十六件事

一、自大又自卑。識得我耐既都知。甚至識我冇耐既都知。

二、懶。可以唔做既就通常都唔會做。如執房同洗碗同洗衫。

三、short-term memory超差。一直唔明點解人地可以記住對家打過果十幾隻牌。

四、怕瑣碎同重覆。唔好要我重覆做同一件事，我會悶死。所以咁鐘意番學。不過千祈唔好叫我教書。

五、錢不是不重要。但不是很重要囉。五千萬同五億對我來說沒有分別。我肯定自己一世冇發達。

六、會衡量得失。我可以做野唔收錢，但最好可以寫落CV。唔可以寫落CV既，就要夠多錢。

七、唔鍾意講野。我prefer唔講野，講野好用腦，好攰。我講野時，背後總有原因。

八、怕／唔鍾意打電話。原因同上。有時我肯講電話，其實已好俾面。

九、我要大量獨處時間。

十、自少又矮又細粒。廿二歲時還抱住一絲有第二度發育的希望。

十一、大食。跟體型不合比例地大食。最近紀錄是鯨吞了隻五磅半的龍蝦。

十二、人馬座。千祈唔好管我。只會適得其反。

十三、要管我唔係唔得。但唔可以係coercive。願意臣服於我覺得勁過自己既人。例如我老細。

十四、我鍾意做既野，就自然會朝思暮想做得好。唔鍾意做既野，會dun give a shit。令我鍾意做一樣野，好簡單，提供足夠incentive。

十五、鍾意比較。贏輸唔太重要。樂意給對手技術性擊倒。咁就可以向對手偷橋。我超鍾意高長勝。

十六、失眠。起身兩三個鐘後個腦先開始運作。但係夜晚好耐先可以cool down，一訓低就超多野諗。失眠好煩。