加,學校話知你。

五.二.閣下飛去台灣比賽,普通話堂你缺席照扣你分,功課依然要交,話知你代表學校代表香港。

五.三.攞全地球第八名,佢地背後所付出的努力,每星期坐底十幾廿個鐘。即係,每個星期比起其他人讀少十幾個鐘頭書。

五.四.幸好尖子們都選擇讀環球商業,跟據(三.二),佢地才可以輕鬆維持住成績,專心比賽。

六.結論是,讓尖子狀元們一窩蜂去讀環球商業,對其他同學來說,是好事。

廣告

22 回應 to “中大環球商業好好嘢”

  1. 老麥 Says:

    香港人做野一向是一窩蜂。無論是以前的三師,到電腦以及現在的奸管 [實情奸管一向好多勁人,只不過現在是狀元都入左去]。 他們代表的,是主流社會的現況。 基於絕大部份人都冇預知力,他們也不知幾年後會否捱出頭。

    至於你講的勁人,我覺得他們本身已是專才,在他們有興趣的領域,好多時比班狀元還要勁,只不過他們不是通才,在公開試的制度低下,係有可能被呢班狀元級擠出某些熱門科目。

    不過,天下間的狀元,又有幾多呢?

    • Justin Says:

      我近年既觀察係,好多成績好好既人,都走去讀商科。

      於是,Engineering變得好易讀。本身幾專既同學,三兩下搞掂左考試,因而可以專心做自己有興趣既事。

      如果太好成績好既同學聚埋一齊,專才同學可能要分心去應付考試,對專才對社會都唔係好事。

      • 阿圖 Says:

        但是 engineerining 變得較易應付又是否好事呢? 對於將來畢業後的工作是否有好處?

  2. hevangel Says:

    其實乜鬼環球商業系讀完出來做D乜?

    得個undergrad BBA degree點同外國名牌大學MBA的畢業生爭?

  3. Icarus Says:

    地上最強硬件公司<–不是Intel就是IBM,的確串得起

  4. H5n Says:

    hevangel﹕投行全世界周圍走。當然,(E)MBA都不是話拎就拎,電腦系都可以考MBA,或者先假設大家咁高咁大,通通本科出嚟,上文一樣通用。

    另,斷估lcarus不熟行情。

    博主﹕針無兩頭利,學店設計課程質素大大取決於學生質素。以往工程系風光,本科課程難到無倫;現在為求保証大部分學生能畢業,課程一再淺化,回帶再回帶,能夠學到實用的東西很有限。

  5. killing3000 Says:

    中左好多上述的慘事

    最好開科淨係俾個班人讀,標籤尖子專用,由得班人讀死佢
    唔好搞到千萬正常人

    • Justin Says:

      佢地困獸鬥,實有人輸的。做慣尖子的,實會好唔慣。

      • killing3000 Says:

        冇名次呢個概念就得
        可以set個gpa,例如3.9就俾dean list,其他全部跟規矩俾hon

      • Justin Says:

        Still, there will be competitions, e.g. who gets internship, who gets internship at the top places, who gets more scholarships, who lands on the job with most $$$….

  6. blogger70thfloor Says:

    我下星期FaceTime 發明FaceTime 間公司見工
    有冇心得可以分享?

  7. blogger70thfloor Says:

    小側田:
    我在FaceTime把第一代iPod Shuffle拿出來,說我真心欣賞呢間企業,並十分長情。
    奇妙的見工際遇

  8. blogger70thfloor Says:

    你幾時返港
    想見你一面
    呢幾年太多亊


  9. […] 我在這個欄目曾寫過幾位世界級工程師的故事(一、二、三),他們會考的成績都是不甚了了,甚至幾乎跨不過大學收生的最低門檻,但今日在矽谷卻如魚得水。我曾以為這些機會只限於矽谷的軟件工程師,因為香港的公開試無法測試出他們的潛能。但是,最近一位朋友的經歷,令我反思,究竟是不是美國的思考和生活模式,才能令考試的失敗者有翻身的機會? […]


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: