看圖識字

張某傳來疑似不雅圖片乙張。

講真，讀左七年男校，七年以來既午飯都在咸濕笑話中度過，如果冇能力响短時間內將一樣野同性扯上關係，跟其他同學溝通就會好有問題，處理得唔好既話甚至會比人排擠。

一睇呢幅圖，心諗：「嘩，乜個designer咁大整古！」那個政府機構既官員又未免太過戇直，冇奶油咁都睇唔出。

呢樣野叫Subliminal message，就係將啲想宣傳既野收响其他媒界入面，正常黎講好難發現，之但係我地個腦度事實上又儲住左呢啲message，慢慢心底裏就無意識地潛而墨化咁信左果樣野。

二千年美國大選，布殊對戈爾，响布殊既競選廣告裏面曾經閃過RATS幾個字，之後出現過一些爭議，指控布殊試圖洗人腦。最簡單既藉口當然係話純粹巧合啦，但係佢地選舉用幾千萬美金做宣傳，花左咁多錢請顧問，咁都發現唔到真係搵鬼信咩！

不過都好，就咁樣，我呢個遠在天邊既人都知道前宗主國有個部門叫Office of Government Commerce.