搜尋器·續

二。七。

先回kk。

冇錯。google出現以前，係用NLP一向用開既technique去認字的。

我讀過佢地一九九八年既google search engine既architecture既文，約略有提過佢地點做crawling。同埋，Larry Page似乎有出過文關於crawling，不過我冇讀過。

再回circle。

其實利用連結去做分析一向都有人做開。其中一個最重要既例子係，學術期刊既重要性，就係透過佢刊載既論文被其他期刊連結（refer）過既次數，作為衡量既準則。

三。

近日在網上看見一文，叫Google Monoculture。

三。零。

撰文者為Jeff Atwood，他跟Joel Spolsky合作建立編程社區網站stackoverflow.com（淨睇個名都夠geeky）。Joel Spolsky是微軟前PM，他一系列關於軟件工程的書超好睇，高傲得黎又有料，以前約略提過。Jeff Atwood同佢做得野，都應該有番咁上下。

三。一。

該文指，今天我用說web search，其實大多是指google。同時有些英文字典都把google當作一個verb了。

他舉例說nytimes的網站，從google來的較從yahoo來的人流多六倍。他的網站stackoverflow.com更甚，是三百五十倍。問題是，為甚麼互聯網作為一個低門檻的商業模式（如Thomas Friedman所言，這是個leveled playing field），任何人都可以輕易參加，連小學生都可以建立網站，在矽谷裏startup多如恒河沙數，為甚麼多年來Google都沒有競爭對手？

入門網站的先行者如yahoo，財雄勢大的Microsoft，為甚麼不能夠打敗Google？

十年前Microsoft挾internet explorer以令諸侯，一方面做低了netscape，另一方面透過其壟斷作業系統的優勢以維持自己的覇權。微軟得以維持，是因為windows的用戶不容易轉到新的系統，更重要的，是在windows上運行的軟件不能輕易地轉移到其他作業系統上，（喜歡wine既朋友唔好打我，我覺得wine而家只係「尚可」，同「好」還有好一段距離）習慣使用windows的人，無論自己是多麼的不願意，都可能被迫留在視窗系統的懷抱裏。

問題是，從www.google.com轉到www.yahoo.com或者www.live.com的難度是零，google並沒有十年前微軟的優勢，為何會出現這個寡頭局面？

三。二。

其中一個解悉，是搜尋器可以從使用者的動作裏，了解使用者的preference。

响以前（而家好似已經唔係），求其search一個詞「凍啡走甜」，第一個結果好應該是敝扑，當right click這條連結，可以選擇"copy link"，大家會得到"https://yipjustin.wordpress.com"。但實情，當大家按那個連結時，其實google會trap了這個動作，先redirect你去google度，等佢記得你剛作既動作，然後才再redirect你去你想去既地方。

向好處想，這是個收集資料的好方法。這樣，透過知道使用者既選擇，日後可加以篩選，得出更合人們心意的搜尋結果。

當一個搜尋器愈多人使用，就收集得到愈多使用者習慣的資料，從而強化自己的效能和搜尋的準備性。那就吸引更多人使用。

這亦可以解悉，點解年資最淺的live search既行為咁古怪。

三。三。

不過，問題係，如果有天，Google不再"Don’t be evil"，咁又會點？

（唔好意思，太忙，其實呢一part先係最想寫，但又未寫完⋯⋯等下啦）